Zaã a sɛ́wɔ 11:50 - LAWA A BOO SONBORE 2011

⁵⁰ Mà ǹ ba doɛ̃ dɔn dinin mà á soɛ ǹ ganaa, min goon nə gã min tumaa a lɛa, màn mɛn bɛ́ toɛ, ǹsɛn tɔrɔ tumaa baran bɔ̀n baa wa?

LAWA A BOO SONBORE

⁵⁰ Mà ǹ ba doɛ̃ dɔn dinin mà á soɛ ǹ ganaa, min goon nə gã min tumaa a lɛa, màn mɛn bɛ́ toɛ, ǹsɛn tɔrɔ tumaa baran bɔ̀n baa wa?

Zaã a sɛ́wɔ 11:50 ပူးပေါင်းရင်းမြစ်များ

Matiə 5:29

Ta n gusin a yii n die n diɛ sii baraa nɛ, a gɔsɛ n zũ, n bɔ n yɔrɔ nɛ. A giala, n bɔ̀n baa n gɔ̀nɔn paǹ kɔ́n nɛ n kirisibaa, bɛ á soɛ gɔ̀nɔn siĩ din tumaa a wo bɔ̀n baa tɛ gole-n ne.

Luku 24:46

Á pɛ ǹ nɛ: «Màn mɛn nə n kiɛ̃ bɛ á ke: Minin Nyin-sili lɛ n die fuu yii, sɛnɛ, a gɛ̀ lɛawaa sɔɔbaa ǹ wɔ pinaa, a yii á re kiɛ a n bɔ geren bii.

Zaã a sɛ́wɔ 11:48

Mà bɛ̀ ǹsɛn nə́ kɛ da a gɔn lɛ-a, mà min tumaa á die golee li, mà Rɔmu gána a pàãdɛnan tá re miɛ, mà ǹ tá re die ǹsɛn Lawa a kion kɛ wurii, ǹ nə ǹsɛn gána yu.

Zaã a sɛ́wɔ 18:14

A din Kayifu lɛ na á pɛ Zuifun pàãdɛnan manɛ mà á soɛ ǹ ganaa, min goon gã min tumaa a lɛa.

Zaã a sɛ́wɔ 19:12

A kũ bɛ-a lɔn, Pilati na á goã giɛ a da ǹ gɔn li. Sɛnɛ, Zuifun lɛn nə́ kaa lɛ-dɛ nɛ doo, ǹ nə́ pii: «Bɛ̀ n da sɛn, n ba Rɔmun kii gole gole a giaára lɛa wa! A giala, min woo min tá n din biɛ kii lɛa, bɛa dɛnaa nə n din diɛ kɔn ka kii gole gole ne.»

Rɔmu minin 3:8

Wàa-n wɔ kurii wɔ pɛ, mà: «Wɔ daa wɔ sii baraa zɛnaa, màn mɛn bɛ́ toɛ, sii bǐɛ̃ bɔ a nɛ?» Min tɛnɛn man ma tɔ ziziɛ̃, ǹ nə́ soɛ diɛ ma la, mà ma n bɛa boon kɛn lɛn pii. Lawa n die dɔlɔ boe bɛa minin kɛn lɛn ganaa a giala yii li.