Izayii 53:5 - LAWA A BOO SONBORE 2011

⁵ Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

LAWA A BOO SONBORE

⁵ Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 53:5 ပူးပေါင်းရင်းမြစ်များ

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Ebrəə 10:14

A min mɛnɛn yoreen kɔ, a na á bɛn baa min lɛ-piɛ̃n lɛa yǎa duduu, a din kɔ wúlu màn lɛa gunyin goon toto kɛ lɛ barka nɛ.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Ebrəə 10:10

Yezu Krita na á Lawa foo sii kɛ lɛ zɛnaa, a ná a din gɔ̀nɔn kɛ kɔ, mà a n baa wúlu màn kɛ lɛa, ǹ mɛn bɛ́ á n zɛnaa gunyin goon toto, bɛ lɛ nɛ, á wɔ yoreen koe.

Korɛnti1 15:3

Ma din daraa mɛn yɛ, man má bɛ lɛ kɔ ka la. Màn mɛn bɛ́ gole sii tumaa nɛ bɛ á ke. *Krita na á gã wɔa sii baraan lɛa, ka Lawa a sɛ́wɔ bɛ́ á pɛ lɔn.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Ebrəə 5:8

A laanɛ á goã Lawa a Nɛ lɛa, a na á n daraa Lawa bɔlɔ sii ganaa a nɔmaa ǹ siin gɔ́ɔ̃ nɛ.

Timəə dí-pɛn 11:2

Ma bɛ́ re màn mɛn pii sisia, ma bie kaa nɛnyaanan kɛn ganaa wa. A giala, kaa Lawa, Dɛnaa Lawa lɛ minin doroo ǹ siin mɛnɛn zɛnaa, ǹ bɛn yɛ wa, ǹ ba ǹ doɛ̃ wa: Kaa Lawa, Dɛnaa Lawa lɛ a golebaa kɛ nɛ, a boo sii la nɛ,

Loen 30:2

Dɛnaa Lawa ma nə n din tɔ siɛ lon, a giala, ń wusoo ń ma kaka kɔ, n toa maa zɔ́ɔn nə́ n nyɛnyɛɛ ma la wa.

Suusun 20:30

Busulɛ n min baraa a dagòã lɛa. Mandɛ dɔ n boe la a min gɔ́ɔ̃ *yoreen kɔ.

Izayii 6:7

Á bɛa tɛ nàn lɛ naa ma lɛ ganaa, á pɛ ma-n kɛnɛn: «A saa sisia ganaa, tɛ nàn kɛ mɛ n lɛ ganaa lɔn, n sãn nə́ n toa n nɛ, n sii baraan nə́ n tuturu.»

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Zɔbu 33:24

á makara bɔ a ganaa, á pɛ Lawa nɛ, mà a nyan toa a wo yala-n wa, mà asɛ ná a nyin si ǹ giɔ̀mɔ yɛ,