Zaã a sɛ́wɔ 11:51 - LAWA A BOO SONBORE 2011

⁵¹ (A bie á bɛa boo kɛ lɛ da a din li wa. Sɛnɛ, a bɛ́ wúlu-bɔlen kiã lɛa bɛa lɛ̀ lɛ-a, a na á bɛ da Lawa a boo gii lɛa, mà Yezu doamaa nɛ a gã Zuifu tɔrɔn lɛ-a.

LAWA A BOO SONBORE

⁵¹ (A bie á bɛa boo kɛ lɛ da a din li wa. Sɛnɛ, a bɛ́ wúlu-bɔlen kiã lɛa bɛa lɛ̀ lɛ-a, a na á bɛ da Lawa a boo gii lɛa, mà Yezu doamaa nɛ a gã Zuifu tɔrɔn lɛ-a.

Zaã a sɛ́wɔ 11:51 ပူးပေါင်းရင်းမြစ်များ

Bɔ bɛ̀rɛbaa nɛ 28:30

Muizu, Lawa dùũ dɔ̃ ǹ mànan kɛn kaa tìãbii zéwo kɛ nɛ, ǹ goã Aarɔn foobii, n wɔ ǹ nɛ masɛ Dɛnaa yɔrɔ-a. Aarɔn nə die bɛa mànan kɛn lɛn guĩ a foobii, masɛ Dɛnaa yɔrɔ-a biikoo tumaa li, màn mɛn bɛ́ toɛ, a ma dùũ dɔ̃ Izirayeli nɛnyaanan wɔ paǹ li.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Minin nimi 22:28

Dɛnaa Lawa tɔ́n dundun dan lɛ da boo diɛ ganaa, á n lɛ da Balaamu lɛ: «Ma n má wàa pɛ n ganaa, ń tá koɛ kɔn la gunyin sɔɔ masɛ dii?»

Minin nimi 24:2

A bɛ́ á n yii saa á ga, á Izirayeli minin lɛn yɛ, giã nɛ tanlɛ yii li, ǹ giã ǹ bǎã nɛ. Dɛnaa Lawa yiri daa gisĩ la,

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Zaã a sɛ́wɔ 11:49

Ǹ min goon ne, a tɔn n Kayifu, a din lɛ na á goã Lawa a wúlu-bɔlen kiã lɛa bɛa lɛ̀ lɛ-a. Bɛ́ tɔ́n pɛ mà ǹ ba màn kɔ́n doɛ̃ sii kɛ gɔ́ɔ̃-n wa.

Zaã a sɛ́wɔ 18:13

ǹ nə́ woo ne wúlu-bɔlen kiã zizi Anɛ a piɛ bɔrɔ. Kayifu mɛn bɛ́ wúlu-bɔlen kiã lɛa bɛa lɛ̀ lɛ-a, bɛ lɛ dàãgiĩ-n ka bɛa Anɛ lɛ nɛ.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 2:2

A din na á n din baa *wúlu màn lɛa, ń giɛ, wɔsɛn sii baraan tá n toɛ wɔ nɛ. Wɔsɛn dininsɔɔ̃nɔn wɔn lɛa bie wa, sɛnɛ kanaa din tumaa wɔn lɛa nɛ.

Samayeli1 23:9

Davida bɔ a siére-a, mà Sayulu n sii baraa yɔrɔ boe asɛ taman yii. Á tɔ́n pɛ Lawa a wúlu-bɔle Abiataara nɛ: «Da ka Lawa a dí nya ǹ mɔnaa lɛ nɛ.»

Samayeli1 28:6

Sayulu nɔ̀n da Dɛnaa Lawa la, sɛnɛ, Dɛnaa Lawa na a lɛ si wa. A na a lɛ si ka narɛ-n wa, a na a lɛ si ka buun diɛ-n wa, a boo kɔn dɔ da a boo gii-dalin manɛ mà ǹ pɛ-n wa.