Sii yɔrɔ-bɔlen 5:23 - LAWA A BOO SONBORE 2011

²³ Dɛnaa Lawa a lon a dia dí-a wole a boo ne: Ka lɛn baraa bíi Merozi kiwi kɛ li, ka lɛn baraa bíi a kiwi minin kɛn li. A giala, ǹ da n dɔ Dɛnaa Lawa lɛ wa, ǹ da n dɔ Dɛnaa Lawa laanka a zia mìilandɛnan kɛn lɛ wa.

LAWA A BOO SONBORE

²³ Dɛnaa Lawa a lon a dia dí-a wole a boo ne: Ka lɛn baraa bíi Merozi kiwi kɛ li, ka lɛn baraa bíi a kiwi minin kɛn li. A giala, ǹ da n dɔ Dɛnaa Lawa lɛ wa, ǹ da n dɔ Dɛnaa Lawa laanka a zia mìilandɛnan kɛn lɛ wa.

Sii yɔrɔ-bɔlen 5:23 ပူးပေါင်းရင်းမြစ်များ

Nehemii 3:5

Tekoa minin dɔn nə́ goã ǹ genli dí nyɛɛ. Sɛnɛ Tekoa minin lɛn min yii guguru-an nə lɛ kɔ ǹ nə́ dí nya ǹ mìilandɛnan lɛn man wa.

Loen 94:16

Die n die boe ma lɛ-a, a yoo min babaraan kɛn gialaa? A maa zia gii si, a da baraa-zɛnaalin kɛn-a?

Zeremii 48:10

Min mɛnɛn bɛ́ ǹ ba Dɛnaa Lawa a dí nyɛɛ ka ǹ foo tumaa-n wa, lɛn baraa bíi bɛa dɛnan kũ! Min mɛnɛn bɛ́ ǹ ba li ǹ gɛ̀ dɛ ka ǹ gɔya sa n wa, lɛn baraa bíi bɛn kũ!

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Rɔmu minin 15:18

Masɛ a re n foo taɛ̃ ma màn kɔ́n boo da wa, bɛ̀ á n bɔ Krita din nə ǹ mɛnɛn zɛnaa ma gɔn, á tɔrɔ kɔsɔn bíi, á ǹ kaa Lawa bɔlɔ-sii ganaa. A na á bɛa di lɛ nya maa boo laanka maa sii-zɛnaan barka nɛ,

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»

Sii yɔrɔ-bɔlen 21:5

Izirayeli minin lɛn nə́ pɛ: «Izirayeli tɔrɔn lɛn tumaa bii, tɔrɔ lɛ a mɛn na a da lɛsɔkɔn bǎã kɛ nɛ Dɛnaa Lawa yɔrɔ-a wa?» A giala, maǹ nə́ goã ǹ nə́ liɛ gole kɔn wɔ ǹ nə́ pɛ: «Bɛ̀ min mɛn da Dɛnaa Lawa li Mispaa wa, ǹ tá re bɛa dɛnaa dii a gã.»

Sii yɔrɔ-bɔlen 21:8

Ǹ nə́ tɔ́n nɔ̀n da: «Izirayeli tɔrɔn lɛn bii, min tan, a na a da Dɛnaa Lawa yɔrɔ-a Mispaa kiwi wa?» Bɛ á zɛnɛɛ, bɛ̀ Zabɛsi kiwi mɛn bɛ́ Galaati gána nɛ, bɛn min kɔn da lɛ-sɔkɔn bǎã lɛ-n wa.

Sii yɔrɔ-bɔlen 4:6

Ǹ kɔn pinaa, Deboraa minin dia, mà ǹ wo lɛ dia Abinoamu a nɛgiĩ Baraki la, Kedɛsi kiwi, Nɛfutalii gána nɛ. Deboraa pɛ nɛ: «Dɛnaa Lawa lɛ, Izirayeli minin Lawa lɛa, a din na á dí kɛ kɔ mà n wo Tabɔɔrɔ kele la, kun ka giĩ duu fù kɛ nɛ, n nə́ ǹ bɔ Nɛfutalii tɔrɔn laanka Zabulɔn tɔrɔn bii.

Sii yɔrɔ-bɔlen 5:13

Min mɛnɛn nə goã, bɛn nə́ woo n sɔkɔn goledɛnan li. Dɛnaa Lawa a zaman kɛ́ daa kun ma nɛ, min kakan kɛn bii.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Sii yɔrɔ-bɔlen 8:5

Zediɔ̃ pɛ Sukɔti minin manɛ: «Masɛ a zia-baalin kɛn lɛn koe ma lɛ, ma ǹ ka nyankoe máa ka mɔ̀mɔ kɔn kɔ bɛn la, a giala, ǹ nə́ nɔmaa. Man Madiã kii Zebaa laanka Salmunaa kio lui.»

Sii yɔrɔ-bɔlen 8:6

Sukɔti a nyɛɛnaandɛnan nə́ tɔ́n pɛ nɛ kɛnɛn: Wɔsɛn man màn-bii koe n zia-baalin lɛn la lɔn? N gɔn dɔ Zebaa lɛ laanka Salmunaa lɛ ganaa bɔrɔ ya?

Sii yɔrɔ-bɔlen 8:8

Á kiɛ̃ walan, á woo Penuweli kiwi. Á boo da bɛn dɔn kiwi minin man miɛ̃. Penuweli kiwi minin dɔn ná a lɛ si ka Sukɔti minin bɛ́ ǹ nə́ goã ǹ ná a lɛ si lɔn.

Samayeli1 17:47

Zaman kɛ lɛ tumaa á re doɛ̃, mà Dɛnaa Lawa bie min sii diɛ ka gɔya nɛ, hinlaa ka sɛmiɛ̃-n wa. Zia a gɔ̀lɔ̀baa n Dɛnaa Lawa wɔ lɛa, a tá re ǹ we wɔ gɔn.»

Samayeli1 18:17

Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.

Samayeli1 25:28

Bǐɛ̃ kɔ n nə n bɛ̀rɛlɔ a sã toa nɛ. Dɛnaa Lawa tá re n biɛ kii lɛa, a nə n nɛnyaanan dɔn baa a lɛa, a giala, ń zian da, Dɛnaa Lawa a lɛa. N yiikoonaabaa tumaa gɔ́ɔ̃ nɛ, min baran baraa yɛ n paǹ li wa.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.