Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛsidrasi 5:12 - LAWA A BOO SONBORE 2011

12 Sɛnɛ, wɔsɛn digolon lɛn bɛ́ ǹ nə́ lon a Lawa foo yoo, a na á ǹ wɔ *Baabilonii gána a kii, Nebukadenezɔɔrɔ kɛ gɔn. Bɛ́ kion lɛ wuru, á zaman lɛ goa á woo ne bɛ̀rɛbaa ǹ bǎã nɛ, Baabilonii gána nɛ.

အခန်းကိုကြည့်ပါ။ ကော်ပီ

LAWA A BOO SONBORE

12 Sɛnɛ, wɔsɛn digolon lɛn bɛ́ ǹ nə́ lon a Lawa foo yoo, a na á ǹ wɔ *Baabilonii gána a kii, Nebukadenezɔɔrɔ kɛ gɔn. Bɛ́ kion lɛ wuru, á zaman lɛ goa á woo ne bɛ̀rɛbaa ǹ bǎã nɛ, Baabilonii gána nɛ.

အခန်းကိုကြည့်ပါ။ ကော်ပီ




Ɛsidrasi 5:12
28 ပူးပေါင်းရင်းမြစ်များ  

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.


Sedekiasi a kiibaa lɛ̀ manangɔrɔbaa ǹ wɔ, lɛ̀ a mui a fùbaa ǹ wɔ a lɛawaa fù, *Baabilonii gána a kii Nebukadenezɔɔrɔ daa Zeruzalɛmu kiwi gialaa, kun ka a zia-baalin tumaa nɛ. Á giã kiwi lɛ yɔrɔ-a, ǹ nə́ bèlèn dɔ, ǹ nə́ kiwi lɛ lɛnpɛnɛ nɛ.


Gɔya sa bɛ́ á min mɛnɛn tumaa kaa bii, ǹ nə́ bɛn goa ǹ nə́ woo ǹ ne Baabilonii. Bɛn man a din laanka a nɛgiĩn bɛ̀rɛn lɛa, yǎa Pɛrsin kii daa pàã saa.


Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.


Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.


Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?


Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.


Baabiloniin kii Nebukadenezɔɔrɔ a kiibaa lɛ̀ fulumanangɔrɔbaa ǹ wɔ a mui soorobaa ǹ wɔ a lɛawaa fùbaa ǹ wɔ pinaa, Nabuzaradan wɔ Zeruzalɛmu. Baabiloniin kii-lɛduə̃lin goledɛnaa nɛ. A na á goã kun ka kii lɛa min yii guguru-an nɛ.


Wɔ́ sii baraa zɛnaa, wɔ́ kɔkɔrɔbaa ǹ sii zɛnaa. Wɔ́ baraabaa zɛnaa, wɔ́ n gòãn dii Lawa ganaa, wɔ́ kanaa wɔ́ n bɔ n dí pɛ ǹ boon laanka n sii yɔrɔ bɔ ǹ boon kɛn kio.


Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»


Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?


Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.


Bɛ lɛ nɛ, Dɛnaa Lawa nə́ ǹ wɔ Kanaan kii Zabɛn kɛ gɔn, giã-n Asɔɔrɔ kiwi. A zia-baalin goledɛnaa na á goã ka Sizeraa nɛ. Bɛ na á goã giã-n Arosɛti-Goyimu.


Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Bɛ lɛ nɛ, Dɛnaa Lawa tɔ́n nə ǹ kɔ Madiã minin la, lɛ̀ sɔbaa gɔ́ɔ̃ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ