Izayii 41:2 - LAWA A BOO SONBORE 2011

² Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

LAWA A BOO SONBORE

² Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Izayii 41:2 ပူးပေါင်းရင်းမြစ်များ

Siin Giala 11:31

Teraa yoo kun ka a nɛgiĩ Abramu ni, ka a nɔ̀ɔn Lɔti ni, Aaran a nɛ lɛ, ka ǹ manaa Sarayii ni, a nɛgiĩ Abramu lɛ a lɔ n ka bɛ nɛ. Ǹ nə́ soo Uuru kiwi, Baabilonii gána nɛ kunun ǹ ni, mà maǹ woe Kanaan gána nɛ. Ǹ bɛ́ ǹ nə́ dɔ Kaaran, ǹ nə́ giã walan.

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Samayeli2 22:43

Má ǹ suu ka gusuũ bɛ́ lɔn piɛ̃ li, má tɔtɔrɔ ǹ la ka bɛrɛɛ bɛ́ lɔn zii giala-a.

Kiin2 13:7

Zoakazi a zia-baali zaman lɛ tumaa bii, ǹ mɛnɛn nə kanbaa, sùidɛnaa posooro dinsɔɔ̃ nɛ, ka ziabaa ǹ wotoro fù ni, ka zia-baali duu fù ni. A giala, Siirii gána a kii na á goã á gialakunun kɛn dɛ. A na á goã á ǹ baa ka tán tii kɛ nɛ minin nə́ tɔrɛ la ǹ gòã giulun.

KZS2 36:23

– Pɛrsin kii Siirusu a da ǹ boo á ke: «Dɛnaa Lawa, lon a Lawa kanaa gánan tumaa kaa ma pàã giulun, á pɛ ma nɛ mà ma kion dɔ asɛ wɔ lɛa Zeruzalɛmu, Zudaa gána nɛ. Min mɛn tumaa bɛ́ kun ka nɛ, Lawa a zaman lɛa, a Lawa, Dɛnaa Lawa die a goã kun ni, a n bɔyaa a da Zeruzalɛmu!»

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Izayii 40:24

Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

Izayii 41:25

Má min da zii la gɔsɛ a lɛ̀gɔn la, a n boe wasa a bɔ ǹ bǎã-n die. A n ma tɔ guguru koe. A n tɔrɛ gánadɛnan la, ka ǹ bɛ́ tɔrɛ bɛrɛɛ la lɔn, ka dɔn-bɔle bɛ́ gì tɔrɛ a gòã-n lɔn.

Izayii 41:3

A nə ǹ kio lui. A n woe fufuu a yiri n waa nɛ, a gòã bin mɛ zii kɛ la a tá la wa.

Izayii 42:6

«Masɛ Dɛnaa Lawa-n má n bíi wɔ peperebaa a lɛa, ma n kũ n gɔn ganaa; Ma á die n tamɛɛ, ma n koa máa n maa lɛ kɔ kɔn la kɛ yɔrɔ bɔ ka tɔrɔn nɛ, n kanaa tumaa a wɔlɔ fúlu baa.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 45:13

Ma din ni má giĩ lɛ da zii la, màn mɛn bɛ́ toɛ a peperebaa zɛnaa. A bɛ boe la a n gòã na màn mɛn tumaa ganaa, ma á re bɛ yii tumaa woɛ̃ ma bɔ a nyɛɛnɛ. A din nə die wusii a maa kiwi Zeruzalɛmu dɔ. Ǹ min mɛnɛn goa ǹ nə́ woo ǹ ne bɛ̀rɛbaa ǹ bǎã nɛ, a din nə die toɛ ǹ wusoo ǹ daa. Ǹ ba re màn kɔn boe wa, ǹ ba re màn kɔn sarɛɛ wa. Dɛnaa Lawa Pàãyiidɛnaa na á pɛ.

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Izayii 48:15

Ma dinsɔɔ̃ n ma a boo da. Má lɛ dia giĩ lɛ la, má daa nɛ. A sii zɛnaan man bǐɛ̃ koe.»

Busii pɛ 1:15

Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 7:2

Má tɔ́n lon a dia dí-a wole goon yɛ doo, á n toa lɛ̀giala-n á dii lon, Lawa yiikoonaa a nyaǹ kiɛ̃ ǹ màn kɛ ná a gɔn. Lawa pàã kɔ lon a dia dí-a wole sii mɛn la, mà ǹ tán laanka yìsi mu gole nɔmaa, á n lɛn gole bɔ, á paraa bɛn li, á pɛ ǹ nɛ: