Bɔ bɛ̀rɛbaa nɛ 6:13 - LAWA A BOO SONBORE 2011

¹³ Dɛnaa boo da Muizu laanka Aarɔn nɛ, a ná a dí kɔ ǹ la, Izirayeli nɛnyaanan laanka Ezipti gána a kii Faarahɔn wɔ lɛa, màn mɛn bɛ́ toɛ, ǹ soo ka Izirayeli nɛnyaanan lɛn nɛ, ǹ nə ǹ bɔ Ezipti gána nɛ.

LAWA A BOO SONBORE

¹³ Dɛnaa boo da Muizu laanka Aarɔn nɛ, a ná a dí kɔ ǹ la, Izirayeli nɛnyaanan laanka Ezipti gána a kii Faarahɔn wɔ lɛa, màn mɛn bɛ́ toɛ, ǹ soo ka Izirayeli nɛnyaanan lɛn nɛ, ǹ nə ǹ bɔ Ezipti gána nɛ.

Bɔ bɛ̀rɛbaa nɛ 6:13 ပူးပေါင်းရင်းမြစ်များ

Loen 91:11

A giala, á re pii a lon a dia dí-a wolen manɛ, mà ǹ nə n tamaa bǎã tumaa nɛ.

Bɔ bɛ̀rɛbaa nɛ 6:12

Sɛnɛ, Muizu kɛ pɛ Dɛnaa yɔrɔ-a: «Á ke, Izirayeli nɛnyaanan dinin nə n too kɔ ma lon wa. Faarahɔn nə die n too koe ma lon lɔn, masɛ mɛn bɛ́ maa boo diɛ doɛ̃ wa?»

Bɔ bɛ̀rɛbaa nɛ 6:14

Izirayeli nɛnyaanan digolon tɔn man ke: Zakɔba a nɛgiĩ bibinaa Urubɛn lɛ a nɛnyaanan tɔn man ke: Anɔɔki ni ka Paluu ni, Ɛsirɔn nɛ ka Karmii ni. Urubɛn a tanlɛ minin man bɛn nɛ.

Bɔ bɛ̀rɛbaa nɛ 6:26

Dɛnaa pɛ Aarɔn laanka Muizu mɛn nɛ mà ǹ wo soo ka Izirayeli nɛnyaanaan lɛn nɛ, ǹ nə ǹ bɔ Ezipti gána nɛ, ǹ nə ǹ kakaa kun ka zia-baalin bɛ́ lɔn, bɛn lɛn sii n ke.

Minin nimi 27:19

N die n wo ne Lawa a wúlu-bɔle Eleyazaara laanka zaman lɛ tumaa yɔrɔ-a, n na a dí wɔ a gɔn ǹ yii ni.

Minin nimi 27:23

Muizu nə́ n gɔn da la, a ná a dí wɔ a gɔn, ka Dɛnaa Lawa goã á pɛ nɛ, mà a zɛnaa lɔn.

Matiə 4:6

á pɛ nɛ: – Bɛ̀ n tá Lawa a Nɛgiĩ lɛa sonbore, n toa walan n furəə tán. A giala a tá kiɛ̃ nɛ Lawa a boo-n kɛnɛn: «Lawa á re pii a dia dí-a wolen manɛ, mà ǹ nə n gɔn koa n li ǹ nə n yo lon, màn mɛn bɛ́ toɛ, n baran n gòã na kɔlɔ ganaa wa.»

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Timote1 1:18

Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

Timote1 5:21

Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.