Zaã a sɛ́wɔ 12:13 - LAWA A BOO SONBORE 2011

¹³ Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

LAWA A BOO SONBORE

¹³ Ǹ nə́ sèwo luun goa ǹ nə́ woo n da lɛ, ǹ nə́ goã n lɛ dii: «Lawa da ka n bǐɛ̃ nɛ! Min mɛn bɛ́ die ka Dɛnaa tɔ nɛ, Lawa barka wɔ n nɛ! Lawa barka wɔ Izirayelin kii lɛ nɛ!»

Zaã a sɛ́wɔ 12:13 ပူးပေါင်းရင်းမြစ်များ

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Lawa a wúlu-bɔlen 23:40

A lɛawaa bibinaa pinaa, ka da nɛ sonboren goa ka gɔn, sèwo luu ni, da gùrùn ni, luu nə́ ǹ ganaa ka kɛkɛ, ka tà lɛ-a ǹ dan kɛn gùrùn ni. Ka n nyɛnyɛɛ Dɛnaa Lawa, kaa Lawa lɛ yɔrɔ-a, yǎa lɛawaa sɔbaa.

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Matiə 23:39

Masɛ n pii ka nɛ, a giala, a saa sisia ganaa, ka a re masɛ yii doo wa, yǎa ka bɛ́ re pii ǹ mɛn pinaa: «Min mɛn bɛ́ die ka wɔa Dɛnaa tɔ nɛ, Lawa die a barka wɔ bɛ nɛ!»

Matiə 27:42

«N min kɔsɔn kirisibaa, sɛnɛ, n din ba boe la n nə n din kirisibaa wa! Táa ma n Izirayelin kii lɛa? Gisĩ sisia kəni n nə n bɔ dere ǹ gɔn ganaa, wɔsɛn nə tɔn golee n li.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 12:14

Yezu dundun yɛ á dii la, ka a bɛ́ kiɛ̃-n Lawa a boo-n kɛnɛn lɔn:

Zaã a sɛ́wɔ 12:15

«Zeruzalɛmu minin, ka baran nyɛ́ɛ baa wa. Kaa kii lɛ á ke á dii dundun banɛɛ la á die.»

Zaã a sɛ́wɔ 19:15

Sɛnɛ, ǹ nə́ kaa lɛ-dɛ nɛ: «A dɛ a gã! A dɛ a gã! A dere gɔn ganaa!» Pilati wusoo á pɛ: «Ká mà ma kaa kii lɛ dere gɔn ganaa?» Wúlu-bɔlen goledɛnan mà a ganaa mà ǹsɛn kii kɔsɔ banban á kiɛ̃ Rɔmun kii gole gole la wa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.