Izayii 12:2 - LAWA A BOO SONBORE 2011

² Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

LAWA A BOO SONBORE

² Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 12:2 ပူးပေါင်းရင်းမြစ်များ

Samayeli2 7:24

N din ni ń nə́ n zaman Izirayeli minin lɛn koa, màn mɛn bɛ́ toɛ, ǹ goã n din a zaman lɛa yǎa duduu. N din Dɛnaa Lawa n nə́ ǹ Lawa baa.

Zɔbu 13:16

Bɛ̀ bɛ́ giala yɛ, man má la. A giala, bɔlɔ paa pɛle kɔn yii a we a wo golee Lawa yɔrɔ-a wa.

Loen 112:8

A foo n doa-n ka kaka, nyɛ́ɛ ná a ba a ganaa wa. Á doɛ̃ mà asɛ a zɔ́ɔn tá re foɛ̃ asɛ li.

Loen 118:14

Dɛnaa Lawa n ma pàã laanka maa zia gii-dali lɛa. A din na á ma kirisibaa.

Loen 118:21

Man barka diɛ n nɛ, Dɛnaa Lawa, a giala, ń maa nyankɔ si. Man barka diɛ n nɛ, a giala, ń ma kirisibaa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 65:6

Wɔ kirisibaali Lawa, n ba wusii n boo kio wa, ma n wɔa nyankɔn lɛ sii ka sii dadaran nɛ, nsɛ mɛn bɛ́ kanaa gùrù tumaa a minin nə́ n foo doɛ n ganaa, ka mu bii a gána sɔsɔɔn kɛn dɔn minin ni.

Loen 68:20

Ka daa wɔ barka da Dɛnaa nɛ baraabaraa. Wɔ kirisibaali Lawa lɛ n giɛ wɔ walan. Doa

Loen 68:21

Lawa lɛ n kirisibaali lɛa wɔsɛn nɛ. A din mɛn bɛ́ Dɛnaa lɛa, wɔsɛn si gɛ̀ la ǹ gɔn na a din lon.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Izayii 10:24

Bɛ lɛ nɛ, Dɛnaa Lawa Pàãyiidɛnaa n kɛ pii: «Maa zaman, kasɛn mɛnɛn bɛ́ giã-n Siɔn, ka nyan nyɛ́ɛ baa Asiirii gána-n wa. A n ka duwii ka sɛ̌n nɛ, a na a dɔ̀rɔ̀ siɛ ka li, ka Ezipti minin kɛn nə goã zɛnɛɛ ka-n lɛlɛ lɔn.

Izayii 17:10

Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 38:20

Dɛnaa Lawa, n ma kirisibaa. Bɛ lɛ nɛ, wɔ á re tùtun dii wɔa yiikoonaabaa tumaa gɔ́ɔ̃ nɛ, n din a kion Dɛnaa Lawa.

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Izayii 65:18

Ka n nyɛnyɛɛ, ka foo n kɔɔ̃n biikoo tumaa li, sii kɛ taman yii ma á re zɛnɛɛ. A giala, á ke, man die Zeruzalɛmu biɛ kiwi lɛa, piɛ̃-n ka foo kɔɔ̃n nɛ. A zaman tá re goɛ̃ nyɛnyɛɛ la.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 3:23

Sonbore, màn mɛn tumaa bɛ boe kelen mìi ni, soɛ nɛ, zùũzùũ mɛn tumaa bɛ́ boe tentenen la, bɛn tumaa n minin siɛ̃. Sonbore, Dɛnaa Lawa, wɔa Lawa n Izirayeli kirisibiɛ.

Danayeli sɛ́wɔ 3:28

Nebukadenezɔɔrɔ tɔ́n pɛ: – Ma á barka diɛ Sadraki laanka Mesaki ka Abɛdi-Negoo a Lawa nɛ. A din na á ná a lon a dia dí-a wole dia, á daa a dí-nyalin kirisibaa. A giala, ǹ nə́ n foo doa n ganaa, ǹ nə́ n piã ka masɛ a boo ne, ǹ nə́ n dinin nyin kɔ, mà ǹsɛn ba re lawa kɔsɔ guguru koe wa, bɛ̀ á n bɔ ǹ dinin Lawa kɛ nɛ.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zonaasi 2:9

Min mɛnɛn bɛ́ n parɛɛ dì guguru kɔ ganaa, bɛn man Lawa a bǐɛ̃ kɛ a zii tiɛ̃ ǹ dinin ganaa.

Abakuku 3:18

Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

Rɔmu minin 1:16

Maa sìi koe ka Lawa a Boo Tii Kɔɔ̃n pɛ kɛ-n wa. A giala, Lawa pàã n dí nyɛɛ a nɛ, á kirisibaa koe a goleemali wolen tumaa la: Bibinaa nɛ Zuifun manɛ, bɛ kio tɔrɔ kɔsɔn mɛnɛn bɛ́, ǹ ba Zuifun lɛa wa.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Sii-nyaan 7:10

Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.