Ɛsidrasi 10:18 - LAWA A BOO SONBORE 2011

¹⁸ Lawa a wúlu-bɔlen bii, ǹ min mɛnɛn yɛ, ǹ nə́ tɔrɔ kɔsɔn wɔ lɔn lɛa, bɛn tɔn nə́ ke: Zozadaaki a nɛgiĩ Zozoe a nɛgiĩn manɛ, ka ǹ dɔɔ̃nɔn nɛ, Maaseya nɛ, Eliezɛɛrɛ nɛ, Yaribu ni, ka Gedalia nɛ.

LAWA A BOO SONBORE

¹⁸ Lawa a wúlu-bɔlen bii, ǹ min mɛnɛn yɛ, ǹ nə́ tɔrɔ kɔsɔn wɔ lɔn lɛa, bɛn tɔn nə́ ke: Zozadaaki a nɛgiĩ Zozoe a nɛgiĩn manɛ, ka ǹ dɔɔ̃nɔn nɛ, Maaseya nɛ, Eliezɛɛrɛ nɛ, Yaribu ni, ka Gedalia nɛ.

Ɛsidrasi 10:18 ပူးပေါင်းရင်းမြစ်များ

Ɛsidrasi 10:17

Lɛ̀ a mui bibinaa a giala kɔ pinaa, giĩn mɛnɛn tumaa goã ǹ nə́ tɔrɔ kɔsɔn goa lɔn lɛa, ǹ nə́ nya ka bɛn sii lɛ a yɔrɔ bɔ nɛ.

Ɛsidrasi 2:2

Maǹ nə́ daa kun ka Zorobaabɛli ni, Zozoe ne, Neyemiã nɛ, Seraya nɛ, Relaya nɛ, Mardoose ne, Mispara nɛ, Bigwayii ni, Rewumu ni, ka Baanaa nɛ. Izirayeli tɔrɔn lɛn giĩn lɛ á ke:

Ɛsidrasi 2:36

Lawa a wúlu-bɔlen kɛn, Yedayaa a tanlɛ minin lɛa Zozoe tɔrɔn lɛa: min biɛmanangɔrɔ ka pɔsɔbaawensɔɔ (973).

Ɛsidrasi 3:2

Zozadaaki a nɛgiĩ Zozoe laanka ǹ miã wúlu-bɔlen ne, ka Salatieli a nɛgiĩ Zorobabeli laanka ǹ dɔɔ̃nɔn nɛ, ǹ nə́ yoo kun ǹ nə́ Izirayeli a Lawa a *wúlu bɔ ǹ bǎã lɛ dɔ, ǹ nə́ wúlu mànan tã la, ka a bɛ́ kiɛ̃ nɛ Lawa a min Muizu a dí-pɛn sɛ́wɔ kɛ-n lɔn.

Ɛsidrasi 3:8

Bɛ kio, ǹ dɔ lɛ̀ paa a mui a paabaa ǹ wɔ Lawa a kion lɛ li Zeruzalɛmu, Salatieli a nɛgiĩ Zorobabeli ni, ka Zozadaaki a nɛgiĩ Zozoe ne, kun ka ǹ dinin miã Lawa a wúlu-bɔle gialakunun ni, *Levii tɔrɔn nɛ, ka min mɛnɛn nə bɔ bɛ̀rɛbaa ǹ bǎã nɛ ǹ nə́ daa Zeruzalɛmu, ǹ nə́ dí lɛ giala kɔ. Levii tɔrɔn min mɛnɛn nə dɔ lɛ̀ fuə, ka lɛ̀ fuə ka kio ne, ǹ nə́ bɛn kaa Dɛnaa Lawa a kion dí lɛ a ga ma walan ganaa.

Ɛsidrasi 5:2

Salatieli a nɛgiĩ Zorobabeli laanka Zozadaaki a nɛgiĩ Zozoe tɔ́n yoo ǹ nə́ kaa Lawa a kion lɛ a dɔ la Zeruzalɛmu. Lawa a boo gii-dalin nə́ goã kunun ǹ ni, n doe ǹ lɛ.

Ɛsidrasi 9:1

Bɛ bɛ́ á n zɛnaa á nya, zaman lɛ a nyɛɛnaandɛnan nə́ daa dɔ ma li, ǹ nə́ pɛ ma-n kɛnɛn: «Izirayeli a zaman lɛ nɛ, Lawa a wúlu-bɔlen lɛn nɛ, *Levii tɔrɔn lɛn nɛ, ǹ nə n na, ǹ nə́ n bɔ gána lɛ a minin ganaa wa. Kanaan minin ni, Ɛti minin ni, Perɛzi minin ni, Zebuzu minin ni, Amɔn tɔrɔn nɛ, Moabu minin ni, Ezipti minin ni, ka Amɔɔrɔ minin ni, bɛn bɛ́ sii bɔbɔnɛɛn mɛnɛn zɛnɛɛ, ǹ dɔn man koe bɛn lɛn lɛ, ǹ tá ǹ zɛnɛɛ.

Ɛsidrasi 9:2

A giala, ǹ laanka ǹ nɛgiĩn nə́ bɛa minin lɛn nɛlɔn wɔ lɔn lɛa, ǹ nə́ Lawa a tɔrɔ yii gɔgɔɔ̃ lɛ lɔlɔkɔn bɛa yɔrɔ lɛ la ka bɛa gánan kɛn lɛn minin ni. Ǹ goledɛnan laanka minin nyɛɛnaan-bɔlen man nə́ n gòãn kaa bɛa sii baraa kɛ lɛ nɛ bibinaa nɛ.»

Nehemii 12:10

Zozoe na á Zozakimu yɛ, Zozakimu na á Eliasibu yɛ, Eliasibu dɔ na á Zozadaa yɛ.

Nehemii 13:28

Zozadaa tɔrɔ goon ne, wúlu-bɔlen kiã Eliasibu a nɔ̀ɔn lɛa, bɛ na á goã Horɔn min Sanbalaa kɛ daãgiĩ lɛa. Má loo má bɔ ma li ka sɔsɔɔ.

Nehemii 8:4

Landa sii-daraali Ɛsidrasi lɛ na á goã gɔn banbaran la lon. Bɛa gɔn banbaran lɛ ná n da bii-a sii lɛ taman yii. Min mɛnɛn nə goã golee ne Ɛsidrasi lɛ genli, bɛn nə́ ke: a gusin wɔlɔ-a, Matitia nɛ, Semaa nɛ, Anaaya nɛ, Uriya nɛ, Ilkiya nɛ, ka Maaseya nɛ. A gɔsɛ wɔlɔ-a, Pedayia nɛ, Misayeli ni, Malkiya nɛ, Hasmu ni, Hasibadanaa nɛ, Zekaria laanka Mesulaamu ni.

Nehemii 8:7

Zozoe ne, Banii ni, Serebia nɛ, Yamini ni, Akubu ni, Sabutayii ni, Hodiya nɛ, Maaseya nɛ, Kelitaa nɛ, Azaria nɛ, Zozabaadi ni, Haman nɛ, Pelaya nɛ, bɛa minin kɛn lɛn *Levii tɔrɔn lɛa, ǹ nə́ goã dí-pɛn sɛ́wɔ lɛ a boo yɔrɔ nyɛɛ zaman lɛ nɛ, bɛ̀ zaman lɛ tá golee ne a giala bǎã nɛ.

Zeremii 23:10

Gána lɛ piɛ̃maa-n ka naarɛbaalin ni. Lɛn baraa taman yii, gána lɛ n gɛ̀ koa gɔ́ɔ̃ nɛ. Gána lɛ a bɔmɔ bǎãn tumaa laa. Maǹ baa sii sii baraa ganaa. Sii mɛn bɛ́ a siĩ-n wa, ǹ foo n tã ka bɛa zɛnaa nɛ.

Zeremii 23:11

Lawa a boo gii-dalin laanka Lawa a wúlu-bɔlen man lɛ pii ǹ màn sii. Ǹ sii baraan mɛnɛn zɛnaa, bɛ lɛ á tɔn yii maa kion kɛ nɛ. Dɛnaa Lawa a da ǹ boo ne.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Ezekieli 44:22

Lɔ mɛn bɛ́ lɔ giɔɔrɔ lɛa, hinlaa ǹ mɛn zuũ bɛ́ á loo, ǹ nyan toa ǹ bɛ wɔ lɔ lɛa wa. Yǎa nɛniɛ mɛn bɛ́ a giĩ doɛ̃ wa, Izirayeli tɔrɔ lɛa. Wúlu-bɔle mɛn bɛ́ á gã, ǹ tá boe la dɔn ǹ bɛa lɔ saa.

Lawa a wúlu-bɔlen 21:7

Lɔ kɔrɔ nɛ, lɔ mɛn dɔ bɛ́ á saa lɛlɛ á giĩ kɔsɔ dɔ̃, ka ǹ mɛn dɔ bɛ́ ǹ zuũ loo, Lawa a wúlu-bɔle doamaa bie a bɛ kɔn saa lɔ lɛa wa. A giala, masɛ Lawa n má wúlu-bɔle lɛ bɔ má koa ma din a dí-nyali lɛa.

Azee 1:1

Dariyusu a koa kii lɛa lɛ̀ paabaa ǹ wɔ a mui sɔrɔbaa ǹ wɔ a lɛawaa bibinaa, Lawa a boo gii-dali Azee Dɛnaa Lawa a boo kɛ da Salatieli a nɛgiĩ Zudaan gánadɛnaa Zorobabeli ni ka Lawa a wúlu bɔlen goleedɛnaa Zozoe, Zozadaaki a nɛgiĩ ni, á pɛ:

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 3:1

Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.

Zakarii 6:11

Sana laanka wɔrɔ bɔ, n kii bafolo zɛnaa nɛ, n wɔ Zozadaaki a nɛgiĩ Lawa a wúlu-bɔle gole Yesuwa mìi ganaa.

Timote1 3:11

Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.