Sii yɔrɔ-bɔlen 6:16 - LAWA A BOO SONBORE 2011

¹⁶ Dɛnaa Lawa tɔ́n pɛ Zediɔ̃ nɛ kɛnɛn: Ma á re goɛ̃ kunun n ni, ma á re Madiã minin lɛn tumaa dii kun.

LAWA A BOO SONBORE

¹⁶ Dɛnaa Lawa tɔ́n pɛ Zediɔ̃ nɛ kɛnɛn: Ma á re goɛ̃ kunun n ni, ma á re Madiã minin lɛn tumaa dii kun.

Sii yɔrɔ-bɔlen 6:16 ပူးပေါင်းရင်းမြစ်များ

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Marki 16:20

A kialandɛnan nə́ woo Boo Tii Kɔɔ̃n pɛ bǎã yii tumaa nɛ. Wɔa Dɛnaa goã dí nyɛɛ kunun ǹ ni, bɛ̀ a nyaa ka kaãbaa ǹ siin ni, mà ǹ bɛ́ boo mɛn diɛ mà taãn nɛ.]

Nya ǹ dín 11:21

Dɛnaa din na á goã n doe ǹ lɛ, bɛ lɛ taman yii, min gigiã nə́ n yɔrɔ bɔyaa ǹ nə́ da Yezu la, ǹ nə́ golee li.

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Sii yɔrɔ-bɔlen 6:12

Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 6:36

Zediɔ̃ tɔ́n pɛ Lawa nɛ: «Bɛ̀ n tá li, n masɛ baa Izirayeli minin lɛn si ǹ zɔ́ɔn la wole lɛa, ka n bɛ́ ń pɛ lɔn,

Uruti 2:4

Bɛ kio, Boazi bɔ Bɛtlehɛmu á daa, á pɛ ɔrzi-kurulin lɛn manɛ: «Dɛnaa Lawa die a goã kun ka niɛ» Ǹ ná a lɛ si: «Dɛnaa Lawa die a barka da n dɔ ganaa.»