Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛsidrasi 9:6 - LAWA A BOO SONBORE 2011

6 má pɛ nɛ: – Maa Lawa, ma yiri lɔlɔkɔnmaa nɛ. E maa Lawa, sìi dɔ n ma ganaa man yɔrɔ saa ma dia n la. A giala, wɔa sãn lɛn nə́ kaa kɔn la wɔ mìi ni, wɔ zɛ̀rɛ dɔ gole kɔ yǎa á dɔ lon.

အခန်းကိုကြည့်ပါ။ ကော်ပီ

LAWA A BOO SONBORE

6 má pɛ nɛ: – Maa Lawa, ma yiri lɔlɔkɔnmaa nɛ. E maa Lawa, sìi dɔ n ma ganaa man yɔrɔ saa ma dia n la. A giala, wɔa sãn lɛn nə́ kaa kɔn la wɔ mìi ni, wɔ zɛ̀rɛ dɔ gole kɔ yǎa á dɔ lon.

အခန်းကိုကြည့်ပါ။ ကော်ပီ




Ɛsidrasi 9:6
27 ပူးပေါင်းရင်းမြစ်များ  

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.


bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»


Bɛa kiwi lɛ nɛ, Dɛnaa Lawa a boo gii-dali goon tan a tɔ n Odɛdi. Á woo n da Izirayeli a sɔraasin lɛn lɛ, bɛ̀ ǹ bɛ́ die Samarii. Á pɛ sɔraasin lɛn manɛ: «Dɛnaa Lawa, ka digolon Lawa foo na á goã yoo-n Zudaa minin li, bɛ lɛ nɛ á ǹ wɔ ka gɔn. Sɛnɛ, ka ǹ dɛ ka kakaarɛbaa nɛ á la yii ni, yǎa á dɔ lon.


Sii mɛn yii wɔ yɛ, wɔa nya ǹ dí baraan lɛn laanka wɔa zɛ̀rɛ gole lɛ taman yii ni. A laanka bɛ yii ni, wɔa Lawa, n dɔlɔ bɔ wɔ ganaa á dɔ wɔa sii baraan lɛn dɔlɔ bɔ ǹ bǎã-n wa. N toa wɔa zaman lɛ a gialakun kɛ yii goã koo.


Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.


N yii bũ, ǹ nə n too kɔ maa nyankɔ ganaa. Biikoo kɛ gɔ́ɔ̃ nɛ, penleen laanka tèlò ne, ma nə n nyankoe, n dí-nyalin, Izirayeli minin lɛn lɛa: wɔ sii baraan mɛnɛn zɛnaa, ma nə n nyankoe, n bɛn toa wɔ nɛ. Wɔ́ sii baraa zɛnaa, ma laanka ma dikion minin ni.


«Kaa, ma mìi á kiɛɛrɛ bɛ ganaa. Man die n lɛ sii mà wàa? Man die n gɔn koe ma lɛ lɛ.


Bɛ lɛ nɛ, ma nə n gɔ́ɔ̃ bii maa da ǹ boon lɛ-a, man lɛ koe maa san ganaa ma á n gɔ́ɔ̃ bii, ma giã tan tii laanka ton li foo ziziɛ̃ gɔn.


Ma paǹ kɔn din ba kooro doo wa, n foo a yoo lɛ taman yii, ma we kɔn din ba siĩn doo wa, maa sii baraa lɛ taman yii.


A giala, maa sãn lɛn nə́ la ma din ni sisia. Maǹ ka guĩ guguru bɛ́ lɔn, ǹ nə́ guguru kɔ ma-a á la yii ni.


Muizu wusoo bɛa yɔrɔ kɛ lɛ la, á woo Dɛnaa li, á pɛ nɛ: «Dɛnaa, kaarɛ! Zaman kɛ na á sii baraa gole taãn-taãn zɛnaa. Maǹ nə́ lawa zɛnaa ka sana nɛ ǹ dinin manɛ.


Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.


Taãn nɛ, wɔa siɛ̃n nə́ mɔnaa n yɔrɔ-a. Wɔa sii baraan man wɔ zɛ̀rɛ biɛ. Wɔ nə n taasɛ ka wɔa sã ǹ siin kɛn nɛ biikoo yii li. Taãn nɛ, wɔ á wɔa siɛ̃n doɛ̃.


Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.


Taãn nɛ, wɔ́ n wɔlɔ lui n ganaa. Sɛnɛ sisia, bɛ n busi wɔ ganaa. Wɔ́ wɔa sãn dɔ̃, wɔ́ na ǹ nɛ kanna. Wɔa yii gugurubaa nya, sìi nə n kɔ wɔ lɛ. Sonbore, wɔ́ sii baraa zɛnaa wɔa tenmaa waáraa. Bɛa nɔmaa n ke wɔ gialaa.»


Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.


Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.


Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.


Wɔ n wɔ́ sii baraa zɛnaa, wɔ n piã n nɛ. Nsɛ, n wɔa sãn toa wɔ-n wa.


Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.


Ǹ dinin tá re golee ǹ laanka ǹ digolon lɛn sii baraan li, ǹ bɔ ǹ lɛ-n ǹ pɛ, mà ǹsɛn nə́ sã masɛ ganaa, ǹ nə́ yɔ bɔ masɛ ganaa.


Nɛgiĩ lɛ pɛ: «Díi, masɛ wɔ Lawa lon, ma wɔ n dɔ lon. Masɛ din ba siĩn doo n ma bíi mà n nɛ wa.»


Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»


Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.


A giala a sii baraan lɛn nə́ kaa kɔn la, ǹ nə́ dɔ lon. Lawa yiri a boe ka a sii kɔkɔrɔn kɛn nɛ wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ