Ɛsidrasi 9:8 - LAWA A BOO SONBORE 2011

⁸ Sɛnɛ kanna, wɔa Lawa, Dɛnaa Lawa bǐɛ̃ kɔ wɔ ganaa biikoo boɛɛn gɔ́ɔ̃ nɛ, á toa wɔ gialakunun nə́ kanbaa. Ka bɛ dɔ nɛ, á giã ǹ bǎã kɔ wɔ la a bǎã sonbore kɛ nɛ, màn mɛn bɛ́ toɛ a wɔ yii toɛ̃, a yii-nyɛɛ boɛɛn kɔ wɔ la, wɔa bɛ̀rɛbaa lɛ gɔ́ɔ̃ nɛ.

LAWA A BOO SONBORE

⁸ Sɛnɛ kanna, wɔa Lawa, Dɛnaa Lawa bǐɛ̃ kɔ wɔ ganaa biikoo boɛɛn gɔ́ɔ̃ nɛ, á toa wɔ gialakunun nə́ kanbaa. Ka bɛ dɔ nɛ, á giã ǹ bǎã kɔ wɔ la a bǎã sonbore kɛ nɛ, màn mɛn bɛ́ toɛ a wɔ yii toɛ̃, a yii-nyɛɛ boɛɛn kɔ wɔ la, wɔa bɛ̀rɛbaa lɛ gɔ́ɔ̃ nɛ.

Ɛsidrasi 9:8 ပူးပေါင်းရင်းမြစ်များ

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

Ɛsidrasi 9:9

A giala, wɔ n bɛ̀rɛn lɛa, sɛnɛ Lawa nə n gɔn bɔ wɔ ganaa wɔa bɛ̀rɛbaa lɛ gɔ́ɔ̃-n wa. Pɛrsi kiin nyɛɛnɛ, n bǐɛ̃ kɔ wɔ ganaa, n susui kɔ wɔ la, màn mɛn bɛ́ toɛ wɔ wɔa Lawa a kion lɛ dɔ, wɔ a kɛbɔlɔ saa wɔ da lon. N wɔ tamaa ǹ kungɔn kɔ wɔ la Zudaa gána laanka Zeruzalɛmu kiwi.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 9:31

N makara gole lɛ gɔ́ɔ̃ nɛ, n nə n gɔn bɔ ǹ ganaa, ǹ nə́ bɔ̀n baa wa, n nə ǹ toa walan wa, a giala n nə Lawa lɛa, bǐɛ̃ zɛnɛɛ, min makara doɛ̃.

Zɔbu 33:30

A n zɛnɛɛ, a tá a kanbiɛ yala ganaa, a n yiikoonaabaa ǹ tɛ fúlu kiɛ a ganaa.

Loen 13:3

Man die n gɔ́ɔ̃ bii yǎa biĩ? Foo ziziɛ̃ kɛ n ma ganaa baraabaraa? Man die goɛ̃ maa zɔ́ɔn kɛn gɔn kɛnɛn yǎa biĩ?

Loen 13:4

Ga le, Dɛnaa Lawa, maa Lawa! Bǐɛ̃ kɔ n maa nyankɔ si. Pàã boɛɛn kɔ ma la, màn mɛn bɛ́ toɛ ma baran gã wa.

Loen 138:7

Ta man nɔmaa bii, n din nə ma kanbiɛ, n tá maa zɔ́ɔn kɛn foo-busii toɛ ǹ gɔ́ɔ̃ nɛ. N din tá re ma kirisibiɛ, ka n din pàã nɛ.

Loen 34:5

Má lɛ dia Dɛnaa Lawa la, á n nyəə ma la, á ma kirisibaa maa nyɛ́ɛ tumaa ganaa.

Loen 85:6

N foo die busi wɔ li miɛ̃ biikoo tumaa li, n foo n yoo-n wɔ li yǎa duduu?

Suusun 29:13

Doobaa nɛ ka min mɛn bɛ́ mɛnɛɛ doobaa la, sii goon nə ǹ doɛ kɔn: Dɛnaa Lawa yii nànan kɔ ǹ dinin paanan la.

Boo-laakalaali 12:11

Sii-dɔ̃lin boon man ka tɔɔn loo ǹ kiɛn bɛ́ lɔn, man ka tɔɔn gama walan wolen gɔnɔn dere tán nɛ, tɔɔ-lɛduə̃li goon dinsɔɔ̃ na á ǹ wɔ.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 14:3

Izirayeli, ǹ kɔn pinaa, Dɛnaa Lawa á re susui koe n la n nɔmaa damata kɛ laanka n bɛ̀rɛbaa kɛ kio.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Zeremii 44:14

Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

Ezekieli 14:22

Sɛnɛ, min gialakunun yii á re goɛ̃ koo, giĩn laanka lɔn nɛ. Ǹ tá re ǹ wɛɛ ǹ nə ǹ bɔ kiwi lɛ gɔ́ɔ̃ nɛ, ǹ tá re die ka yiɛ bɛ̀rɛbaa ǹ bǎã nɛ. Ka die ka ga ǹ giã ǹ gɔn laanka ǹ zɛnaa ǹ sii ganaa. Bɛa biikoo li, ma dɔlɔ gole mɛn laanka sii mɛn tumaa da Zeruzalɛmu mìi ni, ka foo á re basɛ̃.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Zakarii 10:4

Kiã tɔrɔ tumaa n die boe Zudaa gána nɛ, pàã nə́ ǹ tɛnɛn lon ka kion giala daa ǹ kɔlɔn bɛ́ lɔn, ǹ tɛnɛn nə́ paraa-n tán ka zìã kion a kiɛn bɛ́ lɔn, gialakunun man kaka ka ziabaa ǹ sa bɛ́ lɔn.

Zakarii 8:12

Là nyantoro n die goɛ̃ a tan, *rezɛ̃ dan tá re nɛ koe, tán kɔsiɛ̃ mànan tá re bǐɛ̃ koe, pele á re koe. Maa zaman lɛ a min mɛnɛn yii goã koo, man die ǹ koe bɛn la kíɛ̃ lɛa.

Zakarii 8:6

Dɛnaa Lawa Pàãyiidɛnaa a da ǹ boo á ke: «Bɛ̀ bɛ á kaãbaa ǹ sii lɛa Izirayeli minin gialakunun kɛn yii li, a kaãbaa ǹ sii lɛa masɛ Dɛnaa Lawa Pàãyiidɛnaa yii li wa. Dɛnaa Lawa Pàãyiidɛnaa a da ǹ boo ne.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Sii-nyaan 3:12

Min mɛn bɛ́ re gɔ̀lɔ̀ biɛ, bìbì bɛ́ Lawa a kion li lɔn, a tá re goɛ̃ Lawa a kion miɛ̃, a ba re soe a n bɔ a-n duduu wa. Ma á re maa Lawa tɔ kiɛ̃ a ganaa. Ma á re ma din tɔ dii kɛ kiɛ̃ a ganaa. Ma á re Zeruzalɛmu dii kɛ tɔ kiɛ̃ a ganaa, asɛ kiwi mɛn bɛ́ maa Lawa a giã ǹ bǎã lɛa, á bɔ lon maa Lawa li á gisĩ tán.

Samayeli1 14:27

Sɛnɛ, Zonaatan ǹ di liɛ mɛn wɔ á da zaman lɛ bɔlɔ-a, Zonaatan sɛ goã á bɛ ma wa. Bàlà mɛn goã a gɔn, á saa, a ná a mui sã zoo nyɔɔ lɛ li, á tele ne a lɛ-a á bii, bɛ dɔ nə́ n baa a yii a toɛ̃ lɛa.

Samayeli1 14:29

Zonaatan tɔ́n na a lɛ si: «Maa díi na á bɔ̀n da gána lɛ ganaa. Ma zoo kɛ lɛ a boɛɛn nɛ̀n da lɔn, ka ga ma yii toɛ̃ lɔn dɛ.