Sii yɔrɔ-bɔlen 5:1 - LAWA A BOO SONBORE 2011

¹ Bɛa pinaa lɛ nɛ, Deboraa laanka Abinoamu a nɛgiĩ Baraki loe lɔ kɛnɛn:

LAWA A BOO SONBORE

¹ Bɛa pinaa lɛ nɛ, Deboraa laanka Abinoamu a nɛgiĩ Baraki loe lɔ kɛnɛn:

Sii yɔrɔ-bɔlen 5:1 ပူးပေါင်းရင်းမြစ်များ

Samayeli2 22:1

Dɛnaa Lawa Davida si a zɔ́ɔn tumaa la ǹ mɛn pinaa, a si Sayulu din la ǹ mɛn pinaa, Davida na á bɛ lɛ a loe lɔ á pɛ:

KZS2 20:21

Bɛ kio, Zozafati laanka zaman lɛ kɔn ma, ǹ nə́ loe-lɔlin koa Dɛnaa Lawa wɔn lɛa. Ǹ dí n ka Lawa tɔ bɔ nɛ, a sonborebaa tumaa gɔ́ɔ̃ nɛ. «Ka loe lɔ ka Dɛnaa Lawa tɔ laakalaa nɛ, a minin narɛɛ lɛ n yǎa duduu!»

KZS2 20:27

Bɛ kio, Zeruzalɛmu minin ni ka Zudaa minin gialakunun ni, kun ka Zozafati ni ǹ nyɛɛnɛ, ǹ nə́ zii saa ǹ nə́ woo Zeruzalɛmu ka foo kɔɔ̃n nɛ. A giala, Dɛnaa Lawa na á ǹ kirisibaa ǹ zɔ́ɔn ganaa á foo kɔɔ̃n kɔ gole kɔ ǹ la.

Zɔbu 36:24

N yiri koa li Zɔbu, n Lawa a nya ǹ dí laakalaa. Minbuiinin man loe loe, bɛ̀ ǹ bɛ lɛ laakalaa.

Zɔbu 38:7

A pinaa, baayɛlɛ a leeren tumaa na á n lɛ kaa kun, ǹ nə́ loe lɔ. Lon mànan tumaa nyɛnyɛɛ ǹ lɛ-dɛ wɔ.

Loen 18:1

Loe-saalin goledɛnaa loe mɛn lɔ. Dɛnaa Lawa a dí-nyali Davida a loe ne. Dɛnaa Lawa bɛ́ á Davida si a zɔ́ɔn la, á ná a kanbaa kii Sayulu ganaa, bɛ lɛ nɛ á loe kɛ lɛ lɔ, á Dɛnaa Lawa tɔ bɔ nɛ.

Loen 32:7

N din nə ma duru ǹ bǎã lɛa ma zɔ́ɔn la, n din nə ma kanbiɛ fuu ganaa, n din nə toɛ ma á kirisibaa ǹ loe loe bǎã yii ni. Doa

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:21

Miriamu loe saa á lɔ: Ka Dɛnaa tɔ bɔ, á sii gole zɛnaa, á sùin laanka ǹ lɛ-kũlin kaa tà mu li!

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Minin nimi 21:17

Izirayeli minin lɛn nə́ tɔ́n loe kɛ lɔ: «Mu bɔ, tù! Ka a para pɛ!

Luku 1:46

Mariya tɔ́n pɛ: «Man Dɛnaa Lawa a golebaa boo diɛ, ma a tɔ bɔ.

Sii yɔrɔ-bɔlen 4:24

Izirayeli minin nə́ pàã la Kanaan kii Zabɛn nɛ miɛ̃, yǎa ǹ nə́ dɛ.

Sii yɔrɔ-bɔlen 4:4

Bɛa biikoo li, bɛ̀ Lapidɔti a lɔ Deboraa ke Lawa a boo gii-dali lɛa, bɛ̀ bɛ n Izirayeli minin lɛn sii yɔrɔ boe.

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.