Sii yɔrɔ-bɔlen 3:9 - LAWA A BOO SONBORE 2011

⁹ Bɛ kio, ǹ nə́ n lɛ dɛ Dɛnaa Lawa ganaa. Dɛnaa Lawa dɔ́ kirisibaali bɔ á kɔ ǹ la, á ǹ kirisibaa. Bɛ n ka Kalɛbu ǹ diɛ̃ Kenaazi a nɛgiĩ Ɔtniyeli ni.

LAWA A BOO SONBORE

⁹ Bɛ kio, ǹ nə́ n lɛ dɛ Dɛnaa Lawa ganaa. Dɛnaa Lawa dɔ́ kirisibaali bɔ á kɔ ǹ la, á ǹ kirisibaa. Bɛ n ka Kalɛbu ǹ diɛ̃ Kenaazi a nɛgiĩ Ɔtniyeli ni.

Sii yɔrɔ-bɔlen 3:9 ပူးပေါင်းရင်းမြစ်များ

Nehemii 9:27

Ń tɔ́n nə ǹ wɔ ǹ zɔ́ɔn gɔn, bɛn nə́ bɔ ǹ yii ni. Ǹ nɔmaa biikoo li, ǹ nə́ goã n lɛ dii n ganaa, ń goã n toɛ lon ǹ lɛ miɛ. N makara-doɛ̃ gole lɛ gɔ́ɔ̃ nɛ, ń nyɛɛnaan-bɔlen kɔ ǹ la, bɛn nə́ ǹ si ǹ zɔ́ɔn lɛn la ǹ nə́ ǹ kaa.

Loen 22:5

Wɔ digolon man nə́ goã n foo doɛ n din ganaa. Maǹ nə́ goã n foo doɛ n din ganaa, ń goã ǹ kirisibiɛ.

Loen 78:34

Bɛ̀ Lawa nə́ ǹ goon nyin bɔ ǹ mɛn pinaa, gialakunun kɛn man doe ǹ dinin ganaa, ǹ wusoo ǹ wo Lawa li.

Zozoe 15:17

Kalɛbu din dɔɔ̃ngiĩ Kenaazi a nɛgiĩ Ɔtniyeli kiwi lɛ kũ. Kalɛbu ná a nɛlɔ Aksaa lɛ kɔ la lɔ lɛa.

Sii yɔrɔ-bɔlen 1:13

Ɔtniyeli mɛn bɛ́ Kalɛbu ǹ diɛ̃ Kenaazi a nɛgiĩ lɛa, bɛ́ kiwi lɛ kũ. Kalɛbu ná a nɛlɔ Aksaa kɔ la lɔ lɛa.

Sii yɔrɔ-bɔlen 10:10

Bɛ lɛ nɛ, ǹ nə́ n lɛ dɛ Dɛnaa Lawa ganaa, bɛ̀ ǹ tá pii: «Wɔsɛn man wɔ sii baraa zɛnaa n din ni, a giala, wɔ Lawa toa walan, wɔ́ dí nya Baalin manɛ.»

Sii yɔrɔ-bɔlen 2:16

Bɛ lɛ nɛ, Dɛnaa Lawa tɔ́n sii yɔrɔ-bɔlen bɔbɔ, bɛn nə́ goã ǹ sisii ǹ basaã kɔman wolen lɛn la.

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Sii yɔrɔ-bɔlen 3:15

Bɛ kio, Izirayeli minin lɛn nə́ n lɛ dɛ Dɛnaa Lawa ganaa. Dɛnaa Lawa dɔ́ kirisibaali bɔ á kɔ ǹ la. Bɛ n ka Geraa a nɛgiĩ Ewuudu ni. Bɛnzamɛn tɔrɔ nɛ, a na á goã gɔsɛ-a lɛa. Izirayeli minin lɛn ná asɛ dia ka bǐɛ̃baa ǹ mànan nɛ, mà a wo ǹ kɔ Moabun kii Egulɔn la.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.

Sii yɔrɔ-bɔlen 6:7

Izirayeli minin lɛn man nə́ goã n lɛ dii Dɛnaa Lawa ganaa, Madiã minin lɛn taman yii.

Samayeli1 12:10

Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»