Ɛsidrasi 7:14 - LAWA A BOO SONBORE 2011

¹⁴ Sonbore, kii lɛ laanka a yiri kɔmala wole min sɔbaa kɛ nə n diɛ, mà n wo nɔ̀n dada ka Zudaa gána laanka Zeruzalɛmu kiwi a siin ni, bɛ̀ ǹ tá koe Dɛnaa Lawa a dí-pɛn kɛn lɛ n gɔn.

LAWA A BOO SONBORE

¹⁴ Sonbore, kii lɛ laanka a yiri kɔmala wole min sɔbaa kɛ nə n diɛ, mà n wo nɔ̀n dada ka Zudaa gána laanka Zeruzalɛmu kiwi a siin ni, bɛ̀ ǹ tá koe Dɛnaa Lawa a dí-pɛn kɛn lɛ n gɔn.

Ɛsidrasi 7:14 ပူးပေါင်းရင်းမြစ်များ

Ɛsidrasi 1:3

Dien man Lawa a zaman lɛ a minin lɛa kun ka nɛ? Ǹ dɛnan die ǹ wo Zeruzalɛmu, Zudaa gána nɛ, ǹ Izirayeli a Lawa, Dɛnaa Lawa a kion lɛ dɔ. Kaa Lawa ke Zeruzalɛmu bɛ die a goã kun ka nɛ.

Ɛsidrasi 5:8

Wɔ n giɛ li, wáa n dɔ̃, wáa wɔ́ woo Lawa gole a kion Zudaa gána nɛ. Zuifun lɛn tá a gialaa kion lɛ doe ka kɔlɔ dadaran nɛ, ǹ nə́ gɔnɔn kaa a kungɔnɔn nɛ. Ǹ wen tá waa nɛ dí lɛ li, dí lɛ dɔ á tɔ we ǹ gɔn.

Ɛsidrasi 6:12

Kii hinlaa tɔrɔ mɛn tumaa bɛ́ re bɔlɔ tii, ǹ nə n gɔn saa ǹ Lawa a kion kɛ ziziɛ̃ nɛ Zeruzalɛmu, Lawa mɛn lɛ á ke á kànaa bɔ a giã ǹ bǎã lɛa, bɛ die a ǹ yii tumaa bɔ a ǹ kaa. Masɛ Dariusu n má boo da, a die a n zɛnaa miɛ̃ lɛ n ka te!»

Ɛsidrasi 6:8

Ka bɛ́ re sii mɛn zɛnɛɛ bɛa Zuifun min golen lɛn manɛ, Lawa a kion lɛ a dɔ gɔ́ɔ̃ nɛ, bɛ wɔ paǹ li, maa boo á ke: min mɛnɛn bɛ́ Efrati tà a lɛ̀nyɛɛn gɔn la, bɛn bɛ́ nyin giɔ̀mɔ mɛn sarɛɛ, á n doe kii ganaa, bɛa kii gɔn màn kɛ lɛ nɛ, ǹ tá re boe ǹ bɛa minin kɛn lɛn guĩ saa nɛ doɛ̃ sɔnbɔraanɛ, ǹ nə́ ǹ ba a bɔ lɛ diɛ wa.

Ɛsidrasi 7:15

Bɛ kio, kii laanka a yiri kɔmala wolen nə bɔ ǹ dinin ni, ǹ nə́ wɔrɔ laanka sana mɛn bɔ, ń die n wo bɛ kɔ Izirayeli a Lawa la, ǹ mɛn lɛ a kion bɛ́ Zeruzalɛmu.

Ɛsidrasi 7:28

A din kɛ lɛ dɔ na á bǐɛ̃ kɔ ma ganaa kii yɔrɔ-a, ka kii a yiri kɔmala wolen laanka a kiodɛnaa dadaran nɛ. Maa Lawa, Dɛnaa Lawa mɛn goã kun ka ma nɛ, bɛ bɛ́ á foo tãbaa kɔ ma la, má Izirayeli a nyɛɛnaandɛnan sɔkɔn màn mɛn bɛ́ toɛ, ǹ wo kun ma nɛ.

Ɛsidrasi 8:25

Sana mɛn nə n bɔ, wɔrɔ laanka mànan mɛnɛn nə n bɔ wɔa Lawa a kion lɛ wɔ lɛa, má bɛn zɔɔ̃ ǹ yɔrɔ-a. Kii laanka a yiri kɔmala wolen man nə́ bɛa mànan kɛn lɛn bɔ, kun ka kii a nyɛɛnaandɛnan nɛ, ka min mɛnɛn tumaa goã ǹ tan Izirayeli minin lɛa.

Ɛsit 1:14

Karsenaa nɛ, Setaara nɛ, Admaataa nɛ, Tarsiisi ni, Merɛzi ni, Marsenaa nɛ, ka Memukan nɛ, bɛn man Pɛrsi gána laanka Mɛdi gána a kii kiodɛnan min sɔbaa lɛa. Ǹsɛn lɛn man mɔrɛɛ-n kii lɛ ganaa, nyɛɛnaandɛnan lɛa.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 6:20

Lɛ̀ din waa lɔn, kii yoo baayɛlɛ yiisoone, á woo yàran yala lɛ lɛ-a ka baa nɛ.

Danayeli sɛ́wɔ 6:26

Bɛ kio kəni, kii tɔ́n sɛ́wɔ kiɛ̃ á dia kanaa paǹ tumaa nɛ, tɔrɔ tumaa a minin la, gána tumaa a minin ni, ka bɔlɔ woo bɔlɔ a pɛlen ne, á pɛ kɛnɛn: «Là nyantoro gole die a giã ka li!

Zakarii 6:10

«Wo bɛ̀rɛbaa ǹ bǎã wolen nə bǐɛ̃baa ǹ mànan mɛnɛn kɔ Ɛldayii laanka Tobia ka Yedayaa la, lɛ kɔ bɛn ganaa. Maǹ boe *Baabilonii ǹ nə́ daa. Pelo dinin, n tá re woe Sefania a nɛgiĩ Zozia li, ǹ dɔn nə goã ǹ nə́ woo maa lɛn.