Izayii 19:3 - LAWA A BOO SONBORE 2011

³ Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

LAWA A BOO SONBORE

³ Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 19:3 ပူးပေါင်းရင်းမြစ်များ

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

Loen 107:27

Ǹ yii tii, ǹ nə́ tatalaa ka min na á yɔ mi á kã, ǹ nə́ sii din tumaa zɛnaa ǹ nə́ fɔ̃.

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Loen 76:12

Ka toa ka n lɛ kɔ kaa Dɛnaa Lawa la ka mànan nɛ, ka da bɛa mànan lɛn dɔn kɔ la. Ka mɛnɛn tumaa bɛ́ kun Lawa nɛ, ka da ka a gɔ ǹ mànan nɛ ká bɔ, ka ǹ kɔ nyɛ́ɛ da ǹ Lawa kɛ la.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 14:27

Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

Izayii 15:2

Wúlu bɔ ǹ bǎãn nɛ, Dibɔn minin nə woo wuu pɛ. Neboo kele la ka Medebaa kiwi ni, Moabu minin nə́ woo gɛ̀ wuu pɛ. Ǹ tumaa mìi n kɔɔ̃ nɛ, ǹ tumaa lɛtoro ka n kɔɔ̃ nɛ.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Izayii 47:12

N gɔn doa wɔ-kũlin laanka bòon ganaa. A kũ n tenmaa waáraa ganaa, n nə n din nɔmaa ǹ ganaa. Kɔntan, a là á re goɛ̃ n ganaa, hinlaa n tá re boe la n nyɛ́ɛ da min kɔsɔn ganaa nɛ!

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Zeremii 46:15

Wàa na á baa ǹ nə́ kaa zia-baali zanbian kɛn naa? Ǹ ba boe la ǹ tá n gòãn doɛ wa, a giala Dɛnaa Lawa na á ǹ bɔ á ǹ kaa!

Ezekieli 21:7

– Minbuiin a nɛ, n yɔrɔ dia Zeruzalɛmu la. Yoo ǹ wúlu bɔ ǹ bǎãn kɛn gialaa, n maa boo da Izirayeli gána ganaa.

Ezekieli 22:14

Bɛ̀ ma yoo ka gialaa ǹ mɛn pinaa, táa foo tãbaa laanka pàã á re yii ka lon, ka boo la ka golee? Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.

Danayeli sɛ́wɔ 1:20

Sii mɛn tumaa bɛ́ sii-doɛ̃ laanka yiri ná a yɔrɔ boe, kii lɛ nɔ̀n da ǹ la ka ǹ mɛnɛn nɛ, á woo yǎa bɛ̀ ǹ nə́ la a gána lɛ a wɔ-kũlin laanka bòon kɛn tumaa nɛ gunyin fù.

Danayeli sɛ́wɔ 2:2

Kii lɛ tɔ́n pɛ mà ǹ lɛ dia kɔ́lɔnbaalin laanka wɔ-kũlin la, bòon laanka doɛ̃-wɔlen ne, màn mɛn bɛ́ toɛ ǹ na asɛ a narɛɛn lɛn pɛ asɛ nɛ. Ǹ nə́ daa, ǹ nə́ golee kii yɔrɔ-a.

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Samayeli1 25:37

Bɛa baayɛlɛ Naabaali a yɔ lɛ bɛ́ á toɛ̃ á n bɔ a yii-a, sii mɛn nə n zɛnaa, a lɔ bɔ a boo ne á pɛ nɛ. Naabaali gɔ̀nɔn yii nə́ n si la, á gole bii-a ka kɔlɔ nɛ.