Zaã a sɛ́wɔ 12:43 - LAWA A BOO SONBORE 2011

⁴³ A giala, minbuiinin nə ǹ tɔ bɔ, bɛ́ kɔɔ̃n kɔ ǹ ganaa á la Lawa wɔ nɛ.

LAWA A BOO SONBORE

⁴³ A giala, minbuiinin nə ǹ tɔ bɔ, bɛ́ kɔɔ̃n kɔ ǹ ganaa á la Lawa wɔ nɛ.

Zaã a sɛ́wɔ 12:43 ပူးပေါင်းရင်းမြစ်များ

Loen 22:29

A giala Dɛnaa Lawa n kii lɛa. A din nə gánan mìi la.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 19:17

Á pɛ bɛ nɛ mà á bǐɛ̃ kɔ, dí-nyali sonbore. Mà a bɛ́ á bɔlɔgoondɛnaa baa sii boɛɛn nɛ, mà a giã kiwi fù mìi la kii lɛa.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 5:41

Masɛ bie giɛ li minbuiinin nə tɔ golebaa kɔ ma la wa.

Zaã a sɛ́wɔ 5:44

Ka n siɛ lɔn ka tɔn golee masɛ li, kasɛn mɛnɛn bɛ́ giɛ tɔ li kɔn li, a da yaa tɔ mɛn bɛ́ boe Lawa dinsɔɔ̃ li ka a giɛ bɛ li wa?

Zaã a sɛ́wɔ 7:18

Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.

Zaã a sɛ́wɔ 8:54

Yezu tɔ́n pɛ ǹ nɛ: «Bɛ̀ masɛ nə n din laakalɛɛ, ga tɔ li kooro n ka bɛ nɛ. Maa Díi kɛ lɛ ka tá pii mà kasɛn Lawa nɛ, a da yaa ka n ka a doɛ̃ wa, bɛ lɛ n masɛ tɔ boe. Ma á doɛ̃. Bɛ̀ má pɛ máa ma a doɛ̃ wa, masɛ dɔ n soɛ-bɔle lɛa ka ka dɔn bɛ́ lɔn. Sɛnɛ, masɛ á doɛ̃, ma tá a boo dɔ sii.

Rɔmu minin 2:29

Gɔ́ɔ̃ wɔ n min biɛ Zuifu taãn lɛa, kurii n boe foo li, Lawa a Yiri Fu barka nɛ, sɛnɛ Lawa a boo kiɛ̃ kɛ dinsɔɔ̃ barka bie wa. Bɛa Zuifu taãn kɛ a tɔ bɔ bie boe minbuiinin li wa sɛnɛ, a n boe Lawa li.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 10:18

Ka boo taãn nɛ, min mɛn bɛ́ n din laakalɛɛ, ǹ dɛnaa a tɔ sonbore yii wa, sɛnɛ, Dɛnaa bɛ́ min mɛn laakalɛɛ, bɛ n tɔ sonbore yii.

Tesaloniki1 2:6

Wɔ bin ga tɔ li min kɔ́n li wa, haalɛ ka li, haalɛ min kɔsɔn li.

Piɛrɛ1 3:4

Sɛnɛ, kaa siĩnbaa lɛ goã foo wɔ kɛ lɛa, bɛa siĩnbaa kɛ lɛ a kiɛ̃ wa, a n boe foo-basiɛ̃ laanka ga là nyantoro li ǹ taasiɛ nɛ, bɛ lɛ n soɛ màn tumaa nɛ Lawa yɔrɔ-a.

Samayeli1 15:30

Sayulu wusoo á pɛ: «Má sii baraa zɛnaa. Sisia, ma nə n nyankoe, n zín wɔ masɛ nɛ, maa zaman lɛ a min golen laanka Izirayeli minin yɔrɔ-a. Samayeli wusoo n da ti kun ka ma nɛ, ma á re Dɛnaa Lawa guguru koe, n Lawa lɛ.»

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.