Izayii 47:9 - LAWA A BOO SONBORE 2011

⁹ A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

LAWA A BOO SONBORE

⁹ A bɛ́ miɛ̃, koe màn paa kɛ n die n yii bǎã goon ne. Lɛawaa goon gɔ́ɔ̃ nɛ, n nɛnyaanan tá re bɔ̀n biɛ n nə n bɔyaa n giɔɔrɔ baa. Bɛa koen lɛn tá re die n la ka pàã nɛ, n wɔ-kũ kɛn tumaa ka n gɔn nɔɔn kɛn tumaa a re boe la ǹ nə ǹ sàabaa wa.

Izayii 47:9 ပူးပေါင်းရင်းမြစ်များ

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Loen 73:19

Boɛɛnɛ, basaã gole á die ǹ yii. Á ke ǹ nə́ nya, ǹ nə́ papaã nyɛ́ɛ gɔn.

Nahumu 3:4

Ninivu sii baraa zɛnaa á la yii ni. A siĩnbaa taman yii, a n ka kɔrɔbaali bɛ́ lɔn, minin yiri sii. A n ka dagòãdɛnaa bɛ́ lɔn, minin yiri sii. Bɛ lɛ taman yii, tɔrɔ gigiã ná a bɛ̀rɛ baa.

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Danayeli sɛ́wɔ 4:7

Ma bɛ́ waa nɛ, ma màn mɛn yɛ, bɛ n ka kɛ nɛ: Máa man giɛ bɛ̀ da goon nə́ ke kanaa lɛ bii, da lɛ a sasabaa miã banban.

Danayeli sɛ́wɔ 2:2

Kii lɛ tɔ́n pɛ mà ǹ lɛ dia kɔ́lɔnbaalin laanka wɔ-kũlin la, bòon laanka doɛ̃-wɔlen ne, màn mɛn bɛ́ toɛ ǹ na asɛ a narɛɛn lɛn pɛ asɛ nɛ. Ǹ nə́ daa, ǹ nə́ golee kii yɔrɔ-a.

Zeremii 51:29

Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.

Uruti 1:20

Sɛnɛ, asɛ na á goã pii ǹ ni: «Ka baran masɛ bíi Naomii doo wa, ka ma bíi Maaraa, a giala, Pàãyiidɛnaa na á kanaa kɔsɛ masɛ ganaa á la yii ni.

Uruti 1:5

Bɛ kio, Maalɔn laanka Kiliyɔn nɛ, bɛn dɔn paanan gã, Naomii bɔ̀n baa ka a nɛnyaan min paa lɛ laanka ǹ zuũ ni.

Izayii 13:16

Ǹ tá re ǹ nɛnyaan tiɛɛ̃nɛn tɔtɔrɛ ǹ dinin yii ni, ǹ nə ǹ kion gɔ̀ɔ̃ mànan kokoo, ǹ giã kun ǹ lɔn nɛ ka pàã nɛ.

Izayii 21:9

Ka ga, min nə́ ke yii die: A n giã-n ziabaa ǹ wotoro la, sùi màn paa n baɛ̃. A nə n lɛ dii á n pii: «*Baabilonii mɛnaa! Baabilonii mɛnaa! A dì nyínin kɛn, bɛn nə́ yɔyɔrɛ tán!»

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Zeremii 15:9

Lɔ mɛn nɛ sɔbaa yɛ, nɔmaa n die bɛ yii, a fɔfoã golee. Penleen tá re tèlò biɛ a ganaa. Sìi nə́ n kɔ lɛ. A yii gugurubaa papaã. Min mɛnɛn yii goã koo, ma á re bɛn dii zia la, ǹ zɔ́ɔn yɔrɔ-a. Dɛnaa Lawa a da ǹ boo ne.

Danayeli sɛ́wɔ 5:30

Sɛnɛ, a din tèlò lɛ nɛ, ǹ nə́ Baabilonii gána a kii Bɛltazaara dɛ.