Bɔ bɛ̀rɛbaa nɛ 3:10 - LAWA A BOO SONBORE 2011

¹⁰ Kanna, woo, man die n diɛ *Faarahɔn li, n soo ka maa zaman lɛ nɛ, Izirayeli nɛnyaanan lɛn, n nə ǹ bɔ Ezipti gána nɛ.»

LAWA A BOO SONBORE

¹⁰ Kanna, woo, man die n diɛ *Faarahɔn li, n soo ka maa zaman lɛ nɛ, Izirayeli nɛnyaanan lɛn, n nə ǹ bɔ Ezipti gána nɛ.»

Bɔ bɛ̀rɛbaa nɛ 3:10 ပူးပေါင်းရင်းမြစ်များ

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 15:14

Sɛnɛ, ǹ bɛ́ re bɛ̀rɛbaa ǹ dí nyɛɛ tɔrɔ mɛn nɛ, ma á re dɔlɔ boe bɛ ganaa. Bɛ kio, ma á re soe ǹ ne walan ka gɔn màn gigiã nɛ.

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Loen 77:20

Ń nə́ n kiɛ̃ ǹ zii bɔ kɔ̀ mu bii, ń bɔ mu zuzulun bii, min kɔn dɔ boo la, á n gòɛ̃ yɛ wa.

Bɔ bɛ̀rɛbaa nɛ 12:40

Izirayeli nɛnyaanan lɛn man nə́ lɛ̀ biɛsii ka pɔsɔɔ (430) zɛnaa Ezipti gána nɛ.

Bɔ bɛ̀rɛbaa nɛ 12:41

Lɛ̀ biɛsii ka pɔsɔɔ lɛ a lɛ piɛ̃ li, bɛa pinaa kɛ lɛ din taãn-taãn nɛ, Dɛnaa a zaman lɛ soo ka tɛrɛɛnɛ, ǹ nə́ n bɔ Ezipti gána nɛ.

Bɔ bɛ̀rɛbaa nɛ 33:12

Muizu pɛ Dɛnaa lɛ nɛ: «Á ke, n din nə ń pɛ masɛ nɛ, mà ma wo ka zaman kɛ lɛ nɛ. Sɛnɛ, n bɛ́ re min mɛn diɛ kun ka masɛ nɛ dɔmalɛ wole lɛa, n bɛ nyaa ma-n wa. A da yaa, n din dɔ nə ń goã ń pɛ mà n tá ma doɛ̃ ka ma tɔ nɛ, mà ma kɔɔ̃n kɔ n ganaa.

Bɔ bɛ̀rɛbaa nɛ 33:13

Sisia kəni, bɛ̀ a kɔɔ̃n kɔ n ganaa sonbore, zii nyaa masɛ nɛ, ma boo la ma n din dùũ dɔ̃, ma tɔn kɔɔ̃n kɔ n ganaa, a wo nyɛɛnɛ. N yiri koa a-n dɔn, mà tɔrɔ kɛ lɛ nə n din wɔ lɛa.»

Bɔ bɛ̀rɛbaa nɛ 6:26

Dɛnaa pɛ Aarɔn laanka Muizu mɛn nɛ mà ǹ wo soo ka Izirayeli nɛnyaanaan lɛn nɛ, ǹ nə ǹ bɔ Ezipti gána nɛ, ǹ nə ǹ kakaa kun ka zia-baalin bɛ́ lɔn, bɛn lɛn sii n ke.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.

Misee 6:4

Maa ka waa a bɔ Ezipti gána-n lɛ sɛ a lɛa nɛ? Maa ka si bɛ̀rɛbaa la lɛ a lɛa nɛ? Hinlaa Muizu dia ka la kɛa lɛa nɛ, ka Aarɔn laanka Miriyamu ni?

Nya ǹ dín 7:34

Sonbore, má maa tɔrɔ lɛ a nɔmaa yɛ Ezipti gána nɛ, má a ginii lɛ dɔ ma, man gisĩ má n die sii sii la. Sisia Muizu, woo. Masɛ n die n diɛ Ezipti gána nɛ.»

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Nya ǹ dín 7:6

Lawa na á boo da kɛnɛn: «N nɛnyaanan tá re woe gána kɔsɔ nɛ, ǹ tá re ǹ biɛ bɛ̀rɛn lɛa, ǹ tá re ǹ nɔmiɛ lɛ̀ biɛsii (400) gɔ́ɔ̃ nɛ.»

Nya ǹ dín 7:7

Sɛnɛ, gána mɛn bɛ́ re ǹ biɛ bɛ̀rɛn lɛa ke lɛn, ma á re kiri kuri bɛ la. Bɛ kio, ǹ tá re soe, ǹ daa ǹ masɛ guguru kɔ gána kɛ nɛ.

Sii yɔrɔ-bɔlen 6:14

Dɛnaa Lawa nə́ n yɔrɔ bɔyaa á dia la á pɛ nɛ: Pàã kɛ lɛ n lon, wo ka bɛ lɛ nɛ, n Izirayeli minin lɛn si Madiã minin lɛn la. Woo, masɛ din nə n diɛ.

Samayeli1 12:6

Samayeli tɔ́n pɛ zaman lɛ nɛ: – Dɛnaa Lawa lɛ din na á Muizu laanka Aarɔn bɔ, á ka digolon waa nɛ, á ǹ bɔ Ezipti gána nɛ.

Samayeli1 12:8

Zakɔba bɛ́ á dɔ Ezipti gána nɛ, ka digolon lɛn bɛ́ nɔmaa gɔ́ɔ̃ nɛ, ǹ nə́ n lɛ dɛ Dɛnaa Lawa ganaa. Dɛnaa Lawa tɔ́n Muizu laanka Aarɔn dia ǹ nə́ ka digolon lɛn waa Ezipti gána nɛ, ǹ nə́ soo ǹ ne, ǹ nə́ daa ǹ kaa tán kɛ lɛ la kanaa.