Zaã a sɛ́wɔ 13:18 - LAWA A BOO SONBORE 2011

¹⁸ Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: «Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li.»

LAWA A BOO SONBORE

¹⁸ «Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: "Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li."

Zaã a sɛ́wɔ 13:18 ပူးပေါင်းရင်းမြစ်များ

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Zeremii 41:2

Netania a nɛgiĩ Isimayeli laanka a giĩ fù lɛ yoo, ǹ nə́ Safan a nɔ̀ɔn, Ayikaamu a nɛgiĩ Gedalia dɛ ka gɔya sa nɛ. *Baabiloniin kii min mɛn koa gánadɛnaa lɛa Zudaa gána nɛ, ǹ nə́ bɛ dɛ.

Matiə 10:36

Min a zɔ́ɔn man die goɛ̃ ka a din a kion minin ni.

Matiə 26:21

Ǹ bɛ́ màn bii, Yezu pɛ ǹ nɛ: «Masɛ n pii ka nɛ, sonbore, ka dinin min goon nə die masɛ we maa zɔ́ɔn gɔn.»

Matiə 26:23

Yezu tɔ́n pɛ: «Min mɛn bɛ́ á n gɔn wɔ kun ka masɛ nɛ dù tasa nɛ bɛa dɛnaa nɛ.

Marki 14:17

Wasa bɛ́ á mɛ, Yezu daa á dɔ ka a kialandɛnaa fulupaa lɛ nɛ.

Marki 14:18

Ǹ bɛ́ tán màn bii, Yezu pɛ: «Masɛ n pii ka nɛ, sonbore ne: Ka dinin min goon nə die masɛ we maa zɔ́ɔn gɔn, min mɛn din bɛ́ màn bii kun ka masɛ nɛ.»

Marki 14:20

Yezu tɔ́n pɛ ǹ nɛ kɛnɛn: «Ka dinin min fulupaa kɛ lɛ dù siɛ̃ kun ka masɛ nɛ, ka dinin lɛn goon ne.

Luku 22:21

Yezu pɛ: «Sɛnɛ, á ke, min mɛn bɛ́ re masɛ koe maa zɔ́ɔn la, bɛa dɛnaa á ke n gɔn we màn-bii-n kun masɛ nɛ.

Zaã a sɛ́wɔ 13:21

Bɛa boon lɛn diɛ kio, Yezu gɔ́ɔ̃ wɔ̃ parsiini, á tɔn pɛ panparanpaa nɛ kɛnɛn: «Man taãn pii ka nɛ: Ka dinin min goon nə die ma we maa zɔ́ɔn gɔn.»

Zaã a sɛ́wɔ 13:22

A kialandɛnan lɛn nə́ ga kɔn ganaa, ǹ dinin ba doɛ̃ a bɛ́ boo diɛ min mɛn wɔ gɔn la wa.

Zaã a sɛ́wɔ 13:26

Yezu tɔ́n pɛ: «Gɔn yii goon ke ma á die siɛ̃ dù ni, ma bɛ́ re bɛ koe min mɛn la, bɛa dɛnaa lɛ nɛ.» Bɛ kio, Yezu gɔn yii goon mɛn lɛ sã a nɛ, á bɛ lɛ saa á kɔ Kariyɔtin Simɔn a nɛgiĩ Zudaasi la.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:19

Bɛ̀ ka n kanaa kɛ wɔn lɛa kɛnɛn, bɛ̀ kanaa tá ka narɛ a din wɔn lɛa. Sɛnɛ, ka bie kanaa kɛ wɔn lɛa wa, masɛ din ni má ka na má ka bɔ kanaa ganaa; bɛ lɛ na á toa, kanaa minin tá ka biɛ zɔ́ɔ.

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Zaã a sɛ́wɔ 17:12

Masɛ bɛ́ má goã kunun ǹ ni, n din pàã mɛn kɔ ma la, man má goã ǹ tamaɛ ka bɛ lɛ nɛ. Má ǹ tamaa, ǹ goon din bɔ̀n baa wa, bɛ̀ á n bɔ bɔ̀nbaa wole kɛ lɛ nɛ, màn mɛn bɛ́ toɛ, Lawa a boo lɛ pã.

Zaã a sɛ́wɔ 18:32

A na á n zɛnaa miɛ̃, màn mɛn bɛ́ toɛ, Yezu boo mɛn da a din a gɛ̀ wɔ ǹ gɔn la bɛ lɛ lɛ pã.

Zaã a sɛ́wɔ 19:24

Sɔraasin lɛn nə́ tɔ́n pɛ kɔn nɛ mà a ba siĩni ǹsɛn nə toɛ̃ wa. Mà á soɛ ǹsɛn nə n pã a ganaa, bɛ̀ á re doe min mɛn ganaa ǹsɛn nə bɛa dɛnaa dɔ̃. Lawa a boo màn mɛn pɛ, a na á n zɛnaa á kaa bɛ lɛ lɛ: «Ǹ nə́ maa mɔnaan gii kɔn, maa dɔnkɛ sasa ke, ǹ nə́ n pã bɛ ganaa.» Sɔraasin lɛn nə màn mɛn zɛnaa, a din lɛ n ke.

Zaã a sɛ́wɔ 19:36

Sonbore ne, kɛ din tumaa na á n zɛnaa màn mɛn bɛ́ toɛ, Lawa a boo lɛ pã: «A wen lɛn kɔ́n ba re yiɛ wa.»

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Zaã a sɛ́wɔ 6:70

Yezu tɔ́n pɛ ǹ nɛ: «Ka dinin min fulupaa kɛ lɛ, ma din bie má ka yii gɔgɔɔ̃ wa? A laanka bɛ lɛ yii ni, kaa min goon nə *Sɛtaan minbuiin lɛa!»

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.