Izayii 53:3 - LAWA A BOO SONBORE 2011

³ Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

LAWA A BOO SONBORE

³ Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Izayii 53:3 ပူးပေါင်းရင်းမြစ်များ

Loen 69:29

Ǹ tɔ tuturu, n bɔ yiikoonaabaa ǹ sɛ́wɔ kɛ nɛ. Ǹ tɔ baran goã kiɛ̃-n kun ka min peperen kɛn wɔ-n wa.

Loen 88:4

Sonbore, nɔmaa ma gɔ̀nɔn bɔ, á goã boɛɛn nɛ ma gã.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 50:6

Min mɛnɛn bɛ́ ǹ nə́ goã ma duwii, má n dɔ̀ɔ̃ dia ǹ la. Má n lɛtoro dia ma lɛtoro ka woɛ̃ wolen la. Min mɛnɛn bɛ́ ǹ nə́ goã sɔ kiɛ ma la, ǹ nə́ sɛ̀ kiɛ ma ganaa, man yɔrɔ duru bɛn la wa.

Izayii 52:14

Min mɛn tumaa yɛ, nyɛ́ɛ nə́ ǹ tumaa kũ. A giala, a yɔrɔ nə́ n bɔyaa á la yii ni. A minbuiin nɛ a kɔnboe lɛa doo wa.

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 53:4

A da yaa, wɔ dinin busun man nə́ goã a mìi ni. A na á wɔa fuu si a din ganaa. Wɔsɛn dɔn man ke taasɛ, wáa Lawa n dɔlɔ boe a ganaa, a n nɔmaa diɛ a mìi ni, a ná a yii puusə koe.

Misee 5:1

Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

Zakarii 11:8

Bɛ kio, ma boo la má n foo kũ sèren-lɛduə̃lin lɛn li wa. Ma dɔ nə́ ǹ dɔn gɔ̀nɔn bɔ. Mui goon gɔ́ɔ̃ nɛ, má sère-lɛduə̃li sɔɔ toa walan.

Matiə 26:67

Bɛ kio, ǹ nə́ sɛ̀ kakaa a yɔrɔ-a, ǹ nə́ dɛdɛ ka gɔn-muniin ni. Min tɛn nə́ ǹ gɔn tɔtɔ a para-n,

Matiə 27:63

ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.

Marki 10:33

«Haya, wɔ á ke woe Zeruzalɛmu, ǹ tá re Min a Nɛgiĩ koe Lawa a wúlu-bɔlen goledɛnan laanka landa sii-daraalin la. Ǹ tá re kiri kuri la, ǹ gɛ̀ dɔlɔ da a mìi ni, bɛ kio, ǹ kɔ min kooron la.

Marki 10:34

Ǹ tá re yaa we a ganaa, ǹ sɛ̀ kaa a ganaa, ǹ duwəə ka sɛ̌n nɛ, ǹ dɛ a gã. Lɛawaa sɔɔ bɛ kio, a yii á die kiɛ.»

Marki 14:34

Á tɔ́n pɛ ǹ nɛ: «Foo-ziziɛ̃ n die masɛ dii. Ka giã tán kànaa, ka n yii toa koo.»

Marki 15:19

Ǹ nə́ duwəə ka bàbàlan nɛ a mìi ganaa, ǹ nə́ sɛ̀ kaa a ganaa, bɛ̀ ǹ kaa tán a giulun ka maǹ a guguru koe.

Marki 9:12

Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 19:41

Yezu bɛ́ á diri kiwi lɛ la á yɛ, á wuu pɛ la.

Luku 8:53

Minin lɛn man nə́ goã yaa we Yezu ganaa, a giala ǹ nə́ goã doɛ̃ mà nɛ lɛ gã.

Luku 9:22

Á pɛ ǹ nɛ mà Min a Nɛgiĩ doamaa nɛ a fuu yɛ parsiini. Mà Zuifun goledɛnan nɛ, ǹ Lawa a kion wúlu-bɔlen goledɛnan nɛ, ka ǹ landa sii-daraalin tá re n piɛ̃ asɛ nɛ, mà ǹ tá re asɛ dii asɛ gã, mà asɛ a gɛ̀ lɛawaa sɔɔ mà asɛ yii á re kiɛ.

Zaã a sɛ́wɔ 11:35

Bɛa biikoo li, Yezu yii mu bɔ.

Zaã a sɛ́wɔ 8:48

Zuifun nə́ tɔ́n pɛ Yezu ni mà Sonbore tá ǹsɛn lon ǹsɛn nə pɛ, mà á baraa ka Samarii min bɛ́ lɔn, mà mànan man a ganaa.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.