Sii yɔrɔ-bɔlen 17:4 - LAWA A BOO SONBORE 2011

⁴ Á wusoo á wɔrɔ lɛ kɔ ǹ dan la. Ǹ dan bɛa wɔrɔ lɛ si, á wɔrɔ biɛpaa bɔ a nɛ, á kɔ fɔlɔ-yole la. Bɛ́ màn nyín zɛnaa nɛ, á fɔlɔ yo á kaa la, ǹ nə́ koa Miika a kion dì lɛa.

LAWA A BOO SONBORE

⁴ Á wusoo á wɔrɔ lɛ kɔ ǹ dan la. Ǹ dan bɛa wɔrɔ lɛ si, á wɔrɔ biɛpaa bɔ a nɛ, á kɔ fɔlɔ-yole la. Bɛ́ màn nyín zɛnaa nɛ, á fɔlɔ yo á kaa la, ǹ nə́ koa Miika a kion dì lɛa.

Sii yɔrɔ-bɔlen 17:4 ပူးပေါင်းရင်းမြစ်များ

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 44:13

Da-sɛlɛli n biɛ diɛ gɔn li, a zɔɔ̃, a dì nyín zɛnaa la ka ton fu ni. A n gɔn lɛ kuri ka sɛ̀miɛ̃ nɛ, a n zɔnɛ ka kàka nɛ. A n giɛ minbuiin nɛ ganaa, min siĩn-siĩni, a na a kɔnboe zɛnaa. Bɛa nyín kɛ lɛ n woe n koɛ kion.

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Sii yɔrɔ-bɔlen 17:3

Miika wɔrɔ duu goon ka paabiɛ lɛ saa, á kɔ ǹ dan la. Ǹ dan tɔ́n pɛ nɛ: «Bɛa wɔrɔ kɛ lɛ din, man má kɔ Dɛnaa Lawa la, maa nɛgiĩ lɛ a lɛa. Máa á re màn nyín zɛnɛɛ nɛ, a fɔlɔ yo a kaa la, a baa dì lɛa. Bɛ lɛ n ke, ma á koe la kanna.»

Sii yɔrɔ-bɔlen 17:5

Bɛ́ daa yaa, bɛa giĩ kɛ lɛ ǹ nə́ bíi Miikaa dɔn, bɛ̀ dì guguru kɔ ǹ kion tá a lon. Á kion lɛduə̃ ǹ dì zɛnaa, á dì lɛ a dí nya ǹ mɔnaa zɛnaa, a ná a din a nɛgiĩ goon bɔ á koa dì lɛ a wúlu-bɔle lɛa.

Sii yɔrɔ-bɔlen 18:17

Giĩ min sooro mɛn goã ǹ nə́ woo ga gána lɛ ganaa, bɛn nə́ wɔ kion lɛ nɛ, ǹ nə́ dì lɛ laanka a dí nya ǹ mɔnaa lɛ saa, ka kion lɛduə̃ ǹ dìn lɛn nɛ. Bɛa biikoo li, bɛ̀ wúlu-bɔle lɛ á golee-n kiɛnlɛ-a, kun ka giĩ biɛ sɔrɔ lɛ nɛ, ǹ ziabaa ǹ mànan nə́ ǹ gɔn.