Sii yɔrɔ-bɔlen 11:34 - LAWA A BOO SONBORE 2011

³⁴ Zɛftee bɛ́ boe Mispaa die piɛ, bɛ̀ a nɛlɔ á ke á soo a n maà dii, bɛ̀ biɛ, die n diɛ lɛ. A din lɛ dɔ na a nɛ lɛa, goon toto. Bɛ̀ á n bɔ bɛ lɛ nɛ, a ba a lon nɛgiĩ lɛa wa, a ba a lon nɛlɔ lɛa wa.

LAWA A BOO SONBORE

³⁴ Zɛftee bɛ́ boe Mispaa die piɛ, bɛ̀ a nɛlɔ á ke á soo a n maà dii, bɛ̀ biɛ, die n diɛ lɛ. A din lɛ dɔ na a nɛ lɛa, goon toto. Bɛ̀ á n bɔ bɛ lɛ nɛ, a ba a lon nɛgiĩ lɛa wa, a ba a lon nɛlɔ lɛa wa.

Sii yɔrɔ-bɔlen 11:34 ပူးပေါင်းရင်းမြစ်များ

Samayeli2 6:14

Davida na á goã bɛ̀ biɛ ka a we tumaa nɛ Dɛnaa Lawa yɔrɔ-a ka wúlu-bɔlen mɔnaa yii nɔnɔɔ kɛ ná a ganaa.

Loen 150:4

Ka maà dɛ, ka bɛ̀ baa ka a tɔ bɔ nɛ, ka tùtu dɛ, ka pìi pɛ ka a tɔ bɔ nɛ!

Loen 68:25

Lawa, ǹ nə́ n gɔ̀lɔ̀baa ǹ zaman lɛ yɛ kiɛ̃, maa kii Lawa a zaman lɛ, ǹ nə́ yɛ a guguru kɔ ǹ bǎã sonbore kɛ nɛ.

Bɔ bɛ̀rɛbaa nɛ 15:20

Lawa a boo gii-dali Miriamu ke, Aarɔn ǹ miãnɛn lɛa, bɛ tɔ́n maà saa a gɔn. Lɔn tumaa soo ǹ nə́ kaa a kio, ǹ nə́ bɛ̀ biɛ maà lɛ wuu li.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 7:12

Yezu bɛ́ á dɔ kiwi lɛ lɛ-a, á minin yɛ woe gere goon biĩ. Lɔ giɔɔrɔ goon a nɛgiĩ goon toto ne. Zaman gole paã kun ka lɔ lɛ nɛ, ǹ nə́ woe nɛ lɛ biĩ.

Luku 8:42

A giala, mà nɛlɔ goon toto na asɛ lon, a lɛ̀ fulupaa miã nɛ, mà bɛ lɛ dɔ n giɛ li á giɛ̃. Yezu bɛ́ mà a n woe, zaman lɛ ná a lɛ gɛwaa a paǹan tumaa ganaa.

Luku 9:38

Giĩ goon nə́ n toa zaman lɛ bii á lɛ dia Yezu la: «Mìinaa, ma nə n nyankoe máa n ga maa nɛ ganaa, bɛ lɛ n maa nɛ goon toto lɛa.

Zozoe 18:26

Mispee, Kefiraa, Mosaa,

Sii yɔrɔ-bɔlen 10:17

Amɔn tɔrɔn nə́ n lɛ sɔkɔn, ǹ nə́ woo n doa Galaati gána nɛ. Izirayeli minin sɛn nə́ n lɛ sɔkɔn, ǹ nə́ woo n doa Mispaa kiwi.

Sii yɔrɔ-bɔlen 11:11

Zɛftee woo kun ka Galaati a min golen lɛn nɛ. Zaman lɛ koa ǹ mìi la ǹ goledɛnaa lɛa, zia-baalin dɔn mìilandɛnaa lɛa. Zɛftee wusoo á timəə bɛa boon lɛn tumaa la Dɛnaa Lawa yɔrɔ-a Mispaa kiwi.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.

Sii yɔrɔ-bɔlen 21:21

Ka die ka ga, bɛ̀ ka Siiloo nɛlɔn kɛn yɛ, ǹ nə́ soo ǹ nə́ bɛ̀ biɛ kun, ka soo rezɛ̃ da wurun lɛn nɛ, didie goon kũ ǹ bii, a wo-n Bɛnzamɛn tɔrɔn gána nɛ, a baa a lɔ lɛa.