Izayii 24:4 - LAWA A BOO SONBORE 2011

⁴ Tán yɔrɔ kɔsɛ, á laa. Kanaa n gɛ̀ koɛ, á ziziɛ̃. Kanaa a min dadaran dɔn nə́ pɛrɛ.

LAWA A BOO SONBORE

⁴ Tán yɔrɔ kɔsɛ, á laa. Kanaa n gɛ̀ koɛ, á ziziɛ̃. Kanaa a min dadaran dɔn nə́ pɛrɛ.

Izayii 24:4 ပူးပေါင်းရင်းမြစ်များ

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 3:26

Bɛa biikoo li kəni, kiwi min tumaa á re gɛ̀ koɛ, ǹ gini ka lɔ mɛn nə́ ke giã-n tán furu-n, a gɔn màn tumaa bɔ̀n baa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 24:3

Tán ziziɛ̃. Á bɔ̀n baa lenlen, a giala, Dɛnaa Lawa na á golee li miɛ̃.

Izayii 24:21

Bɛa pinaa lɛ nɛ, Dɛnaa Lawa n die yui lon a zia kurun gialaa lon, ka tán a kiin ni tán la.

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Zowɛli 1:10

Wurun nə́ ziziɛ̃ tán mànan foo ziziɛ̃. A giala, belee ziziɛ̃, duvɛ̃ banban doo wa, nyɔɔ banban doo wa.