Izayii 61:1 - LAWA A BOO SONBORE 2011

¹ Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

LAWA A BOO SONBORE

¹ Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 61:1 ပူးပေါင်းရင်းမြစ်များ

Loen 102:20

Dɛnaa Lawa din na á n toa lon, a giã ǹ bǎã sonbore kɛ nɛ, á n kanaa á ga. A din na á n toa lon, á ga tán ganaa.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 149:4

A giala, Dɛnaa Lawa a minin lɛn sii tá kɔɔ̃n a ganaa. A din nə gɔ̀lɔ̀baa ǹ gɛ̀lɛ koe din-gisiĩ wole la.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 25:9

A n din-gisiĩ wolen diɛ zii pepere la, a nə ǹ darɛɛ a zii lɛ a tɔ wɔ ganaa.

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 51:17

Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Loen 68:7

Minin mɛnɛn bɛ́ ǹ nə́ ǹ loo, Lawa n kùsì koɛ bɛn nyɛɛnɛ, a ǹ kũ doɛ̃. A tá ǹ kiɛ a ǹ bɔ kòso-n, a foo kɔɔ̃nbaa kɔ kòso nɛn la. Sɛnɛ, Lawa lɛ-tiilin kɛn, bɛn man goɛ̃ bǎã gere ne.

Loen 69:32

Bɛ din nə kɔɔ̃n Dɛnaa Lawa ganaa, á la dii ni, á la dii gɔ̀lɔ̀ gole ne.

Bɔ bɛ̀rɛbaa nɛ 28:41

Bɛa mɔnaan kɛn lɛn wɔ n gologiĩ Aarɔn laanka a nɛgiĩn ganaa, n nyɔɔ kaa ǹ mìi ni, n nə ǹ koa ǹ dí lɛ la, n nə ǹ koa masɛ Lawa wɔn lɛa, ǹ tá re masɛ a dí nyɛɛ.

Bɔ bɛ̀rɛbaa nɛ 29:7

Bɛ kio, n min koa Lawa wɔ lɛa ǹ nyɔɔ kɛ saa, n kaa a mìi ni, n koa masɛ Lawa wɔ lɛa.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 30:19

Nsɛ *Siɔn a zaman, nsɛ mɛn bɛ́ giã-n Zeruzalɛmu, n ba re wuu pii doo wa. Bɛ̀ n nə n lɛ dɛ Dɛnaa Lawa ganaa á re a bǐɛ̃baa nyɛɛ n nɛ. Bɛ̀ á n lɛ ma lɔn gɔrɔ, á re n lɛ sii.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 32:7

Min mɛnɛn bɛ́ ǹ miãn yiri siɛ̃, ǹ sii baraa zɛnaa la yii ni. Maǹ tán dù bose ǹ nə́ doobaan laadoo ziziɛ̃ ka soɛn nɛ, ta sonbore nə ǹ lon.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 42:7

N tá re yii tere-an yii buĩ, n kòso nɛn kaa n nə ǹ bɔ kòso ne. Min mɛnɛn bɛ́ wɔlɔ tì li kòso kion, n tá re bɛn woɛ n soo ǹ ne.

Izayii 48:16

Ka n zɔ̃ ka dɔ ma li ka n too kɔ. A kũ kanaa giala kɔ waáraa ganaa, ma tɔn boo durii da wa. Siin giala kɔ waáraa, bɛ̀ ma tan. Sisia kəni, Dɛnaa Lawa n ma diɛ, a yiri n ma la.

Izayii 49:9

n pɛ kòso nɛn manɛ, ka min mɛnɛn bɛ́ wɔlɔ tì li: «Ka soo ka da wɔlɔ fúlu li.» Ǹ tá re màn-bii yii zii gialaa, ǹ màn bii tentenen tumaa mìi ni.

Izayii 52:7

Kɛ n foo kɔɔ̃n lɛa, dia dí-a wole mɛn bɛ́ boe kelen mìi ni, a n là nyantoro boo diɛ, a n boo tii kɔɔ̃n pii, a n kirisibaa boo diɛ. A n pii Siɔn nɛ: «N Lawa lɛ n kii lɛa.»

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 34:8

Dɛnaa Lawa wusoo á boo da Zeremii ni kii Sedekiasi a lɛ-kɔ kɛ kio Zeruzalɛmu a zaman tumaa nɛ, màn mɛn bɛ́ toɛ, a ǹ bɛ̀rɛn kaa.

Zeremii 52:33

Zoakini ná a kòso nɛ mɔnaa bɔ á bɔ a din ganaa, á goã màn bii kun ka kii-n miɛ̃ baraabaraa a yiikoonaabaa tumaa gɔ́ɔ̃ nɛ.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Lawa a wúlu-bɔlen 7:35

Aarɔn laanka a nɛgiĩn lɛn wɔ gii n ka bɛ nɛ, Dɛnaa Lawa a wúlu mànan lɛn gɔ́ɔ̃ nɛ. Bɛ̀ ka ǹ koa Dɛnaa Lawa a wúlu-bɔlen lɛa ǹ mɛn pinaa gɔrɔ, bɛ lɛ n doe ǹ ganaa.

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Luku 7:22

Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ Zaã nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»

Zaã a sɛ́wɔ 1:41

a na á kiɛ̃ á woo dɔ a din dɔɔ̃n Simɔn lɛ li bɔrɔ á pɛ nɛ mà ǹsɛn nə́ Minin Nyin-sili lɛ yɛ (ǹ dinin bɔlɔ nɛ: mà Masia, bɛ giala mà Krita.)

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 4:27

Sonbore, maǹ nə́ n lɛ kaa kun taãn-taãnɛ, Zeruzalɛmu kiwi kɛ lɛ nɛ, kii Erɔdi laanka kii gole Pɔnsi Pilati ni, kun ka tɔrɔ kɔsɔn laanka Izirayeli minin ni, ǹ nə́ n gòãn doa Yezu-a, Lawa din a dí-nyali sonbore ke, á bɔ a dí a lɛa.

Korɛnti2 3:17

Bɛ má pɛ máa Dɛnaa, bɛ giala mà Yiri Fu. Bɛ̀ Dɛnaa a Yiri Fu tá bǎã mɛn nɛ, tá ma din gɔn wìi a lɛa dɔ n goɛ̃ walan.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii: