Zaã a sɛ́wɔ 1:17 - LAWA A BOO SONBORE 2011

¹⁷ Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

LAWA A BOO SONBORE

¹⁷ Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Zaã a sɛ́wɔ 1:17 ပူးပေါင်းရင်းမြစ်များ

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Loen 85:10

Min mɛnɛn bɛ́ nyɛ́ɛ biɛ nɛ, a kirisibaa lɛ n kunu bɛn ganaa, gugurubaa dɔ n die goɛ̃ wɔa gána lɛ gɔ́ɔ̃ nɛ.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Zaã a sɛ́wɔ 5:45

Ka nyan taasɛ ka masɛ n die ka biɛ koe maa Díi yɔrɔ-a wa. Ka bɛ́ waa-n Muizu mɛn la, bɛ lɛ n ka biɛ-kɔle lɛa.

Zaã a sɛ́wɔ 7:19

Táa Muizu na á Lawa a dí-pɛn lɛn kɔ ka dinin lɛn la? Sɛnɛ, ka kɔ́n bɛ́ ka a ǹ tamɛɛ wa. Ka n giɛ li dinin ka masɛ dɛ?»

Zaã a sɛ́wɔ 8:32

Bɛ lɛ n die toɛ ka sonbore dɔ̃, sonbore lɛ dɔ n die toɛ ka goã ka dinin gɔn wìi a lɛa.»

Zaã a sɛ́wɔ 9:29

Wɔsɛn tá doɛ̃ wáa Lawa boo da ka Muizu ni, sɛnɛ, giĩ kɛ lɛ sɛ, wɔsɛn ba a bɔ ǹ bǎã doɛ̃ dinin wa!»

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 7:38

A din ni, zaman lɛ bɛ́ soe-n kɔn don bii ǹ mɛn waáraa, á golee wɔsɛn digolon lɛn laanka lon a dia dí-a wole lɛ bii ni, lon a dia dí-a wole mɛn bɛ́ á goã n toɛ Sinayii kele lɛ la a n boo diɛ nɛ. A din Muizu lɛ nɛ, sii-zɛnaan mɛnɛn bɛ́ wɔsɛn kiɛ yiikoonaabaa taãn-taãn kɛ nɛ, á bɛn boon si á ǹ kɔ wɔ la.

Rɔmu minin 6:14

Sii baraa pàã ba re boe ka la doo wa, a giala, dí-pɛn bie ka mìi-n doo wa, Lawa a bǐɛ̃baa n ka mìi ni.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Galaasi minin 3:17

Masɛ a taasiɛ n ka kɛ nɛ: Lawa din na á lɛ-kɔ wɔ bɔrɔ, á zɛnaa a yɔrɔ li. Dí-pɛn man nə́ daa lɛ̀ biɛsii ka pɔsɔɔ (430) bɛ kio. Bɛn ba boe la ǹ lɛ kɔ kɔn la lɛ sàabaa wa. Bɛ bie wa bɛ̀ Lawa a lɛ-kɔ kɛ n kooro biɛ.

Timəə dí-pɛn 33:4

Muizu na á dí-pɛ kɔ wɔ la, Zakɔba tɔrɔn lɛn kíɛ̃ nɛ.

Timəə dí-pɛn 4:44

Muizu dí-pɛn mɛnɛn kɔ Izirayeli minin lɛn la, bɛn man ka kɛn nɛ.

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Ebrəə 9:22

A kɔnpɛ ka Dí-pɛ nɛ, a n goon ka màn din tumaa n yoreen koe, ka mà nɛ. Bɛ̀ mà kaa wa, sii baraa toa ba yii wa.