Izayii 7:4 - LAWA A BOO SONBORE 2011

⁴ N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

LAWA A BOO SONBORE

⁴ N die n pɛ-n kɛnɛn: «Giã kiĩ ni, n nyan nyɛ́ɛ baa wa. Resini a foo yoo ka Siirii minin laanka Remalia a nɛgiĩ a foo yoo kɛ nyan nə n gɔ̀nɔn bìn da wa. Maǹ ka tɛ n gɔn lɛ màn paa á ke lɔn tɛmaa boe.

Izayii 7:4 ပူးပေါင်းရင်းမြစ်များ

Kiin2 15:27

Zudaa gána a kii Azaria a kiibaa lɛ̀ posoorowenpaabaa ǹ wɔ, Remaliya a nɛgiĩ Pekaa kii baa Izirayeli gána mìi la Samarii kiwi lɛ̀ fuə.

KZS2 20:17

Ka laadoo á re goɛ̃ ǹ ziabaa ganaa wa. Ka giã walan, ka golee, ka ga masɛ Dɛnaa Lawa bɛ́ re ka kirisibiɛ lɔn. Zeruzalɛmu laanka Zudaa minin lɛn, ka nyan nyɛ́ɛ baa wa, ka nyan toa nyɛ́ɛ ka kũ wa! Biɛ̃, ka wo n da ǹ lɛ, masɛ Dɛnaa Lawa á re goɛ̃ kun ká ka nɛ!»

Izayii 10:24

Bɛ lɛ nɛ, Dɛnaa Lawa Pàãyiidɛnaa n kɛ pii: «Maa zaman, kasɛn mɛnɛn bɛ́ giã-n Siɔn, ka nyan nyɛ́ɛ baa Asiirii gána-n wa. A n ka duwii ka sɛ̌n nɛ, a na a dɔ̀rɔ̀ siɛ ka li, ka Ezipti minin kɛn nə goã zɛnɛɛ ka-n lɛlɛ lɔn.

Izayii 30:15

Dɛnaa Lawa, Izirayeli a Lawa sonbore n kɛ pii: Bɛ̀ ka n bɔyaa ka daa masɛ li, ka giã kiĩn ni, ka á re kirisibaa yii. Bɛ̀ ka n foo doa masɛ ganaa, ka giã kiĩn ni, bɛ lɛ n die pàã koe ka la. Sɛnɛ, ka lɛ kɔ bɛ ganaa wa.

Izayii 30:7

Taãn nɛ, Ezipti a dɔmalɛ n piɛ̃ lɛa, a màn kɔn lɛa wa. Bɛ lɛ nɛ ma á pii gána kɛ nɛ: «Ma n Rahabu lɛa, don màn babaraa piɛ̃-wole ke, sɛnɛ n ba bìn diɛ wa.»

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 37:6

Izayii pɛ ǹ nɛ: – Ka wo Dɛnaa Lawa a boo kɛ pɛ kaa dɛnaagiĩ Ezekiasi ni: «Ń Asiiriin sɔraasin goledɛnaa lɛ ma sɔ koe ma ganaa. N boo mɛn ma, nyɛ́ɛ nyan nə n kũ wa.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 7:1

Oziasi a nɛgiĩ Zoatamu a nɛgiĩ Ahaazi a kiibaa biikoo li Zudaa gána nɛ, Siiriin kii Resini laanka Remalia a nɛgiĩ Izirayelin kii Pekaa daa zia baa Zeruzalɛmu ganaa. Sɛnɛ, ǹ gɔ̀lɔ̀baa yɛ wa.

Izayii 7:8

A giala, Damaasi ke Siirii a kiwi gole lɛa, Resini n kiã lɛa walan. Kànaa ka lɛ pɔsɔrɔ ka sooro, Efrayimu á re yui, a re tɔrɔ biɛ doo wa.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Izayii 8:4

A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.

Izayii 8:6

Silowee mu ke baa sii sɛlɛlɛ, Zudaa zaman nə́ n piã ka bɛ nɛ, a giala, ǹ foo n kɔɔ̃nɛ kii màn paa kɛ taman yii: Resini laanka Pekaa.

Busii pɛ 3:26

N yii da Dɛnaa Lawa a bɔ sii-n la, kiĩn ni, sii sonbore ne.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Zakarii 3:2

Dɛnaa Lawa pɛ zɛ̀rɛ da ma la wole lɛ nɛ: «Dɛnaa Lawa nə n lɛ tã, zɛ̀rɛ da ma la wole! Sonbore, á n lɛ tã, asɛ mɛn Zeruzalɛmu bɔ á koa! Yesuwa bie ka gɔn lɛkoro bɛ́ lɔn ǹ nə́ bɔ tɛ-n wa?»

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 24:6

Ka á re miɛ mà zia tá kunu hinlaa, mà a tá sɔsɔɔ ka ganaa. Ka baran toa bɛ nyɛ́ɛ da ka ganaa wa. Bɛ doamaa nɛ a n zɛnaa, sɛnɛ, kanaa a nya bie ka bɛ-n bɔrɔ wa.

Timəə dí-pɛn 20:3

A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa.

Samayeli1 17:32

Davida pɛ Sayulu ni: «Dɛnaagiĩ, min kɔn foo baran ziziɛ̃ ka Filisiti min kɛa sii-n wa! Masɛ tá re woe zia diɛ kɔn nɛ.»