Bɔ bɛ̀rɛbaa nɛ 22:30 - LAWA A BOO SONBORE 2011

³⁰ Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.

LAWA A BOO SONBORE

³⁰ «Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.»

Bɔ bɛ̀rɛbaa nɛ 22:30 ပူးပေါင်းရင်းမြစ်များ

Siin Giala 17:12

A saa kanna ganaa a wo miɛ̃, kaa giĩn tumaa, bɛ̀ ǹ mɛn a yɛ dɔ lɛawaa kiwisi, bɛ doamaa nɛ a n kuru. Bɛ̀rɛ mɛn tumaa bɛ́ re yii n kion, n bɛ́ re ǹ mɛnɛn pii ka wɔrɔ nɛ, ǹ nə́ tɔrɔ kɔsɔn lɛa, n din tɔrɔ ná a bie wa, ta tɔrɔ mɛn nɛ, ǹ dɔn doamaa nɛ ǹ nə n kuru.

Bɔ bɛ̀rɛbaa nɛ 13:12

ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ.

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Lawa a wúlu-bɔlen 12:3

Lɛawaa kiwisibaa ǹ wɔ pinaa, ǹ nɛ lɛ kuru.

Lawa a wúlu-bɔlen 17:15

Min woo min, gána lɛ a min ni hinlaa gùli ni, bɛ̀ màn gã a din li, hinlaa don mànan man nə́ wɔ̃woɛ̃ kɔn, bɛ̀ ǹ mɛn bɛ sɔ̃, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃ a tɔn *yoreen koe.

Lawa a wúlu-bɔlen 22:27

Diin nɛ nɛ, sère nɛ nɛ ka bòe nɛ nɛ, bɛ̀ ǹ mɛn yɛ, a doamaa nɛ a goã kun ka ǹ dan nɛ, yǎa lɛawaa sɔbaa. A kũ a yɛ lɛawaa kiwisibaa ǹ wɔ ganaa, bɛ̀ min tá li a da ǹ mɛn kɔ masɛ Dɛnaa Lawa la wúlu màn tiɛ̃ lɛa, ma á lɛ koe a ganaa.

Lawa a wúlu-bɔlen 22:8

Bɛ̀ màn gã a din li, hinlaa don mànan man nə́ wɔwoɛ̃ kɔn, Lawa a wúlu-bɔle doamaa bie a bɛ sɔ̃, a gɔ̀ da a din ganaa-n wa. Ma din ni Dɛnaa Lawa lɛa.

Lawa a wúlu-bɔlen 7:23

A pɛ Izirayeli minin lɛn manɛ: Ka nyan toa ka màn nyɔɔ kɔn wɔ ka lɛ-n wa. Ta dii wɔ nɛ, ta sère wɔ nɛ, ta bòe wɔ nɛ.

Lawa a wúlu-bɔlen 7:24

Tɔɔ mɛn gã a din li, bɛ laanka don mànan bɛ́ ǹ nə́ ǹ mɛn dɛ, ka nyan toa, ka bɛa nyɔɔ wɔ ka lɛ-n wa. Sɛnɛ, ka á boe la, ka dí kɔsɔ tɔrɔ tumaa nya ka a nyɔɔ lɛ nɛ.

Lawa a wúlu-bɔlen 7:26

Màn mà tumaa, ta bàan mà nɛ, ta tɔɔ mà nɛ, ta ka n giã-n bǎã mɛn nɛ, ka nyan toa bɛ kɔn a mà wɔ ka lɛ-n wa.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 15:19

Kaa diin ni, kaa sèren ne ka kaa bòen ne, bɛn bɛ́ re nɛ bibinaan mɛnɛn yii gɔ̀lɔ̀ lɛa, ka die ka bɛn kɔ kaa Lawa, Dɛnaa Lawa la. Dii gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan dí nya ka bɛ-n wa. Sère gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan bɛ ka kuru wa.