Bɔ bɛ̀rɛbaa nɛ 9:16 - LAWA A BOO SONBORE 2011

¹⁶ Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

LAWA A BOO SONBORE

¹⁶ Sɛnɛ, n toa walan mìi á ke: Man pàã nyaa n nɛ, màn mɛn bɛ́ toɛ, ǹ ma tɔ laakalaa kanaa paǹ tumaa nɛ.

Bɔ bɛ̀rɛbaa nɛ 9:16 ပူးပေါင်းရင်းမြစ်များ

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

Kiin2 19:35

Bɛa tèlò lɛ nɛ, Dɛnaa Lawa a lon a dia dí-a wole woo giĩ duu paabiɛ ka pɔkiwisiwensooro (185 000) dɛ, Asiirii minin bǎã nɛ. Baayɛlɛ, minin bɛ́ ǹ nə́ yoo, a yii minbuiin nɛ gere tán, ǹ nə́ gã!

KZS1 16:24

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Nehemii 9:10

Ń sii nyaa ǹ sii dadaran da Eziptin kii mìi ni a di-nyanlin tumaa laanka a gána a zaman tumaa nɛ, a giala ń goã doɛ̃ mà ǹ nə́ fuu nyaa wɔ digolon lɛn manɛ, ń tɔ́n nə n din tɔ bɔ ǹ sii zɛnaa, ka yii bɛ́ tɔn a ganaa lɔn pelo.

Loen 106:8

Sɛnɛ, á ǹ kirisibaa a din tɔ kɛa lɛa, a ná a din a Pàãyiidɛnaabaa nyaa.

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 9:15

Bɛ̀ man má toa ma gɔn yoo, bɛ̀ má n dɛ ka piɛ̃ busu baraa kɛ nɛ, n din ni ka n gána minin ni, bɛ̀ ka a kanaa doo wa.

Bɔ bɛ̀rɛbaa nɛ 9:17

N nə n tɔn nə n laɛ, n piɛ̃ ka maa zaman lɛ a soo a woo ne.

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Zeremii 32:20

Lɛlɛ, Ezipti gána nɛ, ń kaãbaa siin zɛnaa. Haalɛ tɔn pelo, Izirayeli nɛnyaanan bii ka tɔrɔn tumaa nɛ, n bɛ́ màn mɛn lɛa, n nə ǹ tɔn bɛ nyɛɛ, ka wɔ yii bɛa ganaa sisia lɔn.

Ezekieli 39:21

Ma á re ma din a gugurubaa kɛ nyɛɛ tɔrɔn bii. Ma bɛ́ re dɔlɔ mɛn boe tɔrɔn lɛn ganaa man din pàã nyaa nɛ, ǹ tumaa á re bɛ yii.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Minin nimi 14:21

Sɛnɛ, bɛ̀ ma n liɛ wa, ma yii bie koo, maa gugurubaa kanaa gɔ́ɔ̃ tumaa pã wa.

Rɔmu minin 9:17

Lawa din na á pɛ *Faarahɔn nɛ kɛnɛn a boo ne: «Ma din ni má n koa kii lɛa, máa n die n ma pàã nyaa, màn mɛn bɛ́ toɛ, ma tɔ bɔ kanaa paǹ tumaa nɛ.»

Rɔmu minin 9:22

Lawa dɔ bie zɛnɛɛ miɛ̃ minbuiinin man wa? Hiĩ! A n zɛnɛɛ miɛ̃. Min tɛnɛn tan, Lawa n die kiri kuri ǹ la ka foo-busii gole ne. Bɛn doamaa-n ka bɔ̀n dinsɔɔ̃ nɛ. A laanɛ Lawa nə́ ǹ sii si a ganaa á belebɔ nɛ, a n die foo-busii gole laanka a din pàã kɛ nyɛɛ ǹ nɛ.

Zozoe 4:24

A na á bɛ zɛnaa, màn mɛn bɛ́ toɛ, kanaa minbuiinin tumaa dɔ̃, mà Dɛnaa Lawa pàã á gole. Màn mɛn bɛ́ toɛ dɔn, ka dininmaan lɛn nə nyɛ́ɛ baa kaa Lawa, Dɛnaa Lawa nɛ biikoo tumaa li.»

Piɛrɛ1 2:19

Sonbore, bɛ̀ n tá fuun yii, a da yaa n sii zɛnaa, á n bɛa fuun kɛn lɛn da ma mìi-n boe wa, bɛ̀ n dɔ̃ mà Lawa dùũ ni, n si n ganaa, bɛ n bǐɛ̃ lɛa.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Samayeli1 4:8

Koe bɔ wɔsɛn ganaa! Die n die wɔ sii bɛa Lawa Pàãdɛnaa kɛ la? A din lɛ na á bɔ̀n tɔrɔ tumaa da Ezipti minin ganaa diə gole nɛ.