Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sii yɔrɔ-bɔlen 2:17 - LAWA A BOO SONBORE 2011

17 Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

အခန်းကိုကြည့်ပါ။ ကော်ပီ

LAWA A BOO SONBORE

17 Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

အခန်းကိုကြည့်ပါ။ ကော်ပီ




Sii yɔrɔ-bɔlen 2:17
25 ပူးပေါင်းရင်းမြစ်များ  

Ǹ sii zɛnaa miɛ̃ kɛ *gɔ̀ da ǹ ganaa. Ǹ nə́ lɛ-tiilin baa ka lɔ kɔrɔn bɛ́ lɔn.


Gunyin gigiã, Dɛnaa Lawa nə́ ǹ si bɛa siin kɛn la. Sɛnɛ, wɔ digolon lɛn dinin nə́ n too kaka kɔ, ǹ Lawa lɛ tii lɛ gɔ́ɔ̃ nɛ, ǹ nə́ woo nyɛɛnɛ ka ǹ sã nɛ.


A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.


Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»


Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.


Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»


Zudaa minin laanka Izirayeli minin ni, bɛn tá re wusii ǹ kaa kun. Ǹ tá re kiã goon toto boe, ǹ koa ǹ dinin mìi la, Gána lɛ á re kiɛɛrɛ koe ǹ ganaa. A giala, sii lɛ bɛ́ re n zɛnɛɛ Zizereyɛli ǹ mɛn pinaa, lɛawaa gole ne.


Bɛ̀ á n baa miɛ̃, ǹ ba re ǹ wúlu mànan dii butumu nyínin kɛn ganaa doo wa. Maǹ nə́ Lawa bɔlɔ tii, ǹ tá bɛa dìn kɛn lɛn miãn kio. Kɛ n landa lɛa ǹ mìi ni miɛ̃ duduu, ǹ tɔrɔn tumaa wɔ lɛa, a ná a ba n bɔyɛɛ wa.


Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.


Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.


Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.


Bɛa pinaa kɛ lɛ-n sɛn, ma á re n yɔrɔ bɔyɛɛ ma bɔ ǹ la duduu, ǹ sii baraan kɛn lɛn tumaa a lɛa, ǹ nə́ die zɛnɛɛ. A giala, maǹ die lawa kɔsɔn guguru koe.


Dɛnaa Lawa tɔ́n pɛ ma nɛ: «N nanaa n gisĩ, n nə n bɔ kànaa. A giala, n tɔrɔn lɛn, má ǹ waa má ǹ bɔ Ezipti gána nɛ, ǹ nə́ n dinin ziziɛ̃. Masɛ zii mɛn nyaa ǹ nɛ mà ǹ kɔ lɛ, ǹ nə́ kanaa, ǹ nə́ n bɔ bɛ la gɔrɔ, ǹ nə́ sana yo, ǹ nə́ màn nyín zɛnaa nɛ.»


Má daa yaa, bɛ̀ ka á ke ká sii babaraa la kaa Lawa, Dɛnaa Lawa la: ka n ká sana yo, ka diin nɛ nyín zɛnaa nɛ. Dɛnaa Lawa zii mɛn nyaa ka nɛ mà ka kɔ lɛ, ká kanaa ká n bɔ bɛ la gɔrɔ.


Zaman lɛ wusoo á pɛ Zozoe ne: «Wɔsɛn man die dí nyɛɛ wɔa Lawa, Dɛnaa Lawa lɛ nɛ, wɔ n die n too koe a din lɛ lon.»


A Zozoe yii toa koo, Izirayeli minin lɛn nə́ dí nya Dɛnaa Lawa nɛ. Min golen mɛnɛn nə goã a kio, bɛn nə́ Dɛnaa Lawa a nya ǹ dín lɛn tumaa yɛ Izirayeli minin wɔ paǹ li. A bɛn dɔn yii toa koo, Izirayeli minin lɛn nə́ dí nya Dɛnaa Lawa nɛ.


Zozoe yii goã koo biikoo mɛn tumaa li, min golen mɛnɛn dɔn yii goã koo Zozoe kio ǹ nə́ Dɛnaa Lawa a nya ǹ dí gole kɛ yɛ Izirayeli minin lɛn wɔ paǹ li, zaman lɛ dí nya Dɛnaa Lawa nɛ, bɛn biikoo lɛ tumaa gɔ́ɔ̃ nɛ.


Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.


Sɛnɛ, ka bɛ́ ka yɛ mà Amɔn gána a kii Naasi lɛ n die koe ka lɛ ka zia nɛ, ka pɛ ma nɛ mà haba! Mà yǎa kii goɛ̃ kasɛn mìi la. A da yaa kaa Lawa, Dɛnaa Lawa lɛ n kaa kii lɛa.


Táa *belee kurii biikoo n ka kɛ-n sisia? Masɛ n die Dɛnaa Lawa nyankoe. Á re die ka la a paraa laanka la nɛ. Bɛ̀ bɛ nə́ n zɛnaa, ka tɔn dɔ̃ kəni mà ka nɔ̀n mɛn da Dɛnaa Lawa la ka kii-n ke, sii baraa gole ne, ka zɛnaa Dɛnaa Lawa yii li.


Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ