Filipi minin 3:3 - LAWA A BOO SONBORE 2011

³ Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

LAWA A BOO SONBORE

³ Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 3:3 ပူးပေါင်းရင်းမြစ်များ

Loen 105:3

Ka n din koa, ka Dɛnaa Lawa tɔ sonbore kɛ nɛ. Ka n nyɛnyɛɛ, kasɛn mɛnɛn bɛ́ giɛ Dɛnaa Lawa li.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 15:17

Bɛ lɛ na á toa, masɛ á boe la ma n din gole kɔ, maa kaa-kun ka Yezu Krita-n lɛ gɔ́ɔ̃ nɛ, Lawa a dí kɛ lɛ wɔ gɔn la.

Rɔmu minin 7:6

Sisia, Lawa wɔ si dí-pɛn la. Siin mɛnɛn nə goã wɔ yii lɛlɛ ka kaka, wɔ n goon ka geren ne bɛn wɔ a paǹ li kanna. Bɛ lɛ nɛ, wɔ bie dí nyɛɛ Lawa-n doo á kɔnpii ka sii zɛnaa ǹ gɔn zizi kɛ nɛ a din a dí-pɛn boo kiɛ̃ kɛ-n wa. Lawa din a Yiri Fu n pàã koe wɔ la, wɔ n dí nyɛɛ nɛ sisia, á kɔnpii ka sii zɛnaa ǹ gɔn dii ni.

Rɔmu minin 8:15

Ka doamaa bie ka nyɛ́ɛ baa doo wa. Lawa ná a din Yiri kɔ ka la. Bɛ n nyɛɛ mà ka ba bɛ̀rɛn lɛa wa, sɛnɛ, ka na a nɛnyaanan lɛa. Bɛ̀ wɔ á n lɛ dii Lawa ganaa wáa «Wɔa Díi!»,

Rɔmu minin 8:39

Lon gɔ́ɔ̃ nɛ ǹ mànan laanka tán giulun wɔn kɔn ba boe la wa. Lawa din wɔ narɛ ǹ gɔn mɛn nyaa, ka wɔa Dɛnaa Yezu Krita barka nɛ, da ǹ màn kɔ́n ba boe la, a Lawa kurəə bɛa zɛnaa ganaa wa.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Korɛnti2 11:18

Bɛ̀ gialakunun tá n dinin laakalɛɛ ǹ minbuiinbaa ǹ siin lɛa, ma dɔ n die ma din laakalɛɛ.

Galaasi minin 5:25

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Galaasi minin 6:16

Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Filipi minin 3:12

Ma bie pii máa má dɔ maa dí mìi ganaa, máa maa sii lɛ pã gɔrɔ wa koe. Sɛnɛ, man tɔn woe nyɛɛnɛ, ma nə n wen wɛɛ, máa yǎa ma lui ma kuĩ, a giala mà Yezu Krita ma dɔ kũ.

Filipi minin 3:14

Bɛ lɛ nɛ, ma á baa sii maa dí mìi ganaa, ń giɛ ma á baa si ǹ saraa yii, Lawa bɛ́ wɔ bíi, mà wɔ da ǹ mɛn lɛ si lon, Yezu Krita pàã ganaa.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.