Sii yɔrɔ-bɔlen 13:3 - LAWA A BOO SONBORE 2011

³ Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

LAWA A BOO SONBORE

³ Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Sii yɔrɔ-bɔlen 13:3 ပူးပေါင်းရင်းမြစ်များ

Siin Giala 17:16

Ma á re barka we a nɛ, ma á re toɛ n nɛgiĩ yɛ la dinin. Ma á re barka we a nɛ, a tɔrɔn tá re gána tumun biɛ. Tɔrɔ gigiã a kiin tá re boe a tɔrɔn bii.»

Siin Giala 18:10

Dɛnaa tɔ́n pɛ: «Masɛ doamaa nɛ man bɔyaa ma da lɛ̀-boe kɛnɛn yoroo doo. N lɔ Saaraa lɛ á die nɛgiĩ yii.» A bɛ́ boo lɛ diɛ, bɛ̀ Saaraa á golee-n zìã kiɛnlɛ-a Abrahamu kio, n too koe.

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Kiin2 4:16

Yiliizee pɛ lɔ lɛ nɛ: «Lɛ̀ boe kɛnɛn ke, n tá re nɛ guĩ n gɔn.» Lɔ lɛ pɛ: «Haayii! Maa dɛnaagiĩ, Lawa a boo gii-dali, n baran soɛ bɔ ma-n wa.»

Luku 1:11

Bɛa biikoo kɛ lɛ li, Lawa a lon a dia dí-a wole goon nə́ n din nyaa nɛ, á golee nyɔɔ gìĩ kɔɔ̃n tã ǹ bǎã lɛ gusin.

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Sii yɔrɔ-bɔlen 13:10

A din bǎã-n gɔrɔ, lɔ lɛ baa si á pɛ ǹ zuũ ni: Giĩ kɛ lɛ á daa ma li bɛa pinaa, á ke á n din nyaa ma nɛ.

Sii yɔrɔ-bɔlen 13:15

Manoa wusoo á pɛ Dɛnaa Lawa a lon a dia dí-a wole lɛ nɛ: «Bǐɛ̃ kɔ n nə n yii da wɔsɛn la, n toa wɔsɛn nə bòe banɛɛ kɔn dɛ, wɔ kɔrɛ wɔ kɔ n la.»

Sii yɔrɔ-bɔlen 13:6

Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

Sii yɔrɔ-bɔlen 13:8

Manoa tɔn Dɛnaa Lawa nyankɔ á pɛ: Dɛnaa Lawa, bɛ̀ nɛginin lɛ yɛ, wɔ doamaa bɛ nɛ wɔ sii mɛn zɛnaa nɛ, wusoo n Lawa a min lɛ dia a da bɛ nyaa wɔsɛn manɛ.

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»

Sii yɔrɔ-bɔlen 6:14

Dɛnaa Lawa nə́ n yɔrɔ bɔyaa á dia la á pɛ nɛ: Pàã kɛ lɛ n lon, wo ka bɛ lɛ nɛ, n Izirayeli minin lɛn si Madiã minin lɛn la. Woo, masɛ din nə n diɛ.

Samayeli1 1:20

Biikoo kɔn daa á dɔ, Anɛɛ min gugurubaa á nɛgiĩ yɛ a ná a tɔ kɔ Samayeli, bɛ giala, mà asɛ ná a nyankɔ Dɛnaa Lawa Lon.