Sii yɔrɔ-bɔlen 18:9 - LAWA A BOO SONBORE 2011

⁹ Ǹ nə́ ǹ lɛ si: «Ka yoo wɔ n tá ǹ gialaa, a giala, wɔsɛn nə́ gána lɛ yɛ. Á ke, gána kɔɔ̃n kɔɔ̃n nɛ. Ka n tɔn tán kiĩni, ka n kaa boo kɔn diɛ wa? Ka baran giã tán ka n saa yoo-baa li, ka n ka a yui woe gána lɛ kuĩ, ka n biɛ kaa wɔ lɛa wa.

LAWA A BOO SONBORE

⁹ Ǹ nə́ ǹ lɛ si: «Ka yoo wɔ n tá ǹ gialaa, a giala, wɔsɛn nə́ gána lɛ yɛ. Á ke, gána kɔɔ̃n kɔɔ̃n nɛ. Ka n tɔn tán kiĩni, ka n kaa boo kɔn diɛ wa? Ka baran giã tán ka n saa yoo-baa li, ka n ka a yui woe gána lɛ kuĩ, ka n biɛ kaa wɔ lɛa wa.

Sii yɔrɔ-bɔlen 18:9 ပူးပေါင်းရင်းမြစ်များ

Samayeli2 10:12

N gù we yii. Daa wɔ n gù we yii wɔ tɔrɔ minin lɛn laanka wɔa Lawa a kiwin kɛn lɛa. Sii mɛn bɛ́ siĩn Dɛnaa Lawa yii li, Dɛnaa Lawa din bɛ zɛnaa.»

Kiin1 22:23

Misee tɔ́n pɛ: «Á ke! Dɛnaa Lawa yiri goon dia á daa Akaabu a Lawa a boo gii-dalin lɛn kaa soɛ bɔ ganaa, bɛ giala, mà Dɛnaa Lawa din ni mà a n koe boe Akaabu ganaa.»

Kiin1 22:3

Izirayeli gána a kii lɛ na á goã á pɛ a dí-nyalin manɛ kɛnɛn: «Ka á doɛ̃, mà Ramɔti kiwi lɛ, Galaati gána nɛ, mà wɔsɛn dinin wɔ nɛ. Sɛnɛ wɔ n tán wɔ́ n wɔ ba sii Siirii gána a kii lɛ la wa!»

Minin nimi 13:30

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zozoe 18:3

Zozoe tɔ́n pɛ Izirayeli minin lɛn manɛ: «Dɛnaa Lawa, ka digolon Lawa gána mɛn lɛ kɔ ka la, ka nə n yii diɛ yǎa biĩ, ka tɔn woe giɛ̃ a nɛ?

Sii yɔrɔ-bɔlen 18:10

Bɛ̀ ká wɔ gána lɛ nɛ ǹ mɛn waáraa, ka á re woe a minin yiɛ yii-nyɛɛ gɔ́ɔ̃ nɛ. Gána lɛ á gole a paǹ tumaa li, Lawa wɔ ka gɔn. Màn mɛn tumaa bɛ́ tán la, bɛ kɔn wɛɛ̃ ba bɛa bǎã kɛ lɛ-n wa.»

Sii yɔrɔ-bɔlen 18:8

Giĩ min sooro lɛ nə́ n bɔyaa, ǹ nə́ daa ǹ dɔɔ̃nɔn lɛn li Soreya laanka Ɛsitawɔli kiwi. Ǹ dɔɔ̃nɔn lɛn nə́ nɔ̀n da ǹ la mà maǹ wàa taasɛ gána lɛ wɔ paǹ li?

Samayeli1 4:9

Filisiti minin lɛn ganaa, ka n gù we yii, ka giĩbaa zɛnaa bɛ́ bie wa, n wɔ dɔn yaa kiɛ̃ kanna Ebrəən lɛn bɛ̀rɛn biɛ ka ǹ bɛ́ ǹ nə́ goã wɔsɛn wɔn lɛa lɛlɛ lɔn. Ka toa ka goã giĩn lɛa, ka zia baa.»