Ɛsidrasi 1:7 - LAWA A BOO SONBORE 2011

⁷ Nebukadenezɔɔrɔ goã, á Dɛnaa Lawa a kion mànan mɛnɛn goa Zeruzalɛmu á woo ǹ koa a dì kion, kii Siirusu wusoo á min da bɛa mànan lɛn si ganaa.

LAWA A BOO SONBORE

⁷ Nebukadenezɔɔrɔ goã, á Dɛnaa Lawa a kion mànan mɛnɛn goa Zeruzalɛmu á woo ǹ koa a dì kion, kii Siirusu wusoo á min da bɛa mànan lɛn si ganaa.

Ɛsidrasi 1:7 ပူးပေါင်းရင်းမြစ်များ

Kiin2 24:13

Ka Dɛnaa Lawa goã á pɛ lɔn, Baabilonii gána a kii lɛ Dɛnaa Lawa a kion lɛ a mànan yii goa ka kii a kion mànan nɛ. Izirayeli gána a kii Salomɔn goã, á sana mànan mɛnɛn zɛnaa Lawa a kion wɔ lɛa, á bɛ yii yɔyɔrɛ.

KZS2 36:10

Lɛ̀ a giala kɔ waáraa, Nebukadenezɔɔrɔ minin dia die Zoakini kuĩ woe ne Baabilonii kɔnlɛ ka Dɛnaa Lawa a kion màn sonboren kɛn nɛ. Á Zoakini n dɔɔ̃n Sedekiasi bɔ á koa kii lɛa Zeruzalɛmu laanka Zudaa.

KZS2 36:18

Á Lawa a kion lɛ a dí nya ǹ mànan tumaa goa á woo ǹ ne Baabilonii, a bɔnboɛɛnɛn ne, a dadaran nɛ, a gɔn mànan tumaa nɛ, kii gɔn mànan nɛ ka a gána nyɛɛnaandɛnan wɔn nɛ.

KZS2 36:7

Á Dɛnaa Lawa a kion mànan tɛnɛn goa á woo ǹ kaa a kii kion Baabilonii.

Ɛsidrasi 5:14

Ka bɛ dɔ nɛ, Lawa a kion a sana mànan laanka a wɔrɔ mànan kɛn, Nebukadenezɔɔrɔ goã á minin kaa ǹ goa ganaa Lawa a kion Zeruzalɛmu ǹ nə́ woo ǹ ne Baabilonii a dì kion, kii Siirusu minin kaa bɛn goa ganaa walan, ǹ nə́ ǹ kɔ Sesibasara la, Siirusu nə ǹ mɛn lɛ koa pàãdɛnaa lɛa.

Ɛsidrasi 6:5

Ka bɛ dɔ nɛ, Lawa a kion a sana mànan laanka a wɔrɔ mànan kɛn, Nebukadenezɔɔrɔ goã á minin kaa ǹ goa ganaa Lawa a kion Zeruzalɛmu, ǹ nə́ woo ǹ ne Baabilonii, bɛn tá re wusii ǹ nə n kɔ, ǹ gogoonmaa tá re woe a bǎã nɛ, Lawa a kion Zeruzalɛmu, a n koa Lawa a kion.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Danayeli sɛ́wɔ 1:2

Dɛnaa Zudaa tɔrɔn kii Zozakimu wɔ a gɔn kɔnlɛ ka Lawa a kion kɛ a dí nya ǹ mànan tɛnɛn nɛ. Nebukadenezɔɔrɔ daa ǹ nɛ Baabilonii gána nɛ, á mànan lɛn kaa a dì kion, a dì lɛ gɔn mànan tamaa ǹ bǎã nɛ.

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.