Sii yɔrɔ-bɔlen 3:7 - LAWA A BOO SONBORE 2011

⁷ Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

LAWA A BOO SONBORE

⁷ Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Dɛnaa Lawa lɛ, ǹ Lawa lɛa, ǹ yiri bɔ ka bɛ nɛ, ǹ nə́ dí nya *Baalin manɛ, ka Aseeraan nɛ.

Sii yɔrɔ-bɔlen 3:7 ပူးပေါင်းရင်းမြစ်များ

Kiin1 16:33

Akaabu bìbĩ dɔ zɛnaa dì Aseeraa nyín lɛa. Izirayeli gána a kiin mɛnɛn tumaa kiɛ̃ Akaabu nyɛɛnɛ, Akaabu goã we Izirayeli a Lawa, Dɛnaa Lawa lɛ gasɛ nɛ, ka sii kɔsɔn nɛ, á la bɛn tumaa nɛ.

Kiin1 18:19

Kanna, Izirayeli minin tumaa lɛ sɔkɔn ma li, Karmɛli kele la, kɔnlɛ ka Baali a wúlu-bɔle biɛsii ka posooro (450) kɛ nɛ, ka dì Aseeraa a wúlu bole biɛsii kɛ nɛ, Zezabɛli nə́ ǹ bii boe.»

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

KZS2 15:16

Kii Azaa kiilɔbaa si ǹ dan Maakaa la, a giala mà a na á dì Aseeraa nyín zɛnaa. Azaa nə́ ǹ da dì nyin lɛ a yɔyɔrɛɛ ganaa, ǹ nə́ tɛ da a ganaa Sedrɔn nyankɔrɔ lɛ kɛ nɛ.

KZS2 24:18

Izirayeli minin lɛn nə́ n la bɔ Lawa, ǹ digolon Lawa a kion kɛ ganaa kəni, ǹ nə́ gɔn zumiin laanka dì kooron guguru koe. Bɛa sã kɛ lɛ Lawa foo yoo taãn-taãnɛ Izirayeli minin laanka Zudaa minin paǹ li.

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 33:3

Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

KZS2 34:3

Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

KZS2 34:7

Walan, á wúlu bɔ ǹ bǎãn nyɛnaa á ǹ kaa. Á wúlu bɔ ǹ gɔnɔn yiyiɛ ka dì nyínin ni, á ǹ yɔyɔrɛ, á da yon gìĩ kɔɔ̃n tã ǹ bǎãn ziziɛ̃ Izirayeli gána tumaa nɛ, á tɔn woo Zeruzalɛmu.

Loen 106:35

Ǹ nə́ woo ǹ sii kaa kun ka tɔrɔ kɔsɔn nɛ, ǹ nə́ n daraa ǹ landa siin ganaa.

Loen 106:36

Ǹ nə́ ǹ dìn guguru kɔ. Bɛa dìn kɛn lɛn nə́ kan baa Lawa a zaman lɛ gòã li.

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Zeremii 23:27

Maǹ zoɛ̃ li mà maa zaman lɛ yiri bɔ ka ma tɔ nɛ, ǹ narɛɛn kɛn lɛa ǹ tá kalɛɛ kɔn nɛ, ka ǹ digolon yiri bɔ ka ma tɔ-n lɔn ǹ nə́ kɔ Baali lɛ.

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 8:11

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, a sii yɔrɔ bɔ ǹ boon laanka a landa boon ne, ka yiri bɔ, ka nyan bɛn da ka gɔn para-a, n ka yiri yǎa kiɛ̃ boe ka kaa Lawa, Dɛnaa Lawa lɛ-n wa.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 8:18

Sɛnɛ, ka n yiri koa li ka dɔ̃, mà kaa Lawa, Dɛnaa Lawa na á pàã kɔ ka la, ká tɔ́n bɛa gɔn mànan lɛn yɛ. A na á bɛ zɛnaa á nyaa, mà asɛ lɛ kɔ kɔn la mɛn wɔ ka ka digolon ne, mà bɛ á tɔn a giala la, haalɛ pelo.

Sii yɔrɔ-bɔlen 3:12

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa Moabun kii Egulɔn foo taã á da Izirayeli minin lɛn ganaa. A giala, ǹ goã sii mɛn zɛnɛɛ, bɛ na á goã baraa Dɛnaa Lawa yii li.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.

Sii yɔrɔ-bɔlen 6:25

A din tèlò lɛ nɛ, Dɛnaa Lawa pɛ Zediɔ̃ nɛ: «N di dii gɔ̀lɔ̀ paabaa ǹ wɔ mɛn koa a gɔn li, lɛ̀ sɔbaa dii gɔ̀lɔ̀ lɛ, a kũ. N di a dì ke ǹ nə́ bíi *Baali, n bɛa wúlu bɔ ǹ bǎã kɛ yu. Dì gɔn mɛn bɛ́ a li, n bɛ dɔ kuru.

Sii yɔrɔ-bɔlen 8:33

Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.

Sii yɔrɔ-bɔlen 8:34

Izirayeli minin nə n yiri kɔ Dɛnaa Lawa li doo wa. A din Lawa lɛ dɔ na á goã á ǹ si ǹ zɔ́ɔn lɛn tumaa la, ǹ mɛnɛn nə goã ǹ lɛnpɛnɛ.

Samayeli1 12:10

Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»

Samayeli1 12:9

Dɛnaa Lawa lɛ, kaa Lawa lɛa, ka yiri bɔ nɛ. Bɛ lɛ nɛ, á ka wɔ Asɔɔrɔn sɔraasin goledɛnaa Sizeraa gɔn, ka Filisiti minin laanka Moabu gána a kii ni, bɛn nə́ zia da ka ganaa.