Zaã a sɛ́wɔ 1:38 - LAWA A BOO SONBORE 2011

³⁸ Yezu nə́ n bɔyaa, a bɛ́ á yɛ mà maǹ koe asɛ kio lɛ, á tɔ́n pɛ ǹ nɛ: «Ka ǹ giɛ wàa li?» Ǹ nə́ Yezu lɛ si ǹ nə́ pɛ: «Rabii, n piɛ n maa? (Bɛa Rabii lɛ giala mà Mìinaa).»

LAWA A BOO SONBORE

³⁸ Yezu nə́ n bɔyaa, a bɛ́ á yɛ mà maǹ koe asɛ kio lɛ, á tɔ́n pɛ ǹ nɛ: «Ka ǹ giɛ wàa li?» Ǹ nə́ Yezu lɛ si ǹ nə́ pɛ: «Rabii, n piɛ n maa? (Bɛa Rabii lɛ giala mà Mìinaa).»

Zaã a sɛ́wɔ 1:38 ပူးပေါင်းရင်းမြစ်များ

Kiin1 10:8

N minin wɔ na á bǐɛ̃ kɔ, n dí-nyalin dɔn wɔ na á bǐɛ̃ kɔ, ǹsɛn mɛnɛn bɛ́ boe la ǹ giã n yɔrɔ-a biikoo yii li, ǹ nə n too kɔ n sii dɔ ǹ boo ganaa.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Suusun 8:34

Min mɛnɛn bɛ́ n too koe ma lon, bɛn wɔ á re bǐɛ̃ koe. Maǹ lɛ̀ wɛɛ maa kiɛnlɛ-a baraa nɛ. Maǹ maa kion a wɔ ǹ kiɛnlɛ lɛduĩ.

Busii pɛ 5:19

Sɛnɛ, nsɛ Dɛnaa Lawa, ma n kii lɛa yǎa duduu. Kiibaa mɛn bɛ́ a nyɛɛ wa, bɛ nə n wɔ lɛa yǎa duduu.

Luku 10:39

Bɛa lɔ lɛ diɛ̃lɔ na á goã, a tɔ n Mariya. Bɛ́ daa giã tán Dɛnaa yɔrɔ-a, a nə́ n too koe a boo ganaa.

Luku 14:25

Zaman gole na á goã koe zii lɛ kun ka Yezu ni. Á n yɔrɔ bɔyaa á pɛ ǹ nɛ:

Luku 15:20

Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.

Luku 19:5

Yezu bɛ́ á dɔ bɛa bǎã lɛ nɛ, á n yii saa lon á pɛ Zaase ne: «Zaase, n nanaa n gisĩ, a giala masɛ doamaa nɛ man yu n din la pelo.»

Luku 22:61

Dɛnaa nə́ n yɔrɔ bɔyaa á ga Piɛrɛ ganaa. Yǎa Piɛrɛ yiri da ka Dɛnaa a boo lɛ nɛ, a bɛ́ á n mɛn lɛ pɛ nɛ: «Koo laan bɛ̀ a n wuu pii pelo, bɛ̀ n nə́ n piã ka masɛ nɛ yǎa gunyin sɔɔ.»

Luku 8:38

Giĩ mɛn bɛ́ nɔ̀ɔnɔn nə́ n bɔ-a lɛn, bɛ na á goã Yezu nyankoe mà a toa asɛ wo giã kun ni. Sɛnɛ, Yezu nə́ n piã, á zii kɔ la mà a woo, bɛ̀ á n pii ni

Zaã a sɛ́wɔ 1:37

Zaã a kialandɛnaa min paa lɛ bɛ́ á Zaã lɛ ma boo diɛ miɛ̃, ǹ nə́ kɔ Yezu kio lɛ.

Zaã a sɛ́wɔ 1:39

Yezu tɔ́n pɛ ǹ nɛ: «Ka daa, ka á re yii.» Ǹ nə́ woo, ǹ nə́ Yezu a giã ǹ bǎã yɛ, ǹ nə́ goã a li bɛa pinaa kɛ lɛ nɛ; ǹ bɛ́ woe bɛ̀ wasamiɛnɛ a biikoo a siibaa ǹ wɔ miã nɛ.

Zaã a sɛ́wɔ 1:49

Bɛ kio, Natanayeli tɔ́n pɛ Yezu ni: «Mìinaa, masɛ dɔ̃ sisia, máa ma n Lawa a Nɛ lɛa, máa ma n Izirayeli minin kii lɛa.»

Zaã a sɛ́wɔ 12:21

Filipi mɛn bɛ́ boe Bɛtsayidaa kiwi Galilee gána nɛ, ǹ nə́ pɛ bɛ-n kɛnɛn: «Giĩ lɛɛ, wɔsɛn man giɛ li wɔ Yezu yɛ.»

Zaã a sɛ́wɔ 18:4

Sii mɛn tumaa bɛ́ re Yezu yii a bɛ́ a yii doɛ̃, á nɔmaa á woo n da ǹ lɛ á pɛ ǹ nɛ: «Ka ǹ giɛ die li?»

Zaã a sɛ́wɔ 18:7

Yezu wusoo á nɔ̀n da ǹ la mà maǹ giɛ die li? Ǹ ná a lɛ si mà Nazarɛtin Yezu.

Zaã a sɛ́wɔ 3:2

Ǹ kɔ́n pinaa tèlò-n, á daa Yezu li á pɛ nɛ: «Mìinaa, wɔsɛn tá doɛ̃, wáa Lawa na á n dia mà n da wɔ daraa. A giala, n bɛ́ kaãbaa ǹ siin mɛnɛn zɛnɛɛ, min kɔ́n ba boe la a bɛn zɛnaa, bɛ̀ Lawa ná a kun ka ǹ dɛnaa-n wa.»

Zaã a sɛ́wɔ 3:26

Ǹ nə́ kiɛ̃ ǹ nə́ woo dɔ Zaã li ǹ nə́ pɛ nɛ: «Mìinaa, táa n goã kun ka giĩ goon ne Zurdɛ̃ tà kio, n siére baa a wɔ gɔn la? Á ke, a din nə batɛmu diɛ minin ganaa sisia, min tumaa n woe a din li.»

Zaã a sɛ́wɔ 4:31

Bɛa biikoo li, a kialandɛnan man nə́ goã a gialaa kɛnɛn: «Mìinaa, màn bii kən le!»

Zaã a sɛ́wɔ 6:25

Ǹ bɛ́ ǹ nə́ yɛ tà kio, ǹ nə́ tɔ́n pɛ nɛ: «Mìinaa, ma nə́ n dɔ kànaa biĩ?»

Nya ǹ dín 10:21

Piɛrɛ gisĩ á woo min sɔɔ lɛ li, á pɛ ǹ nɛ: «Ma á ke, ka bɛ́ giɛ min mɛn li, ma din ni. Ka a daa mìi n ka wàa nɛ?»

Nya ǹ dín 10:29

Bɛ lɛ a lɛa nɛ, a kɔnpɛ ka n nɔ̀n-diɛ nɛ, masɛ daa ka li bɛ̀ piã ǹ sii kɔ́n ná a ba masɛ gɔ̀nɔn-a wa. Sisia, man giɛ li ka masɛ a lɛ diamala ǹ mìi pɛ ma nɛ.»

Uruti 1:16

Uruti tɔ́n pɛ: «N baran fuu saa ma li, mà ma n toa walan ma wusoo mà wo bǎã sɔsɔɔ̃-n wa. A giala, n bɛ́ re woe bǎã mɛn nɛ, ma dɔ n die woe walan, n bɛ́ re wɛɛ bǎã mɛn nɛ, ma dɔ n die wɛɛ walan. N tɔrɔn tá re ma tɔrɔn biɛ, n Lawa á re maa Lawa biɛ.