Izayii 10:2 - LAWA A BOO SONBORE 2011

² Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

LAWA A BOO SONBORE

² Bɛa yɔrɔ lɛ la, ǹ ba kiri pepere we doobaan man wa. Min mɛnɛn bɛ́ pàãwɛɛnaan lɛa maa zaman bii, maǹ pàã nyɛɛ bɛn manɛ. Maǹ lɔ giɔɔrɔn lon dudui, ǹ nə́ mɛnɛɛ nɛ toenən la.

Izayii 10:2 ပူးပေါင်းရင်းမြစ်များ

Zɔbu 31:16

Doobaa bin nyankɔ ma la má nu wa, ma bin toa lɔ giɔɔrɔ nə́ n yii da ma gɔn li á fɔ̃ wa.

Loen 94:6

Maǹ lɔ giɔɔrɔn nyin boe, ka tiin ni. Maǹ nɛ toenən dii, ǹ boe kanaa.

Bɔ bɛ̀rɛbaa nɛ 23:6

Ka baran mɛnaa doobaa la kiri wɔ ǹ bǎã-n wa.

Suusun 22:22

N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

Suusun 30:14

Min tɛnɛn sɔn man ka gɔya san bɛ́ lɔn. Ǹ paǹ gɔn we n ka gɔya bɛ́ lɔn. Maǹ kanaa lɛ a nɔmaa-wɔlen soɛ̃, maǹ doobaan papaɛ̃ ǹ tá ǹ boe minbuiinin bii.»

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 29:21

ǹ nə́ soɛ diɛ ǹ miãn la, ǹ nə́ kan koe kiri-kuruli ni, ǹ nə́ toɛ ǹ nə́ yii tì-a kuĩ, bɛn wɔ n die goɛ̃ ka gɛ̀ nɛ.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Izayii 3:15

Ka n maa zaman nɔmɛɛ, ka n pàã nyɛɛ doobaan nɛ. Bɛ giala mà wàa kəni?» Dɛnaa Lawa Pàãyiidɛnaa a da ǹ boo ne.

Izayii 32:6

A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.

Izayii 5:23

Lɛ pii ǹ màn taman yii, ka n zɛ̀rɛdɛnaa toɛ walan. Sɛnɛ, ka nə n piɛ̃, ka sonbore kɔ min pepere la nɛ.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 59:15

Taãn nɛ, sonbore nya. Min mɛn bɛ n nyɛnɛɛ sii baraa nɛ, maǹ bɛa dɛnaa kokoe. Dɛnaa Lawa bɛ tumaa yɛ. Peperebaa baã kɛ n sii bɔnɛɛ lɛa a yii li.

Zeremii 7:6

Ka nyan mɛnaa tiin la, nɛ toenən ne ka lɔ giɔɔrɔn nɛ wa. Ka nyan yii tì-a mà kaa wa. Ka nyan kɔ lawa kɔsɔn lɛ wa, ǹ mɛnɛn lɛn bɛ́ koe boe ka-a.

Busii pɛ 3:35

Bɛ̀ n mɛnaa n miã minbuiin nɛ la, lon a Lawa yii giulun,

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Amɔɔsi 2:6

Dɛnaa Lawa na á pɛ kɛnɛn: Izirayeli minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ min pepere kũ ǹ nə́ sã wɔrɔ-a, ǹ nə́ doobaa lonkɔ ka kɔsɔ nɛ. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.

Amɔɔsi 2:7

Ǹ bɛ́ giɛ sii mɛn li, bɛ n ka kɛ nɛ: maǹ sìi diɛ doobaa ganaa. Maǹ mɛnɛɛ nɔmaa-wɔle la. Nɛ laanka ǹ di n paɛ̃ nɛniɛ goon ganaa, maǹ bɛa sii lɛ zɛnɛɛ, ǹ nə́ ma tɔ sonbore kɛ ziziɛ̃ nɛ.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [