Zaã a sɛ́wɔ 12:29 - LAWA A BOO SONBORE 2011

²⁹ Zaman mɛn nə goã walan ǹ nə́ bɛa boo lɛ ma, bɛn mà la a ginii wuu ni. Min tɛn dɔ mà lon a dia dí-a wole kɔ́n na á boo da nɛ.

LAWA A BOO SONBORE

²⁹ Zaman mɛn nə goã walan ǹ nə́ bɛa boo lɛ ma, bɛn mà la a ginii wuu ni. Min tɛn dɔ mà lon a dia dí-a wole kɔ́n na á boo da nɛ.

Zaã a sɛ́wɔ 12:29 ပူးပေါင်းရင်းမြစ်များ

Zɔbu 40:9

Pàã tá n lon ka masɛ Lawa wɔ bɛ́ lɔn? N lɛn dɔ maa la a paraa kɛ wuu li?

Bɔ bɛ̀rɛbaa nɛ 19:16

A lɛawaa sɔɔbaa ǹ wɔ pinaa lɛ kəni, lɛ̀ bɛ́ á waa, la a ginii wuu bɔ, ka la a tɛ-pɛn nɛ, tɛmaa bara kaara kɔ́n nə́ n kɔ kele lɛ lɛ, bɛn wuu kaka goon bɔ. Zaman lɛ tumaa bìn da ǹ giã ǹ bǎã nɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Ezekieli 10:5

Lon màn yiikoonaan lɛn dɔn nyàa ka wuu na á goã boe ka Pàãyiidɛnaa kɛa boo-diɛ lɛn bɛ́ lɔn, á woo yǎa sumu gɔ́ɔ̃ kɛ nɛ kanaa.

Nya ǹ dín 9:7

Minin mɛnɛn nə goã zii tɔ lɛ we kun ka Sooli ni, bɛn nə́ golee, ǹ boo kɔ́n bɔ ǹ lɛ-n ǹ nə́ da wa. Ǹ dɔn too boo lɛ ma, sɛnɛ, ǹ min kɔ́n yɛ ka n yii-n wa.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 14:2

Má lɛn goon ma boe lon die, a wuu n boe ka mu gole a kiɛ̃ wuu bɛ́ lɔn, ka la a paraa gole wuu bɛ́ lɔn. Lɛn wuun lɛn kaa kun nə ka n pɛ mà tùtu-dɛlen man loe loe ka tùtu ni.

Sii-nyaan 6:1

Bɛ kio, má yɛ Sère Nɛ lɛ sɛ́wɔ lɛ tã ǹ bǎã sɔbaa lɛ a bibinaa kɛ bũ, má màn yiikoonaa pàãdɛnaa sii lɛ a bibinaa lɛ ma á n lɛ dɛ, a lɛn bɔ ka la a paraa bɛ́ lɔn, á pɛ: «Daa!»

Sii-nyaan 8:5

Bɛ lɛ ganaa, lon a dia dí-a wole lɛ gón gìĩ kɔɔ̃n-a tã ǹ màn lɛ saa, tɛ mɛn bɛ́ wúlu bɔ ǹ bǎã lɛ nɛ, á bɛ bɔ á kaa a nɛ a pã, á zũ tán la. Bɛ nə́ n baa la a paraa wuun lɛa, la a tɛ-pɛn lɛa, ka tán bìn diɛ nɛ.