Ɛsidrasi 1:2 - LAWA A BOO SONBORE 2011

² mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

LAWA A BOO SONBORE

² mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Ɛsidrasi 1:2 ပူးပေါင်းရင်းမြစ်များ

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 2:12

Kanna kəni man die giĩ goon diɛ n la, dí yɔrɔ doɛ̃ parasiini, Uramu-Abii, a yiri tan parasiini.

Ɛsidrasi 1:5

Bɛ kio, Zudaa tɔrɔn laanka Bɛnzamɛn tɔrɔn kɛdɛnan nɛ, Lawa a wúlu-bɔlen laanka *Levii tɔrɔn nɛ, min mɛnɛn tumaa bɛ́ Lawa sii lɛ wɔ ǹ yiri ni, ǹ nə́ yoo ǹ nə́ woo, ń giɛ ǹ tá Dɛnaa Lawa a kion lɛ doe, Zeruzalɛmu.

Ɛsidrasi 3:7

Bɛ kio, ǹ nə́ wɔrɔ kɔ kɔlɔ-sɛlɛlin laanka gɔn dí-nyalin la. Màn-bii ni, mi ǹ mànan nɛ, ka nyɔɔ nɛ, ǹ nə́ bɛn dɔn kɔ Sidɔn minin laanka Tiiri minin la, màn mɛn bɛ́ toɛ, ǹ nə n toa Liban ǹ *sɛdrə gɔn kaa yìsi mu la, ǹ da nɛ yǎa Zafa kiwi, a kɔnpɛ ka Pɛrsi gána a kii Siirusu a zii kɔ ǹ la nɛ.

Ɛsidrasi 4:3

Sɛnɛ, Zorobabeli ni, Zozoe ne, ka Izirayeli a kɛdɛnan lɛn gialakunun ni, bɛn nə́ pɛ ǹ nɛ kɛnɛn: «A kɔnbɔ, ka laanka wɔsɛn nə kion dɔ kun wɔa Lawa wɔ lɛa wa. Wɔ dininsɔɔ̃nɔn doamaa nɛ wɔ kion dɔ Izirayeli a Lawa, Dɛnaa Lawa lɛ wɔ lɛa, ka Pɛrsi gána a kii Siirusu pɛ wɔsɛn man lɔn.»

Ɛsidrasi 5:15

Siirusu na á pɛ Sesibasara lɛ nɛ kɛnɛn: Mànan kɛn goa n wo ǹ kaa Lawa a kion Zeruzalɛmu. N die n wusoo, n Lawa a kion lɛ dɔ a lɛlɛ a bǎã nɛ.

Ɛsidrasi 6:10

Màn mɛn bɛ́ toɛ minin bɛ́ wúlu-mànan mɛnɛn koe, bɛ kɔɔ̃n kɔ lon a Lawa ganaa, ka bɛ dɔ nɛ, ǹ Lawa nyankɔ kii laanka a nɛnyaanan manɛ.

Ɛsidrasi 6:3

«Kii Siirusu a kiibaa lɛ̀ bibinaa li, á goã á boo da Lawa a kion kɛ wɔ gɔn la Zeruzalɛmu: kion lɛ n die wusii a n dɔ, a n baa bǎã lɛa, bǎã mɛn nə́ ke, ǹ nə́ Lawa a wúlu boe a nɛ. Ǹ die ǹ kion lɛ giala wɔ tán kaka. A wo lon die a goã mɛtərə pɔsɔɔ, a gùrù kunun dɔ goã mɛtərə pɔsɔɔ.

Ɛsidrasi 7:12

«Lawa a wúlu-bɔle Ɛsidrasi sɛ́wɔ-kiɛ̃li, lon a Lawa a dí-pɛn dɔ̃li, kiin kii Artagizɛrɛsɛɛsi n fòo diɛ n nɛ.

Nehemii 1:4

Ma bɛ́ má bɛa boon kɛn lɛn ma, ma foo ziziɛ̃, má giã tán, má wuu pɛ lɛawaa damata gɔ́ɔ̃ nɛ. Bɛ kio, má n lɛ sɔɔ má lon a Lawa nyankɔ.

Nehemii 1:5

Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.

Loen 136:26

Ka barka da lon a Lawa nɛ, a kɔn-narɛɛ a nyɛɛ duduu wa.

Loen 85:2

Dɛnaa Lawa, ń nə́ n minin-narɛɛ nyaa n gána lɛ nɛ. N din nə Zakɔba a nɛnyaanan bɔ bɛ̀rɛbaa nɛ, ǹ nə́ wusoo, ǹ nə́ daa.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Izayii 41:2

Die na á min kɛ da zii la boe lɛ̀giala-n die, a n kiri pepere we a bɔ ǹ bǎã tumaa nɛ? Die na á da zii la? Die n tɔrɔn we a gɔn? Die n kiin kiɛ a pàã giulun? A gɔya sa nə ǹ bɔyɛɛ a ǹ baa gusuũ lɛa, A sa nə ǹ kio lui ka piɛ̃ bɛ́ woe buu gere-n lɔn.

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Danayeli sɛ́wɔ 1:21

Bɛ lɛ nɛ Danayeli goã walan, yǎa kii Siirusu a pàã saa lɛ̀ bibinaa li.

Danayeli sɛ́wɔ 2:21

A din nə biikoon laanka siin koɛ kɔn la, A din nə kii koɛ, a din nə kii boe a bɔ kiibaa nɛ. A din nə sii-doɛ̃ koe sii doɛ̃-wɔlen la, a din nə yiri koe sii giala malin la.

Danayeli sɛ́wɔ 2:28

Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Danayeli sɛ́wɔ 4:25

Sii lɛ tumaa nə́ n zɛnaa kii Nebukadenezɔɔrɔ nɛ.

Danayeli sɛ́wɔ 4:32

Kanaa minin tumaa ba màn kɔn lɛa a yɔrɔ-a wa. A din foo sii nə n zɛnɛɛ, lon a dia dí-a wolen laanka kanaa minin wɔ paǹ li. Min kɔn banban, bɛ boo la a na a gɔn kũ, a pɛ nɛ: «Wàa mɛn sii n ka kɛ nɛ n tá zɛnɛɛ?»

Danayeli sɛ́wɔ 5:23

N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.

Danayeli sɛ́wɔ 6:25

Kii tɔ́n pɛ, mà min mɛnɛn lɛn nə goã ǹ nə́ Danayeli biɛ kɔ, mà ǹ bɛn kũ ǹ da ǹ nɛ. Ǹ nə́ ǹ kũ ǹ nə́ daa ǹ zũ yàran yala lɛ nɛ, ǹ lɔn laanka ǹ nɛnyaanan nɛ. Yàran lɛn nə́ ǹ kũ, ǹ nə́ ǹ pɔpɔsɛ kɔn, bɛ̀ ǹ tɔn dɔ tán yala lɛ din gɔ́ɔ̃-n wa.

Zonaasi 1:9

Á ǹ lɛ si kɛnɛn: «*Ebrəə min ni ka masɛ nɛ. Man Dɛnaa Lawa guguru koe, lon a Lawa kɛ lɛ á yìsi mu laanka tán zɛnaa.»