Zaã a sɛ́wɔ 12:26 - LAWA A BOO SONBORE 2011

²⁶ Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

LAWA A BOO SONBORE

²⁶ Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 12:26 ပူးပေါင်းရင်းမြစ်များ

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Suusun 27:18

Bɛ̀ n nə́ n da gɔnɔn kũ, ń tá re a nɛ bii. Dí-nyali mɛn bɛ́ a mìilandɛnaa guguru koe, ǹ tá re a tɔ boe.

Minin nimi 14:24

Sɛnɛ, taasiɛ kɔsɔ goã maa dí-nyali Kalɛbu sɛ yiri ni, á goã bɔlɔgoondɛnaa lɛa masɛ wɔ paǹ li. A wo ga gána mɛn lɛ-a, masɛ á die we-n walan, ma bɛa bǎã lɛ kɔ a tɔrɔn la.

Minin nimi 32:11

«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Marki 8:34

Yezu tɔ́n zaman lɛ laanka a kialandɛnan lɛn bíi, á pɛ ǹ nɛ: «Bɛ̀ min mɛn tá li a kɔ masɛ lɛ, yǎa ǹ dɛnaa nə n yiri boe a din ganaa, a nɔmaa si a ganaa a kɔ masɛ lɛ, haalɛ ta a n giɛ̃ dere ǹ gɔn ganaa.

Luku 12:37

Bɛa dɛnaagiĩ lɛ a dí-nyalin mɛnɛn bɛ́, á re die yiɛ ǹ yii n koo, bɛn foo á re kɔɔ̃n koe. Sonbore, masɛ n pii ka nɛ, dɛnaagiĩ lɛ din nə die n yɔrɔ boe, a ǹ dininmaan kaa tán, a màn-bii kɔ ǹ la.

Luku 6:46

Yezu pɛ: – Bɛ̀ ka a masɛ Di Lawa a boo sii ka n zɛnɛɛ wa, wàa mɛn là na a nɛ ka nə n lɛ paparɛ koe masɛ tɔ li, mà «Dɛnaa, Dɛnaa»?

Luku 9:23

Bɛ kio Yezu pɛ ǹ tumaa nɛ: «Bɛ̀ min mɛn tá li a kɔ masɛ lɛ, bɛa dɛnaa nə n yii bɔ a din-a, a nɔmaa si a ganaa baraabaraa a kɔ masɛ lɛ, haalɛ ta a n giɛ̃ dere ǹ gɔn ganaa.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Zaã a sɛ́wɔ 14:15

Bɛ̀ ka tá masɛ narɛ, ka á re n doɛ ka kɔ maa dí-pɛn lɛn lɛ.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 15:20

Ma boo mɛn pɛ ka nɛ, ka n yiri koa a nɛ: «Bɛ̀rɛ a gole á la a dɛnaagiĩ-n wa.» Bɛ̀ ǹ nə́ fuu nyaa masɛ nɛ, maǹ die fuu nyɛɛ ka dɔn man miɛ̃; bɛ̀ maǹ maa boo sii, bɛ̀ ǹ tá re ka dɔn wɔ sii miɛ̃.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Rɔmu minin 14:18

Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Korɛnti2 5:8

Má pã ka foo tãbaa nɛ, bɛ̀ man soe man bɔ gɔ̀nɔn kɛ nɛ, ma wo giã Dɛnaa li, bɛ n kɔɔ̃n ma ganaa.

Galaasi minin 1:10

Maa boo kɛ á nyɛɛ, mà man giɛ li, man din sii kɔɔ̃n kɔ minbuiinin ganaa ya? Haayii, man giɛ li máa ma sii kɔɔ̃n kɔ Lawa ganaa. Man giɛ li, máa maa sii kaa minbuiinin foo la? Haayii, bɛ̀ man tɔn giɛ li, mà maa sii kaa minbuiinin dɔn foo la, bɛ̀ ma a Krita a dí-nyali lɛa doo wa.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Kolɔɔsi minin 3:24

Bɛ̀ ka á zɛnɛɛ miɛ̃, ka dɔ̃ mà Dɛnaa din nə n lɛ kɔ a minin la ka màn mɛn nɛ, á re ka sarɛɛ ka bɛ nɛ. Krita n goledɛnaa taãn lɛ lɛa, ka n dí nyɛɛ a din lɛ nɛ.

Kolɔɔsi minin 4:12

Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Zaã1 5:3

A giala, bɛ̀ wɔ á Lawa a dí-pɛn lɛn lɛ sii, wɔ n Lawa narɛ ka bɛ nɛ. A dí-pɛn lɛn dɔn ba kaka wɔsɛn ganaa wa,

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.