Ɛsidrasi 4:12 - LAWA A BOO SONBORE 2011

¹² Wɔ doamaa nɛ, wɔ a boo da n nɛ kii. Zuifun mɛnɛn nə n toa n li, ǹ nə́ daa dɔ wɔ bii Zeruzalɛmu, ǹ tá a gialaa kiwi piã-wɔle, kakaarɛ lɛ doe, ǹ ná a kungɔnun zɛnɛɛ ka a giala wɔ ǹ bǎã nɛ.

LAWA A BOO SONBORE

¹² Wɔ doamaa nɛ, wɔ a boo da n nɛ kii. Zuifun mɛnɛn nə n toa n li, ǹ nə́ daa dɔ wɔ bii Zeruzalɛmu, ǹ tá a gialaa kiwi piã-wɔle, kakaarɛ lɛ doe, ǹ ná a kungɔnun zɛnɛɛ ka a giala wɔ ǹ bǎã nɛ.

Ɛsidrasi 4:12 ပူးပေါင်းရင်းမြစ်များ

Kiin2 18:20

Ma n pii mà lɛ gɔ́ɔ̃ ǹ boo kooro n zia da ǹ yiri laanka zia da ǹ pàã biɛ? Sisia, manə n foo doɛ die ganaa n tá n gòãn dii masɛ ganaa?

Kiin2 24:1

Zoakiimu a biikoo li, *Baabilonii gána a kii Nebukadenezɔɔrɔ soo á woo ziabaa kɔn ka Zoakiimu ni. Zoakiimu ná a wɔ da Nebukadenezɔɔrɔ wɔ gɔ́ɔ̃ nɛ lɛ̀ sɔɔ. Bɛ kio, Zoakiimu nə́ n bɔlɔ bɔyaa, á n gòãn dii Nebukadenezɔɔrɔ ganaa.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Ɛsidrasi 4:11

Ǹ sɛ́wɔ mɛn lɛ dia la, a boo á ke: «Kii Artagizɛrɛsɛɛsi, ǹ dí-nyalin kɛn Efrati tà a lɛ̀nyɛɛn gɔn la, bɛn man kɛ koe n la.

Ɛsidrasi 4:15

màn mɛn bɛ́ toɛ, ǹ sii gɔsɛ ǹ ga a woo ǹ bǎã li, n din digolon boo zizin sɛ́wɔ kɛ nɛ. Bɛa sɛ́wɔ lɛ nɛ, n tá re yii, mà kiwi kɛ lɛ n kiwi piã-wɔle lɛa, kiin laanka gána a bǎãn sii ziziɛ̃. A kũ biikoo sɔsɔɔ ganaa, maǹ gòãn dii ǹ siin zɛnɛɛ a nɛ. Bɛ lɛ nɛ ǹ nə́ bɛa kiwi kɛ lɛ yu, ǹ nə́ ziziɛ̃.

Ɛsidrasi 4:19

Má pɛ máa ǹ sii lɛ gɔsɛ ǹ ga a woo ǹ bǎã li. Ǹ nə́ yɛ, mà a kũ biikoo sɔsɔɔ ganaa, mà kiwi kɛ lɛ n yui kiin gialaa, mà a dí n ka gòãn-dii ni.

Ɛsidrasi 5:3

Bɛa biikoo lɛ li, Tatenayii mɛn bɛ́, Efrati tà a lɛ̀nyɛɛn gɔn la a pàãdɛnaa lɛa, bɛ nɛ, ka Setara-Bozinayii ni, ka ǹ miãn nɛ, ǹ nə́ daa Zuifun lɛn yaa, ǹ nə́ tɔ́n nɔ̀n da ǹ la: «Die na á pɛ ka nɛ, mà ka kion kɛ dɔ ka a kungɔnun zɛnaa?

Ɛsidrasi 5:9

Wɔ́ tɔ́n boo da ka bɛa min golen lɛn nɛ, wɔ́ nɔ̀n da ǹ la: «Die na á pɛ ka nɛ, mà ka kion kɛ dɔ, ka a kungɔnun zɛnaa?»

Nehemii 1:3

Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Nehemii 6:6

A na á goã kiɛ̃-n sɛ́wɔ lɛ nɛ: «Tɔrɔn bii, wɔ tá miɛ minin lɛ-n, Gasimu dɔ́ pɛ, mà n din laanka Zuifun lɛn nɛ, ka gɔ́ɔ̃ na a ganaa ka n gòãn dii, bɛ lɛ nɛ n tá wusii kungɔn lɛ doe. Ǹ tá pii mà n din nə die ǹ kii biɛ.

Ɛsit 3:8

Haman tɔ́n pɛ kii Zɛrzɛsi ni: «Tɔrɔ lɛ kɔn tan a ba goon ka ǹ miãn nɛ wa. Bɛa tɔrɔ lɛ a minin tá ǹ mìi ni pɛsiɛ̃ nɛ tɔrɔn bii n gána lɛ a bǎãn tumaa nɛ. Ǹ sii zɛnaa ǹ gɔnɔn ba goon ka tɔrɔ kɔn wɔn nɛ wa, ǹ ba kii lɛ bɔlɔ sii wa. Bɛ̀ kii lɛ nə́ ǹ toa walan kiĩn ni, a là ba a-n wa.

Zeremii 52:3

Siin mɛnɛn nə n zɛnaa Zeruzalɛmu laanka Zudaa gána nɛ, bɛn nə́ Dɛnaa Lawa foo yoo parsiini. Bɛ lɛ nɛ, a ná a zaman lɛ zũ sɔsɔɔ a din ganaa. Á n gòãn dii *Baabiloniin kii Nebukadenezɔɔrɔ ganaa.

Danayeli sɛ́wɔ 3:8

Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.

Danayeli sɛ́wɔ 9:25

Bɛ lɛ nɛ, toa n kɛ dɔ̃ n na a giala ma: boo mɛn nə n da, mà ǹ wusoo ǹ da Zeruzalɛmu kiwi lɛ dɔ, a saa bɛa boo lɛ a diɛ ganaa, a da kaa goledɛnaa kɛ a daa lɛ, Lawa pɛ mà asɛ á re diɛ, lɛ̀ sɔbaa wɔlɔ sɔbaa nɛ. Bɛ kio, lɛ̀ sɔbaa wɔlɔ pɔsɔrɔwenpaa, Zeruzalɛmu kiwi kɛ laanka a kungɔn tɔn nə n dɔ. Sɛnɛ, bɛa biikoo lɛ n die goɛ̃ kaka.

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Nya ǹ dín 24:5

Wɔsɛn man wɔ́ yɛ wáa giĩ kɛ lɛ n zaman lɔlɔkɔn wole lɛa. Zuifun tá bǎã woo bǎã nɛ, a n boe ǹ li a tá ǹ sɔsɔmɛ. Nazarɛtin giĩ kɛ a zii dii kɛ lɛ a kɔmalɛ wole nyɛɛnaandɛnaa goon ne.

Tesaloniki1 5:22

Ka n bɔ sii baraa tɔrɔ tumaa nɛ.