Sii yɔrɔ-bɔlen 8:23 - LAWA A BOO SONBORE 2011

²³ Zediɔ̃ nə́ ǹ lɛ si: «Ma a re giɛ̃ ka mìi la kii lɛa wa, maa a nɛ dɔ a re giɛ̃ ka mìi la wa. Dɛnaa Lawa á re giɛ̃ ka mìi la.»

LAWA A BOO SONBORE

²³ Zediɔ̃ nə́ ǹ lɛ si: «Ma a re giɛ̃ ka mìi la kii lɛa wa, maa a nɛ dɔ a re giɛ̃ ka mìi la wa. Dɛnaa Lawa á re giɛ̃ ka mìi la.»

Sii yɔrɔ-bɔlen 8:23 ပူးပေါင်းရင်းမြစ်များ

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 63:19

Haalɛ bibi, n ba wɔa kii lɛa doo wa, n tɔ ba wɔ ganaa doo wa. E! Bɛ̀ ma nə ń lon toɛ̃, ń daa gisĩ tán! Kelen tá re bìn diɛ n nyɛɛnɛ!

Korɛnti2 1:24

Goleemali wɔ paǹ li, wɔ ba li wáa wɔ sii kɔ́n da ka mìi-n wa. A giala, mà ka gòã doa parsiini goleemali gɔ́ɔ̃ nɛ. Sɛnɛ, wɔ ǹ taasɛ wáa wɔ dí nya kun ka nɛ kaa yii-nyɛɛ a lɛa.

Piɛrɛ1 5:3

Lawa min mɛnɛn kɔ ka la mà ka ǹ nyɛɛnaan bɔ, ka baran pàã nyaa bɛn man wa, sɛnɛ, ka n baa tɔ wɔ ǹ gɔn sonbore nyaa ǹ minin lɛa zaman lɛ nyɛɛnɛ.

Sii yɔrɔ-bɔlen 10:18

Galaati gána a minin laanka a nyɛɛnaandɛnan nə́ pɛ kɔn nɛ: «Die n die woe Amɔn tɔrɔn lɛn gialaa, a zia lɛ giala kɔ? Bɛ̀ min mɛn bɛ zɛnaa, bɛa dɛnaa á re Galaati gána minin lɛn tumaa a nyɛɛnaandɛnaa biɛ.»

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Sii yɔrɔ-bɔlen 8:22

Bɛ kio, Izirayeli minin lɛn nə́ pɛ Zediɔ̃ nɛ: «N dinmaa giã wɔsɛn mìi la kii lɛa, bɛ kio, n nɛ, bɛ kio doo, n nɔ̀ɔn. A giala, n din ni n wɔsɛn si Madiã minin lɛn la.»

Samayeli1 10:19

Sɛnɛ ka dinin man ke pelo, ká n piã ka kaa Lawa nɛ, asɛ mɛn bɛ́ n doe ka lɛ, kaa nɔmaan laanka kaa fuu tumaa gɔ́ɔ̃ nɛ. Ka pɛ nɛ mà yǎa ma kii koe kasɛn la. «Ka kiɛ̃ kanna kəni, ka giã bii-a Dɛnaa Lawa yɔrɔ-a, tɔrɔ lɛ yii li, tanlɛ yii li.»

Samayeli1 12:12

Sɛnɛ, ka bɛ́ ka yɛ mà Amɔn gána a kii Naasi lɛ n die koe ka lɛ ka zia nɛ, ka pɛ ma nɛ mà haba! Mà yǎa kii goɛ̃ kasɛn mìi la. A da yaa kaa Lawa, Dɛnaa Lawa lɛ n kaa kii lɛa.