Sii yɔrɔ-bɔlen 2:21 - LAWA A BOO SONBORE 2011

²¹ Bɛ lɛ nɛ, masɛ a die tɔrɔn kɛn lɛn kɔn lui ma bɔ ǹ nyɛɛn doo wa, Zozoe nə ǹ mɛnɛn lɛn toa ǹ bǎã nɛ á tɔ́n gã.

LAWA A BOO SONBORE

²¹ Bɛ lɛ nɛ, masɛ a die tɔrɔn kɛn lɛn kɔn lui ma bɔ ǹ nyɛɛn doo wa, Zozoe nə ǹ mɛnɛn lɛn toa ǹ bǎã nɛ á tɔ́n gã.

Sii yɔrɔ-bɔlen 2:21 ပူးပေါင်းရင်းမြစ်များ

Ezekieli 20:24

A giala, ǹ goã koe maa sii yɔrɔ bɔ ǹ boon kɛn lɛ wa, ǹ nə́ n piã ka maa landa boon kɛn nɛ, ǹ nə́ maa susu ǹ piin kɛn ziziɛ̃, ǹ nə́ n yiin doa ǹ digolon dìn kɛn la.

Zozoe 23:13

ka dɔ̃ taãn-taãnɛ, mà Dɛnaa Lawa lɛ, kaa Lawa lɛa, a re tɔrɔ kɔsɔn kɛn lui bɛ̀ a ǹ bɔ ka nyɛɛn doo wa. Bɛn lɛn man die biɛ laanka kan biɛ ka ganaa, ǹ ka kaa sii ni. Bɛn lɛn man die fuu nyɛɛ ka nɛ, ka sɛ̌n bɛ́ lɔn ǹ nə́ ka duwii ni, ǹ ka là da paparɛɛ ganaa, ka nyɛn nə ka yii ni, yǎa ka papaɛ̃ ka n boe bǎã sonbore kɛ nɛ, ǹ mɛn lɛ á ke kaa Lawa, Dɛnaa Lawa kɔ ka la.

Zozoe 23:4

Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.

Zozoe 23:5

Dɛnaa Lawa lɛ, kaa Lawa lɛa, a din tá re ǹ lui, a ǹ bɔ ka nyɛɛnɛ, a din tá re baa diɛ ǹ gòã li, ka tá re ǹ gána sii ka n kɔ lɛ, ka kaa Lawa, Dɛnaa Lawa bɛ́ á goã á pɛ ka-n lɔn.

Sii yɔrɔ-bɔlen 1:1

Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

Sii yɔrɔ-bɔlen 2:3

Bɛ lɛ n ke má pɛ máa ma a re ǹ lui ma ǹ bɔ ka nyɛɛn doo wa. Ǹ dinin lɛn man die fuu nyɛɛ ka nɛ, ǹ dìn kɛn tá re ka kũ ǹ kan biɛ.

Sii yɔrɔ-bɔlen 3:1

Izirayeli minin mɛnɛn tumaa bɛ́ ǹ Kanaan gána a zian kɛn kɔn yɛ wa, Dɛnaa Lawa na á bɛa tɔrɔ lɛn toa walan, a tá ǹ diɛ ǹ gɔ́ɔ̃ li ni.

Sii yɔrɔ-bɔlen 3:3

Bɛa tɔrɔn lɛn nə́ ke: Filisitin kii sooro kɛa gána minin manɛ, Kanaan gána minin tumaa nɛ, Sidɔn kiwi minin ni, ka Ivii tɔrɔn mɛnɛn bɛ́ ǹ nə́ goã giã-n Liban kelen kɛn la, a saa Baali-Ɛrmɔn kele ganaa a wo yǎa Lebo-Amaati kiwi a wɔ ǹ bǎã nɛ.