Izayii 3:9 - LAWA A BOO SONBORE 2011

⁹ Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

LAWA A BOO SONBORE

⁹ Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Izayii 3:9 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Siin Giala 19:34

A lɛawaa, goledɛnaa lɛ pɛ kiɛɛrɛdɛnaa lɛ nɛ: «Ga dɛ! Má waa kun ka wɔ di-n gunun tèlò-n. Pelo tèlò-n, daa wɔ yɔ kɔ la a mi doo, n dɔ wo waa kun ni. Á re wɔ tɔrɔ yii a da kanaa.»

Siin Giala 4:5

sɛnɛ, a n yɔrɔ bǐɛ̃ da Kanyɛ laanka a wúlu màn la wa. Bɛ́ Kanyɛ foo yoo, a yɔrɔ yii ziziɛ̃.

Kiin2 9:30

Zewu daa wɔ Zizereyɛli kiwi, Zezabɛli ná a boo ma. Á kala lɔ a yii ganaa, á nyaǹ kaa a mìi ni, á n kanaa a tá n yii koe fenɛtərə ne.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Suusun 15:32

Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 30:13

Din gole kɔ la min tɛnɛn yii ni. Maǹ giɛ ǹ miãn ganaa ka yii baraa nɛ.

Suusun 8:36

Sɛnɛ, bɛ̀ min mɛn ma dɔ̃ wa, a n busu lɛa ǹ Dɛnaa ganaa. Ma tìĩ bɛ́ boe-n min mɛnɛn tumaa nɛ, bɛn man gɛ̀ narɛ.

Izayii 1:10

Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 3:16

Dɛnaa Lawa n pii: «*Siɔn kiwi lɔn kɛn tá kɔɔ̃nɛ ǹ dinin ganaa. Maǹ nə n wìi dii ǹ nə́ tɔ we, ǹ nə́ n yii boe minin li. Maǹ nə n gòã siɛ gogoon, ǹ gòã wìi ganaa ǹ zanan kɛn wuu li.»

Izayii 57:20

Sɛnɛ, min baraan man ka Yìsi mu gole bɛ́ lɔn, bìn diɛ, a ná a golee wa, bɛrɛɛ laanka yisi tɔrɔ tumaa n soe a mu li.

Izayii 59:12

Taãn nɛ, wɔa siɛ̃n nə́ mɔnaa n yɔrɔ-a. Wɔa sii baraan man wɔ zɛ̀rɛ biɛ. Wɔ nə n taasɛ ka wɔa sã ǹ siin kɛn nɛ biikoo yii li. Taãn nɛ, wɔ á wɔa siɛ̃n doɛ̃.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Busii pɛ 5:16

Kii bafolo bɔ wɔ mìi ganaa á mɛnaa. Wàa koe n ka kɛ nɛ! A giala wɔ sii baraa zɛnaa.

Ezekieli 16:30

E! Wàa mɛn foo tãbaa tɔrɔ n ka bɛ nɛ nsɛ lon, n bɛa siin kɛn lɛn tumaa zɛnɛɛ nɛ, kɔrɔbaa nə nsɛ a dí lɛa! Ma din Dɛnaa Lawa a da ǹ boo ne.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Ezekieli 23:16

Oholibaa din yii mɛ ǹ-a lɔn gɔrɔ, ǹ sii kũ, á nɔmaa á minin dia ǹ la Baabilonii gána nɛ.

Danayeli sɛ́wɔ 7:20

Bɛn fù ke á goã tɔɔ lɛ mìi ni, má nɔ̀n da ka bɛ dɔ a sii ni. Bɛn kɔsɔ mɛn dɔ na a giala kɔ á bɔ, á kɛn lɛn màn sɔɔ nyanaa á kaa, má nɔ̀n da la ka bɛ dɔ a sii ni. Bɛa bɛn lɛ yii nànan man nə́ goã ǹ tan, ka a lɛ nɛ, á goã din gole kɔ ǹ boon didiɛ nɛ. A n ka asɛ na á goã gole, á la ǹ miãn kɛn manɛ.

Ozee 13:9

Izirayeli, n wɔ ziziɛ̃, ma dinsɔɔ̃ n boe la ma da n gú ganaa.

Ozee 5:5

Izirayeli tɔrɔn din gole kɔ kɛ lɛ n toɛ min nə ǹ dɔ̃. Izirayeli tɔrɔn laanka Efrayimu minin kɛn tá re kiɛ, ǹ sii kɔkɔrɔ zɛnaa taman yii. Zudaa minin kɛn dɔn dinin tá re talɛɛ kunun ǹ ni.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Samayeli1 15:32

Samayeli pɛ: «Ka da ka Agaagi ni masɛ li, Amalɛki tɔrɔn kii lɛ.» Agaagi daa Samayeli li. A yɔrɔ goã kɔsiɛ-n wa, a giala, a na á goã taasɛ mà asɛ kanbaa gɛ̀ kɔɔsɛ ganaa.