Sii yɔrɔ-bɔlen 6:10 - LAWA A BOO SONBORE 2011

¹⁰ Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.

LAWA A BOO SONBORE

¹⁰ Má pɛ ka nɛ: «Ma din Dɛnaa Lawa lɛ n kaa Lawa lɛa. Ka bɛ́ Amɔɔrɔ tɔrɔn mɛnɛn gána nɛ, ka baran nyɛ́ɛ baa bɛn lawan kɛn man wa.» Sɛnɛ, ka n too kɔ masɛ a boo li wa.

Sii yɔrɔ-bɔlen 6:10 ပူးပေါင်းရင်းမြစ်များ

Kiin2 17:13

Dɛnaa Lawa goã á n gɔn waa Izirayeli gána laanka Zudaa gána nɛ. A na á goã a ná a boo gii-dalin tumaa laanka sii-nyaalin tumaa kaa bɛa gɔn waa ǹ boo lɛ a diɛ ganaa kɛnɛn: «Ka wusoo kaa tɔ wɔ ǹ gɔn babaraan kɛn kio, ka masɛ a gɔn waa ǹ boon laanka maa landa boon kɛn tamaa a kɔnpɛ ka dí-pɛn sɛ́wɔ kɛa boo tumaa nɛ. Man má bɛa dí-pɛn boon lɛn kiɛ̃, má ǹ kɔ ka digolon la. Maa dí-nyalin kɛn maa boo gii diɛ, man má kɔ bɛn la, máa ǹ pɛ ka dɔn manɛ.»

Kiin2 17:33

A ǹ toa Dɛnaa Lawa guguru koe maǹ nə́ goã tɔn nə ǹ dinin dìn guguru koe, á n kɔnpii ka ǹ bɔ ǹ gánan landan nɛ.

Kiin2 17:7

Bɛ na á n zɛnaa, a giala, Izirayeli nɛnyaanan lɛn man nə́ sii la Dɛnaa Lawa, ǹ Lawa lɛ la, asɛ mɛn lɛ goã á ǹ waa á soo ǹ ne Ezipti gána nɛ, á ǹ bɔ Ezipti gána a kii *Faarahɔn gɔn. Ka bɛ dɔ nɛ, Izirayeli nɛnyaanan lɛn nə́ goã ǹ nə́ dìn guguru kɔ.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Bɔ bɛ̀rɛbaa nɛ 34:12

Ka n dinin kũ, ka bɛ́ woe gána mɛn nɛ, ka baran toa ka lɛ kɔ kɔn la wɔ ka bɛa minin ni wa. Bɛ̀ ka bɛ zɛnaa, bɛ n die kan biɛ ka bii.

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Suusun 5:13

Wàa na á baa man too kɔ maa mìinaan boo li wa, man too da maa daraalin lon wa?

Zeremii 10:2

A da ǹ boo á ke: «Ka nyan nə n saa tɔrɔ kɔsɔn li wa. Ka nyan nyɛ́ɛ baa sii-nyaan kɛn man boe lon wa. Maǹ nyɛ́ɛ diɛ tɔrɔn kɔsɔn ganaa.

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 42:21

Sɛnɛ pelo, man Dɛnaa Lawa, wɔa Lawa a boo binyəə koe ka la. Sɛnɛ, a boo mɛn yii da ma nɛ, ka a n too koe ǹ kɔn li wa.

Zeremii 43:4

Kareya a nɛgiĩ Zoanan nɛ, sɔraasin goledɛnan nɛ ka zaman gialakun lɛ nɛ, ǹ kɔn din ba n too koe Dɛnaa Lawa a da ǹ boo li wa, ǹ ba li ǹ giã Zudaa gána-n wa.

Zeremii 43:7

Ǹ nə́ n piã ka Dɛnaa Lawa bɔlɔ sii ni, ǹ nə́ woo Ezipti gána nɛ, ǹ nə́ dɔ yǎa Tapanɛsi.

Zeremii 9:13

Maǹ nə́ n mìi laa. Ǹ díin man nə́ Baalin nyaa ǹ nɛ. Maǹ nə́ kɔ bɛa dìn lɛn lɛ.

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Rɔmu minin 10:16

Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Sii yɔrɔ-bɔlen 2:2

Kasɛn dɔn, ka nyan toa ka lɛ kɔ kɔn la wɔ ka gána kɛa minin ni wa. Wúlu bɔ ǹ bǎãn kɛn, ka bɛn yu. Sɛnɛ, ka n too kɔ masɛ lon wa. Wàa mɛn sii n ka kɛ nɛ ka zɛnaa?

Sii yɔrɔ-bɔlen 6:9

Ezipti minin kɛn laanka min mɛn tumaa goã boe ka yii ni, ma din ni má ka si bɛn la. Ma din ni má ǹ loo má ǹ bɔ ka nyɛɛnɛ, má ǹ gána kɔ ka la.