Izayii 48:2 - LAWA A BOO SONBORE 2011

² A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

LAWA A BOO SONBORE

² A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 48:2 ပူးပေါင်းရင်းမြစ်များ

Nehemii 11:1

Bɛ kio, zaman lɛ a nyɛɛnaandɛnan nə́ giã Zeruzalɛmu. Zaman gialakun lɛ nə́ n pã, màn mɛn bɛ́ toɛ min fù bii, min goon da giã Lawa a kiwi Zeruzalɛmu kɛ nɛ, a manangɔrɔ gialakun kɛ goã kiwi kɔsɔn nɛ.

Nehemii 11:18

Levii tɔrɔn mɛnɛn tumaa goã Lawa a kiwi lɛ nɛ, maǹ min biɛpaa ka pɔkiwisiwensii (284).

Loen 48:1

Koore a minin Lawa tɔ bɔ ǹ loe.

Loen 87:3

Lawa a kiwi, Lawa din bɛ́ màn mɛn tumaa diɛ n wɔ paǹ li, bɛ nə n tɔ guguru kɔ ǹ boo lɛa. *Doa

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 47:4

Min mɛn bɛ́ wɔ si sii la wole lɛa, a tɔ n "Dɛnaa Lawa Pàãyiidɛnaa". Izirayeli a Lawa sonbore ne.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Izayii 51:15

Sɛnɛ, masɛ nə n Lawa, Dɛnaa Lawa lɛa. Ma din nə bìn diɛ yìsi mu gole ganaa, ma mu yoo wole da ginii ganaa. Ma tɔ n Dɛnaa Lawa Pàãyiidɛnaa.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Zeremii 44:26

Sɛnɛ, kasɛn Zudaa minin kɛn giã-n Ezipti gána nɛ, ka n too kɔ Dɛnaa Lawa a boo kɛ li! Á ke, masɛ Dɛnaa Lawa, ma nə n liɛ ka ma tɔ gole kɛ nɛ: Ezipti gána tumaa nɛ, Zudaa min kɔn ba re masɛ tɔ pii wa. Min kɔn ba re pii doo: "Ka Dɛnaa Lawa, Lawa yiikoonaa tɔ nɛ wa".

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Matiə 27:53

ǹ nə́ soo ǹ nə́ ǹ bɔ yala-n. Yezu yii a kaa a bɔ geren bii kio, ǹ nə́ wɔ Zeruzalɛmu kiwi lɛ gɔ́ɔ̃ nɛ, min gigiã nə́ ǹ yɛ walan.

Matiə 4:5

Bɛ kio, Sɛtaan nə́ woo ne Lawa a kion mìi ni Zeruzalɛmu kiwi sonbore kɛ nɛ,

Rɔmu minin 2:17

A n lɔn kəni, nsɛ kɛ lɛ Zuifu tɔ nə n ganaa? Lawa a dí-pɛn tá ka li, n tá n gòãn koɛ bɛ la, n tá n din dɔ gole koe n Lawa a lɛa.

Sii-nyaan 11:2

Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

Sii-nyaan 21:2

Kiwi sonbore ke, Zeruzalɛmu dii lɛa, má tɔ́n bɛ yɛ boe lon Lawa li gisĩ tán. Á n yɔrɔ bɔ ka lɔ tii bɛ́ n yɔrɔ boe lɔn, a tɔn wo zuũ kion.

Sii-nyaan 22:19

Bɛ̀ ǹ dɛnaa dɔ́ màn boɛɛn kooro bɔ lɛ, ǹ dɛnaa gii mɛn bɛ́ yiikoonaabaa ǹ da nɛ kɛ nɛ, ka kiwi sonbore kɛ nɛ, a siin mɛnɛn bɛ́ kiɛ̃-n sɛ́wɔ kɛ nɛ, Lawa á re bɛ kuri ǹ dɛnaa lon.

Sii yɔrɔ-bɔlen 17:13

Miikaa tɔ́n pɛ: «Kanna kəni, ma á doɛ̃ máa Dɛnaa Lawa á re sii bǐɛ̃ zɛnɛɛ masɛ nɛ, a giala, Levii tɔrɔ kɛ na á maa wúlu-bɔle baa.»