Zaã a sɛ́wɔ 1:19 - LAWA A BOO SONBORE 2011

¹⁹ Zuifun goledɛnan nə́ n toa Zeruzalɛmu, ǹ nə́ wúlu-bɔlen dia kun ka ǹ dɔmalɛ wole *Levii tɔrɔn nɛ, mà ǹ wo nɔ̀n da Zaã la mà a n die lɛa. Zaã boo mɛn da a din wɔ gɔn la, bɛ n ka kɛ nɛ.

LAWA A BOO SONBORE

¹⁹ Zuifun goledɛnan nə́ n toa Zeruzalɛmu, ǹ nə́ wúlu-bɔlen dia kun ka ǹ dɔmalɛ wole *Levii tɔrɔn nɛ, mà ǹ wo nɔ̀n da ZAÃ la mà a n die lɛa. ZAÃ boo mɛn da a din wɔ gɔn la, bɛ n ka kɛ nɛ.

Zaã a sɛ́wɔ 1:19 ပူးပေါင်းရင်းမြစ်များ

Zaã a sɛ́wɔ 1:7

Bɛ na á daa siére baa, á boo da wɔlɔ fúlu lɛ wɔ gɔn la, màn mɛn bɛ́ toɛ min tumaa goleemali wɔ a da ǹ boo taman yii.

Zaã a sɛ́wɔ 10:24

Zuifun nə́ woo a lɛnpɛnɛ, ǹ nə́ pɛ nɛ mà a n die toɛ ǹsɛn nə n yii da miɛ̃ yǎa biĩ? Mà Minin Nyin-sili lɛ, mà bɛ̀ a din ni, mà a pɛ ǹsɛn manɛ foaãnɛ!

Zaã a sɛ́wɔ 10:31

Zuifun nə́ wusoo ǹ nə́ kɔlɔn goa doo, mà ǹsɛn man dii ni.

Zaã a sɛ́wɔ 11:19

Zuifu gigiã bɔ walan ǹ nə́ daa Marti laanka Mariya ǹ miãgiĩ lɛ a gɛ̀ fòo da ǹ nɛ.

Zaã a sɛ́wɔ 2:18

Zuifun goledɛnan nə́ tɔ́n nə n lɛ da boo lɛ nɛ, ǹ nə́ pɛ nɛ: – Ma n boe la n sii mɛn zɛnaa, n nyaa wɔsɛn manɛ, mà sonbore tá n lon n pii-kɔlen loo Lawa a kion.

Zaã a sɛ́wɔ 2:20

Ǹ nə́ tɔ́n pɛ nɛ mà ǹsɛn man nə́ lɛ̀ pusi ka sɔrɔ zɛnaa, Lawa a kion kɛ lɛ a doe la, mà asɛ dɔ, mà asɛ á boe la a wusoo a dɔ lɛawaa sɔɔ gɔ́ɔ̃ nɛ?

Zaã a sɛ́wɔ 5:10

Bɛ lɛ nɛ, Yezu giĩ mɛn lɛ a busu nya, Zuifun goledɛnan nə́ tɔ́n pɛ bɛ lɛ nɛ kɛnɛn: «Susu ǹ pii n pelo, n doamaa bie n nə n piì saa n gũ wa.»

Zaã a sɛ́wɔ 5:15

Giĩ lɛ kiɛ̃ á woo a laakalaa Zuifun goledɛnan manɛ, mà Yezu na a ná asɛ a busu lɛ nya.

Zaã a sɛ́wɔ 5:16

A kũ bɛ lɛ ganaa, maǹ nə́ goã Yezu gialaa, a giala, a na á bɛa sii kɛ lɛ zɛnaa susu ǹ pii pinaa.

Zaã a sɛ́wɔ 5:18

Bɛa boo kɛ lɛ na á là wɔ Zuifun ga Yezu dɛ a gã ǹ gɔn li, a giala, a na á susu ǹ pii ziziɛ̃; bɛ dinsɔɔ̃ bie wa, a na á goã Lawa dɔ bíi mà asɛ a Díi, a nə n din biɛ goon ka Lawa-n bɛa yɔrɔ kɛ lɛ la.

Zaã a sɛ́wɔ 6:41

A kũ bɛ lɛ ganaa, Zuifun nə́ mɛ la ǹ nə́ boo zùzùũ da Yezu wɔ a paǹ li, a giala a na á pɛ mà asɛ n buuru lɛa, màn mɛn nə́ n toa lon á gisĩ tán.

Zaã a sɛ́wɔ 6:52

Bɛa boo lɛ taman yii, Zuifun nə́ bɔ ǹ nə́ mɛ la ǹ nə́ liere bibiɛ kɔ kɔn bii n ni, ǹ nə́ goã nɔ̀n didiɛ kɔn la mà bɛa giĩ kɛ nə n gɔ̀nɔn siĩ koe ǹsɛn la lɔn ǹsɛn nə sɔ̃?

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:11

Zuifun goledɛnan man nə́ goã giɛ li zɔ́n lɛ biikoo li, ǹ nə́ goã pii: «A n maa dinin koɛ?»

Zaã a sɛ́wɔ 7:15

Bɛ kaãbaa da Zuifun lɛn ganaa, ǹ nə́ goã pii mà a n siɛ lɔn á bɛa siin kɛn doɛ̃ kɛnɛn, asɛ mɛn bɛ́ a n daraa min lon wa?

Zaã a sɛ́wɔ 8:22

Zuifun nə́ tɔ́n pɛ: «N bɛ́ pii mà nsɛ bɛ́ woe bǎã mɛn nɛ, mà wɔsɛn ba boe la wɔ wo walan wa, din-dɛ nə n gɔ́ɔ̃-n koɛ?»

Zaã a sɛ́wɔ 8:48

Zuifun nə́ tɔ́n pɛ Yezu ni mà Sonbore tá ǹsɛn lon ǹsɛn nə pɛ, mà á baraa ka Samarii min bɛ́ lɔn, mà mànan man a ganaa.

Zaã a sɛ́wɔ 8:52

Zuifun nə́ tɔ́n pɛ nɛ: «Sisia kəni, wɔ́ dɔ̃ wáa mànan manə n ganaa! Abrahamu gã, Lawa a boo gii-dalin dɔn nə́ gã, nsɛ dɔ nə́ n daa ń tá pii mà bɛ̀ min mɛn nə́ nsɛ a boo si, mà bɛa dɛnaa a giɛ̃ duduu wa.

Zaã a sɛ́wɔ 8:57

Bɛa boo lɛ taman yii, Zuifun nə́ pɛ Yezu ni mà asɛ din nə tɔn dɔ lɛ̀ posooro bɔrɔ wa, mà a lɛ n boe mà á ǹsɛn digolo Abrahamu yɛ!

Nya ǹ dín 13:25

Zaã bɛ́ re a dí gɔn nyɔmiɛ̃, á pɛ: «Minin man taasɛ mà die n ka masɛ nɛ? Ǹ bɛ́ n yii diɛ min mɛn la, bɛ bie ka masɛ-n wa. Sɛnɛ, min kɔ́n tá die masɛ kio, ma mìi á kiɛɛrɛ, man zuməə ma bɛa dɛnaa kɛ lɛ a kɔsɔ biɛn fore.»

Nya ǹ dín 19:4

Pooli wusoo á pɛ ǹ nɛ: «Zaã na á goã wusoo sii baraa kio ǹ batɛmu diɛ minin ganaa, bɛ̀ á pii ǹ ni, mà min mɛn bɛ́ die asɛ kio, mà ǹ golee bɛa dɛnaa li, mà bɛ n ka Yezu ni.»

Timəə dí-pɛn 24:8

Busu mɛn tumaa á ke ká gɔ̀nɔn ki busu babaraa kɛ bɛ́ lɔn, ka yiri bɔ bɛ li, màn mɛn bɛ́ toɛ, Levii tɔrɔ wúlu-bɔlen kɛn nə ka daraa màn mɛn tumaa ganaa bɛ wɔ paǹ li, ka bɛ tamaa sɔnbɔraa nɛ, ka kɔ lɛ. Ka n yiri kɔ li ka zɛnaa a kɔnpɛ ka maa gɔn waa ǹ boon kɛn nɛ má pɛ ka nɛ.

Zaã1 1:5

Wɔ boo mɛn ma Yezu Krita li, bɛ n ke wɔ á pii toɛ̃ ka nɛ: Lawa n wɔlɔ fúlu lɛa, wɔlɔ tì kɔ́n ba a li wa.