22 Zozɛfu tɔrɔn dɔn nə́ woo Betɛli gialaa. Dɛnaa Lawa goã kunun ǹ ni.
Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.
Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.
Kiwin kɛn man nə́ goã Manaasee tɔrɔn sɛn gɔn: Bɛti-Seyan laanka a lɛkoro lɛ-a kiwin ni, Tanaaki laanka a lɛkoro lɛ-a kiwin ni, Megidoo laanka a lɛkoro lɛ-a kiwin ni, ka Dɔɔrɔ laanka a lɛkoro lɛ-a kiwin ni. Izirayeli a nɛ Zozɛfu tɔrɔn man nə́ goã giã-n bɛa kiwin lɛn nɛ.
Zozɛfu a nɛgiĩ Efrayimu tɔrɔn bii: Amiwudu a nɛgiĩ Elisamaa; Zozɛfu a nɛgiĩ Manaasee tɔrɔn bii: Pedsuuru a nɛgiĩ Gamulieli;
Sonbore, Zozɛfu a nɛgiĩn lɛn man nə́ tɔrɔ màn paa baa: Manaasee laanka Efrayimu ni. Levii tɔrɔn lɛn sɛn, ǹ bǎã kɔ bɛn la gána lɛ-n wa. Bɛ̀ á n bɔ giã ǹ kiwin laanka lɛkoro lɛ-a bǎãn nɛ, ǹ tɔɔn laanka ǹ gɔn màn gialakunun wɔ lɛa.
Zozoe tɔ́n min duu sooro kɛ miã bɔ, mà bɛn nə n duru Betɛli laanka Ayii biin ni, kiwi lɛ a lɛ̀nyɛɛn gɔn la.
Zozɛfu tɔrɔn li duu fulupaa, Bɛnzamɛn tɔrɔn li maǹ nə́ duu fulupaa nyaǹ kiɛ̃.
Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.
Zebuzu tɔrɔn kɛn, ǹ nə́ goã giã-n Zeruzalɛmu, Bɛnzamɛn tɔrɔn lɛn nə bɛn loo wa. Zebuzu tɔrɔn tɛnɛn nə́ giã kun ka Bɛnzamɛn tɔrɔn nɛ Zeruzalɛmu yǎa á daa kaa pelo lɛ.
Zozɛfu tɔrɔn nə́ minin dia Betɛli, mà ǹ wo ga a ganaa bɔrɔ ǹ dɔ̃. Lɛlɛ, kiwi lɛ tɔ na á goã Luuzu.