Bɔ bɛ̀rɛbaa nɛ 32:22 - LAWA A BOO SONBORE 2011

²² Aarɔn ná a lɛ si: – Diɛ̃giĩ, ma nə n nyankoe, n foo baran yoo wa. N dinmaa á doɛ̃, mà zaman kɛ lɛ yii á fuu, a sii baraa zɛnaa.

LAWA A BOO SONBORE

²² Aarɔn ná a lɛ si: – Diɛ̃giĩ, ma nə n nyankoe, n foo baran yoo wa. N dinmaa á doɛ̃, mà zaman kɛ lɛ yii á fuu, a sii baraa zɛnaa.

Bɔ bɛ̀rɛbaa nɛ 32:22 ပူးပေါင်းရင်းမြစ်များ

Siin Giala 44:18

Zudaa nə́ n zɔ̃ á dɔ Zozɛfu li, á pɛ nɛ: – Ń golebaa lɛ laanka *Faarahɔn wɔ n goon. Dɛnaagiĩ, sabara baa, n toa ma boo goon pɛ n nɛ, n foo baran yoo ma li wa.

Loen 36:4

Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

Bɔ bɛ̀rɛbaa nɛ 14:11

Ǹ nə́ pɛ Muizu ni: «Yalan man nə́ nyaabaa Ezipti gána nɛ, ń nə́ die wɔ kiɛ gɛ̀ kooro li don bii? Wàa mɛn sii ni ń zɛnaa wɔ-n kɛnɛn? N bɛ́ ń wɔ kũ ń soo wɔ nɛ, ń wɔ bɔ Ezipti gána nɛ.

Bɔ bɛ̀rɛbaa nɛ 15:24

Zaman lɛ zuũzuũ si Muizu ganaa walan. Ǹ nə́ pɛ mà ǹsɛn man die wàa mii kəni?

Bɔ bɛ̀rɛbaa nɛ 16:20

Ǹ tɛnɛn nə n too kɔ a lon wa, ǹ ná a giala koa yǎa baayɛlɛ, sɛnɛ, nyuun nə́ kaa a nɛ, á bɔɔ̃. Muizu foo tɔ́n yoo ǹ li.

Bɔ bɛ̀rɛbaa nɛ 16:28

Dɛnaa pɛ Muizu ni: «Ka bɛ́ tɔn nə n piɛ̃ ka maa dí-pɛn laanka maa daraan kɛn lɛ sii ni, yǎa biĩ kəni ka tɔ́n masɛ lɛ sii?

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 32:21

Á tɔ́n nɔ̀n da Aarɔn la: «Zaman kɛ na á wàa zɛnaa n nɛ, ń lɛ kɔ ń sii baraa gole taãn-taãn da ǹ mìi ni?»

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Timəə dí-pɛn 31:27

A giala, masɛ Muizu tá kaa piã laanka ka too kakabaa doɛ̃. Á ke le! Pelo dinin, a ma toa ma yii n koo man tɔn kun ka nɛ bɔrɔ, kaa ke n gòãn dii Dɛnaa Lawa ganaa. Bɛ̀ ma gã, ka tɔn nə n baa lɔn?

Timəə dí-pɛn 9:24

Masɛ din ka dɔ̃ ǹ mɛn pinaa, ka n Dɛnaa Lawa bɔlɔ-tiilin lɛa miɛ̃.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Samayeli1 15:15

Sayulu pɛ: «Maǹ nə́ bɔ ǹ nɛ Amalɛki tɔrɔn li. A giala, zaman lɛ na á tɔɔ bisinin lɛn laanka tɔɔ dadaran lɛn sonboren toa walan mà maǹ die wúlu boe ǹ ne Dɛnaa Lawa nɛ, n din a Lawa lɛ. A gialakun ke, wɔ bɛ yii bɔ̀n baa lenlen.»

Samayeli1 15:21

Sɛnɛ zaman lɛ tɔɔ dadaran laanka tɔɔ bisinin mɛnɛn si, a laanɛ ǹ tumaa doamaa nɛ ka dɛ nɛ, zaman lɛ nə́ ǹ sonboren toa walan. Maǹ die wúlu boe ka bɛn nɛ Gilgaali kiwi, Dɛnaa Lawa nɛ, n Lawa lɛ.»

Samayeli1 15:24

Sayulu pɛ Samayeli ni: «Má sii baraa zɛnaa. Ma Dɛnaa Lawa a dí-pɛ tamaa wa. N boo mɛn pɛ, ma bɛ si wa. A giala, man má nyɛ́ɛ baa zaman lɛ nɛ, má ǹ bɔlɔ si.